Vikipediya:Forum/Takliflar

Qoidalar

Texnik savollar

Takliflar

Yangiliklar

Yordam

Bu boʻlim qoidalar bilan bogʻliq boʻlmagan takliflar uchun moʻljallangan.

Turkumlarni tartibga keltirish haqida

• Turkum:Mamlakatlarga koʻra oshxonalar,
• Turkum:Mamlakatlarga binoan oshxonalar
• Turkum:Mamlakatlar boʻyicha oshxonalar

Mana shu soʻzlarni birini tanlab hamma oʻz bilganidek yozmasdan bir kelishimga kelib turkumlarni tartibga keltirish kerak deb oʻylayman sizlar ham oʻz fikringizni bildirsangiz. Mening fikrimcha uchinchi variantni tanlab olishimiz toʻgʻri boʻladi. Sababi bu variant hudud-joy nomlari bilan birga kelib, harakat, hodisa yoki voqeaning shu joyga taalluqli ekanligini bildiradi.   Mirzoulugʻbek |@  14:18, 3-Iyun 2024 (UTC)

Shunindek Vas okrugidagi aholi punktlari kabi turkumlar ko'payib ketgan "dagi" qo'shimchasi qo'shilganidan so'ng Vas okrugidagi aholi punktlar bo'lishi kerak, yoki Vas okrugi aholi punktlari boʻladi mana shu kabi har kim oʻziga maqul kelganini yozishni toʻxtatib, bir kelishimga kelaylik.   Mirzoulugʻbek |@  05:58, 21-Iyun 2024 (UTC)

"boʻyicha" yaxshi variant. Jamshid Nurqul (munozara) 22:04, 6-Iyul 2024 (UTC)

„Boʻyicha“ variantiga toʻliq oʻtishni qoʻllayman. Hozirda „boʻyicha“ 3,5k, „koʻra“ esa 6,2k marta qoʻllanilgan. Bizga bir xillik kerak. Nataev ^munozara 23:34, 6-Iyul 2024 (UTC)

Rozilar

1. „Boʻyicha“ variantiga  Roziman. Ibrohimjon 02:08, 7-Iyul 2024 (UTC)
2.  Roziman — „boʻyicha“ varianti menga ham maʼqul. BEKIPEDIYA ^[munozara] 05:08, 9-Iyul 2024 (UTC)
3. „Boʻyicha“ varianti ko'proq gaplarda qo'llashga mos kelar ekan  Roziman. Mirishkorlik (munozara) 13:30, 11-Iyul 2024 (UTC)
4.  Roziman„Boʻyicha“ varianti maqul, shuni qoʻllasak yaxshi — Axadjon1 (munozara) 03:22, 13-Iyul 2024 (UTC)
5.  Roziman — „Boʻyicha“ varianti maʼqul. Umarxon III (munozara) 07:09, 19-avgust 2024 (UTC).
6.  Roziman - Max 0230 (munozara)

Oʻzbekcha muqobili mavjud boʻlgan ismlar transliteratsiyasi boʻyicha yangi qoida/yoʻlkoʻrsatkich joriy qilish

Hammaga salom, hurmatli administratorlar (Abdulla, Alpasli, Amir.Temur, Artemev Nikolay, Casual, Kagansky, Laziz Baxtiyorov, Malikxan, Mirzoulugʻbek, Muxriddin Azimov, Nataev, Nataeva, Panpanchik, Xusinboy Bekchanov) va faol foydalanuvchilar, oʻzbekcha Vikipediyadagi koʻplab maqolalar asosan ingliz tilidan tarjima qilinishi hech kimga sir emas. Inglizcha Vikipediyada, umuman, ingliz tilida Yaqin Sharq, Markaziy Osiyo, Shimoliy Afrika (xususan, Afgʻoniston, Eron, Pokiston, arab mamlakatlari, Sharqiy Turkiston va b.) hududlaridan chiqqan mashhur shaxslarning (siyosiy arboblar, sportchilar va b.) ismlari ingliz tili qoidalari asosida lotinlashtirilishi ham barchamizga maʼlum. Shu hududlardan chiqqan Ensiklopedik ahamiyatga ega shaxslar/mavzular haqidagi maqolalarda ingliz tilidan oʻzbekcha muqobili mavjud, oʻzbeklar uchun begona boʻlmagan ismlar ham Gʻarbga xos koʻrinishda olib oʻtilmoqda. Masalan: Mohamed Salah, Sayed Tahir Shah, Nader Joukhadar, Rabia ibn Umayya, Kader Abdolah, Hossein Zamani. Lekin agar shaxs haqida oʻzbek OAVda yoritilgan boʻlsa, ismning inlizcha emas, oʻzbekcha muqobili olinmoqda, misollar: Abdul Gʻani Barodar (inglizchasi: Abdul Ghani Baradar), Haybatulloh Oxundzoda (inglizchasi: Hibatullah Akhundzada). EAga ega shaxsning ismi, agar oʻzbekcha muqobili mavjud boʻlsa-yu, oʻzbek OAVda u haqida yoritilmagan boʻlsa ham, ismning oʻzbekcha muqobilini yozsak, bu ishimiz VP:MTT qoidalariga zid boʻlmaydi, deb hisoblayman.

Yuqoridagi fikrlar asosida bir yoʻlkoʻrsatkich yaratsak, unda bir jadval qilib ismning inglizcha (yoki boshqa biror tilda) yozilishi va uning oʻzbekcha muqobili tavsiya tarzida yozib borilsa yaxshi boʻlardi. Biror foydalanuvchida jadvalga kiritilmagan ism borasida savol tugʻilganida oʻsha qoida munozarasida yozib munozara qilishi, munozara yakuniga koʻra oʻsha ismning hammaga maʼqul boʻlgan koʻrinishi jadvalga qoʻshib qoʻyilishi mumkin boʻladi.

Quyida jadval namunasi keltiriladi:

Boshqa tillarda uchrashi	Oʻzbekcha muqobili
Abdul Kader	Abdulqodir
Abdolah	Abdulloh
Hossein	Husayn
Kader	Qodir
Mohamed	Muhammad
Sayed	Said (kam hollarda Sayyid)

Hurmat bilan, Jamshid Nurqul (munozara) 22:16, 7-Iyul 2024 (UTC)

• Yana bir holat, Kavkaz xalqlarida keng tarqalgan ayrim ismlar yozilishi boʻyicha ham kengashib olishimizga toʻgʻri kelarkan, masalan: Xabib Nurmagomedov (hozir maqola shunday nomlangan, yangi qoida kuchga kirsa sportchining ismini „Xabib“ emas, „Habib“ deb yozish kerak boʻladi) maqolasini „Xabib Nurmuhammadov“ deb oʻzgartirish, Magomed Nurbagandov maqolasini „Muhammad Nurbagandov“ deb oʻzgartirish xatolikdek tuyulyapti menga. Shu sababli ayrim ismlarga, ayniqsa avvaldan (SSSR davrida) transliteratsiya qilinmagan, aslicha yoki rus tilidan kirib kelganidek yozilgan ismlar roʻyxatini ham yigʻish kerak boʻlarkan. Rus tilida yozilishi Гамзатов shaklida boʻlgan familiya bizda avvaldan Hamzatov shaklida yozib kelingan, bunday holatlarni ham hisobga olishimiz kerak. Jamshid Nurqul (munozara) 23:05, 7-Iyul 2024 (UTC)

VP:MNKIga koʻra, originali lotin yozuvida yoziladigan ismlarni ayni damda oʻzidek yozamiz. Siz taklif qilayotgan qoida yaxshi, ammo originali lotin yozuvida boʻlgan ismlarini yozish boʻyicha qoidamizga zid. Masalan, London meri en:Sadiq Khan. Uning ism-sharifini siz taklif qilgandek Sodiq Xon oʻlaroq yozamizmi, VP:MNKI boʻyicha Sadiq Khan? Qachondir 2023-yil kelishilganidek ismlarni toʻliq transliteratsiya qilishga oʻtsak, bu muammolar qisman yechim topadi. Ungacha mana shunaqa boʻtqa boʻladi. Nataev ^munozara 18:36, 9-Iyul 2024 (UTC)

Bu taklif originali arab va kirill alifbosida yoziladigan ismlar uchun. Originali lotin yozuvida yoziladigan ismlar uchun VP:MNKIga tayanaveramiz. Jamshid Nurqul (munozara) 18:15, 10-Iyul 2024 (UTC)

Ideal yechim emas, ammo nachora. VP:MNKIga qoʻshish mumkin boʻlgan matnni hozirlay olalsizmi? Balki "Originali arab va fors yozuvlarida yoziladigan ismlar" deb nomlash mumkin. Nataev ^munozara 20:11, 18-Iyul 2024 (UTC)

Mana bu sahifada hozircha test qilib qoralab qoʻyayapman, koʻproq ismlarni toʻplab, jadvalni ham optimalroq koʻrinishga olib kelsam, keyin asosiy nomfazoda eʼlon qilaman. Jamshid Nurqul (munozara) 21:22, 18-iyul 2024 (UTC)

Rozilar

1. Ushbu qoida Oʻzbekcha Vikipediya uchun yuqori darajada dolzarbligi sabab  Roziman Mirishkorlik (munozara) 16:44, 8-Iyul 2024 (UTC)
2.  Roziman – BEKIPEDIYA ^[munozara] 05:17, 9-Iyul 2024 (UTC)
3.  Roziman. Xuddi shu qoidaning bir qismi sifatida yoki alohida qoida sifatida Eron, Afgʻoniston kabi mamlakatlardagi joy nomlarining oʻzbekcha transliteratsiyasi boʻyicha qoida kiritish kerak. Masalan, Kazemabad (Kerman) shahri haqidagi maqolada inglizcha nom toʻgʻridan-toʻgʻri olingan. Lekin forscha transliteratsiyasi qoidasini oʻzbekchaga moslashtirib, shu maqolani Kozimobod (Kirmon) shaklida yozilsa, ham tushunarli, ham toʻgʻri boʻladi, deb oʻylayman. Yoki Kobuldagi mana bu Chār Qala mahallasi haqidagi maqola. Bu yerda Char emas, Chor (forschadan toʻrt deb tarjima qilinadi), Qala emas, qalʼa deb yozish va maqolani Chor qalʼa shaklida nomlash toʻgʻri boʻladi. Fikrim fors tilidagi unlilar boʻyicha transliteratsiya qoidasini ham yuqoridagi jadvalga ilova qilish yoki alohida jadval koʻrinishda chiqarish kerak. Janob Mirzaolim (munozara) 06:11, 9-Iyul 2024 (UTC)
4.  Roziman Humoyun Qodirov (munozara) 17:45, 9-Iyul 2024 (UTC)
5.  Roziman   Mirzoulugʻbek |@  13:35, 10-Iyul 2024 (UTC)
6.  Roziman Ibrohimjon 13:45, 10-Iyul 2024 (UTC)
7.  Roziman – Zarifboyev (munozara) 03:13, 13-Iyul 2024 (UTC)
8.  Roziman – Koʻplab chalkashliklarni hal qiladi deb oʻylayman. Devona Jovliyev (munozara) 21:47, 19-iyul 2024 (UTC)
9.  Roziman – Max 0230 (munozara) 17:17, 2025-yil 16-mart (UTC)

Xulosa oʻrnida

Hozir ushbu koʻrsatma (qoida) talablari ishlab chiqilmoqda, toʻliq tayyor boʻlgach muhokamaga qoʻyiladi, shu vajdan, ushbu munozarani davom ettirishga hojat qolmadi. Jamshid Nurqul (munozara) 11:19, 2025-yil 19-yanvar (UTC)

Hormang, @Jamshid aka. Ideal jadvalni kutsak vaqt yoʻqotamiz deb hisoblayman. Balki javdalni asosiy nomfazoga oʻtkazib, uni toʻldirishni yoʻl-yoʻlakay davom ettirishimiz durust boʻlar?. BEKIPEDIYA ^#yozishma 14:49, 2025-yil 26-aprel (UTC)

Salom, taklifingiz oʻrinli, shu kunlarda bu ish uchun vaqt ajratolmasam kerak. Agar maʼqul boʻlsa jadvalni asosiy nomfazoga olib chiqib toʻldirishni yoʻlga qoʻyib yuborsangiz yaxshi boʻlardi. Jamshid Nurqul (munozara) 15:27, 2025-yil 26-aprel (UTC)

Mana bu yerda jadval yaratishni boshlab qoʻyganman. Bemalol shundan foydalanaverish mumkin. Jamshid Nurqul (munozara) 15:34, 2025-yil 26-aprel (UTC)

Yaxshi. Hozircha shundan foydalanib turamiz. BEKIPEDIYA ^#yozishma 16:00, 2025-yil 26-aprel (UTC)

Baʼzi paytlarda maqolalarni oʻchirish tartibini biroz keskinlashtirish toʻgʻrisida

Hammaga salom, sir emaski 2022-yil 20-may kuni boshlangan marafonning uchinchi mavsumi hanuz davom etyapti. Bu vaqt oraligʻida oʻzbekcha Vikipediyaga yozilgan maqolalarning aksari avtomat tarjima uskunasi yordamida kiritilgan va ularning koʻpi oʻnglab boʻlmas holatdadir. Hozirgi faollarimiz soni kam boʻlgani uchun 2022-yildan buyon yaratilgan maqolalarni bitta-bittalab koʻrib chiqish, xatolarini tuzatib chiqish imkonsizligi ustiga marafonning yangi fasllar bilan davom etishi mavjud mushkulimizni karrasiga oshiradi. 2024-yilning 24–30-iyun kunlari boʻlib oʻtgan „Weekie Hogwarts II“ oromgohida sifat emas, yaqqol son uchun ishlandi. Shu 2024-yilda Oʻzbekiston Yoshlar ishlari agentligi tomonidan yana ikkita vikioromgoh rejalangan, ularda ham bir kunda minglagan maqola yozilishi, mavjud avtomat tarjima maqolalar kolleksiyamizni yanada boyitishi kutiladigan gap (tashkilotchilar sifatga ishlashni vaʼda berishayotgan boʻlsa ham). Shu faktorlarni, oʻzbekcha Vikipediyaning kelib qolgan manzilini hisobga olgan holda quyidagi takliflarni bildiraman:

1. 2022–2023-yilgi vikimarafon/vikioromgohlar davomida va 2024-yilning iyul oyigacha oʻnglab boʻlmas avtomat tarjima maqolalar yaratgan foydalanuvchilarning hissasini yoppasiga oʻchirish;

2. 2024-yilgi marafon/vikioromgohlar davomida kiritilajak maqolalarning sifatiga qattiqroq qarash va oʻnglab boʻlmas avtomat tarjima maqolalar yaratgan foydalanuvchilarning hissasini yoppasiga oʻchirish;

3. Kuniga 1000 ta va undan ortiq maqola kiritiladigan noodatiy kunlarda maqolalarni oʻchirish tartibini keskinlashtirish va oʻnglab boʻlmas avtomat tarjima maqolalar yaratgan foydalanuvchilarning hissasini yoppasiga oʻchirish.

Balki yuqoridagi uchta band bir-biriga oʻxshash tuyulayotgandir, „bularni bitta band bilan qisqaroq yozish mumkin edi“, deyishingiz mumkin. Lekin har qanday qoidadan „lazeyka“ (tuynuk, „fortochka“) topa oladiganlar uchun imkon boricha yoʻllarni yopish maqsadida shunday qilindi.
Hurmat bilan: Jamshid Nurqul (munozara) 17:22, 12-Iyul 2024 (UTC)

Oromgohlar qachon boshlanib qachon tugashi haqida maʼlumotga egamiz, shu sababdan ayana shu davrda yaratilgan maqolalarni maʼlum turkumga avtomatik tarzda qoʻshib keta olamizmi? Keyinchalik qolib ketgan maqolalarni ham patrullash anchagina osonlik bilan boʻlar edi. MrShaxas ^#Munozaracha 20:47, 12-Iyul 2024 (UTC)

Oromgoh davrida yaratilgan maqolalarni alohida turkumga olish imkonsiz. Sababi oromgoh davrida oromgohdan tashqarida turib ham maqola kirituvchi foydalanuvchilar boʻladi. Lekin oromgohda ishtirok etgan foydalanuvchilarning oʻzlarini alohida turkumga qoʻshish mumkin, bu ish avvalgi oromgohlarda amalga oshirilgan. Jamshid Nurqul (munozara) 22:17, 12-Iyul 2024 (UTC)

++. Turkumga qoʻshilgan foydalanuvchilarning hissalari orqali AT maqolalarni topish osonroq boʻladi Hasan Xamidovich (munozara) 20:40, 15-Iyul 2024 (UTC)

Nataev, Kagansky, Artemev Nikolay, Laziz Baxtiyorov, Jamshid Nurkulov (Mirzoulug'bek aka, sizni teg qilolmadim.) Men Muhammadxon Yusupov, WikiStipendiya loyihasi menejeriman. "WikiStipendiya" marafoni uchinchi bosqichi (may-noyabr oylarida bo'lib o'tadi) doirasida haqiqatan ham uchta oromgoh rejalashtirilgan va ulardan birinchisi bo'lmish "WeekieHogwarts II" oromgohida juda katta salmoqda maqolalar kiritildi. Ulardan aksarini qisqa maqolalar tashkil qilishi ham bor gap. Ammo keyingi oromgohlarda ham shu masshtabda maqolalar kiritilishi, sifat sonning qurboniga aylanishi mumkinligi haqidagi fikrlar mutlaqo asossiz. Bundan tashkiliy jamoa ham manfaatdor emas: juda qisqa muddat ichida sonning bu qadar yuqorilashi maqolalar sifatiga shubha uyg'oatadi va bu loyiha imijiga yomon ta'sir qiladi. Buni jamoatchilik ham salbiy qarshilashi turgan gap. Shuni ko'ra-bila turib yana qisqa maqolalar yoziladigan ikkita oromgoh uyushtirish va unga ko'p pul sarf qilish "o'zi o'tirgan shoxni arralash"ga o'xshaydi. Biz undaylardan emasmiz.

Men va’da berganimdek keyingi ikki oromgohda nisbatan kattaroq, manbalari nufuzli, turkumlangan, bilgiqutilari saranjomlangan maqolalar kiritish va ayni shunday maqolalar kiritishni rag’batlantirish maqsad qilingan. Endigi oromgohlarda teranlik ko’rsatkichi, tahrirlar soni, faol foydalanuvchilar soni, maqolalar hajmi va mavzusining xilma-xilligi kabi ko’rsatkichlar uchun harakat qilinadi.

Yuqorida o’zbekcha vikipediyadagi qisqa maqolalarni o’chirishga asosiy sabablardan biri sifatida keltirilgan «Keyingi oromgohlarda ham songa urg’u berilishi va sifatga e’tibor bermaslik» haqidagi iddao asossiz ekan, maqolalarni yoppasiga o’chirishni ham to’g’ri qaror deb hisoblamayman.

WikiStipendiya marafoni o’zbekcha vikipediyani ham son, ham sifat jihatidan o’sishi, rivojlanishi tarafdori. Bulardan biriga ikkinchisini toptash evaziga erishilishiga yo’l qo’yilmaydi. MYDesigner (munozara) 13:03, 16-Iyul 2024 (UTC)

Agar maqolalar sifatli yozilishiga ishonar ekansiz, unda bu taklif natijalaridan xavotir olmasangiz ham boʻladi. Bu yerda sifatli maqolalar oʻchirilishi toʻgʻrisida gap ketmayapti. Taklifga qarshilik oʻz soʻzlaringizni inkor qilishingizni bildirishi mumkin. Ushbu taklifga qiziqish bildirganingiz uchun rahmat. Jamshid Nurqul (munozara) 15:56, 16-Iyul 2024 (UTC)

Rozilar

1. Batafsil va o'rinli taklif. Men  Roziman. --Hasan Xamidovich (munozara) 18:44, 12-Iyul 2024 (UTC)
2.  Roziman Lili ^(suhbat) 07:43, 18-Iyul 2024 (UTC)
3.  Roziman - Rabiga Shabatova (munozara) 13:19, 18-Iyul 2024 (UTC)
4.  Roziman — AnvarxonM (munozara) 20:05, 2024-yil 22-dekabr (UTC)

Qarshilar

1. Yuqorida keltirgan fikrlarimga ko'ra  Qarshiman. — MYDesigner (munozara) 13:05, 16-Iyul 2024 (UTC)
2.  Qarshiman - Max 0230 (munozara) 17:20, 2025-yil 16-mart (UTC)

„Qumloq“ soʻzini „Qoralama“ga oʻzgartirish

Assalomu alaykum. Barcha soʻzlarning ham ingliz tilidan tarjima qilingan versiyasi yaxshi boʻlavermaydi. Unga nisbatan alternativ sinonimlar topish kerak. Qumloq balki sandbox uchun shakl jihatdan yaqin tarjimadir, ammo qoralama tarjimasi bajariladigan funksiyalar jihatidan ushbu qismga mos keladi va qoralama deganda yangi kelgan foydalanuvchilarning ham xayoliga birdaniga tajribalar oʻtkazadigan maydon keladi.

Bu taklifga befarq boʻlmaysiz degan umiddaman. Hurmat bilan, Hasan Xamidovich (munozara) 09:00, 16-Iyul 2024 (UTC)

Inglizcha Vikipediyada draft tushunchasi ham mavjud. Hali yetarlicha tajribaga ega boʻlmagan foydalanuvchilarning maqolalari draft oʻlaroq chop etiladi va asosiy fazoda koʻrinmaydi. Draft bizdagi qoralamaga mos kelishini hisobga olgan holda bu taklifni maʼqul deb hisoblamayman. Garchi ayni vaqtda oʻzvekcha Vikipediyada Qoralama tushunchasi boʻlmasa ham kun kelib yangi foydalanuvchilarga cheklov qpyish uchun bu atama Vikipediyaga kiritiladi. PanPanChik ^#yozish 10:24, 16-Iyul 2024 (UTC)

"Qumloq" oʻzi xato tarjima boʻlishi mumkin. Vikilugʻatga koʻra, песочница "qumloq" emas, "qumdon" boʻladi. Ruwikidagi kabi, "sandbox" soʻzini "qoralama" oʻlaroq olib, "draft" nomfazosini (yaratiladigan boʻlsa) esa "inkubator" oʻlaroq olish mumkin. Nataev ^munozara 02:32, 17-Iyul 2024 (UTC)

Aynan. Ruwikida ham "qoralama" shaklida olingan. Hasan Xamidovich (munozara) 19:00, 17-Iyul 2024 (UTC)

Ammo hozir bunga katta ehtiyoj yoʻqdek. Birdaniga Maxsus:Search kabi sahifalarni ham oʻzbekchaga oʻgirish kerak. Buning uchun roʻyxat tuzish kerak boʻladi. Nataev ^munozara 20:14, 18-Iyul 2024 (UTC)

Betaraflar

1. Menga qumloq holati maqul. Qoralama deyish shart emasdek. Max 0230 (munozara) 17:18, 2025-yil 16-mart (UTC)

Vikipediya:Maqolalar indeksi sahifasining strukturasini oʻzgartirish

Hozirda Vikipediya:Maqolalar indeksi strukturasining vertikal holati oʻzbek lotin alifbosi, gorizontal holati oʻzbek kirill alifbosiga asoslangan. Ikkala holatini ham oʻzbek lotin alifbosiga mos tarzda oʻzgartirishni taklif etaman. – Kagansky ^munozara 10:54, 19-iyul 2024 (UTC)

1. Ushbu taklifni  qoʻllab-quvvatlayman va bu ishni amalga oshirishga imkon qadar yordamlashaman. Rostdan ham oʻzbekcha Vikipediyaning asosiy interfeysi oʻzbek lotin alifbosi asosida boʻlganidan keyin Maqolalar indeksi ham shu alifbo boʻyicha tartiblanishi kerak. Jamshid Nurqul (munozara) 20:33, 26-iyul 2024 (UTC)
2.  Roziman – BEKIPEDIYA ^#yozishma 05:23, 2-avgust 2024 (UTC)
3.  Roziman – Juda yaxshi taklif. Umarxon III (munozara) 07:01, 19-avgust 2024 (UTC).
4.  Roziman. Humoyun Qodirov (munozara) 04:48, 20-avgust 2024 (UTC)
5.  Roziman – Ibrohimjon 05:49, 20-avgust 2024 (UTC)
6.  Roziman – Saidakbar Baxtiboyev^(munozara) 07:54, 2024-yil 10-dekabr (UTC)
7.  Roziman – Diwikiped ^muloqot :) 08:14, 2024-yil 10-dekabr (UTC)
8.  Roziman – Bu boʻyicha nimadir yordam kerak boʻlsa, yordamga tayyorman. Janob Mirzaolim (munozara) 12:09, 2024-yil 10-dekabr (UTC)
9.  Roziman – AnvarxonM (munozara) 20:00, 2024-yil 22-dekabr (UTC)
10.  Roziman – Max 0230 (munozara) 17:19, 2025-yil 16-mart (UTC)

Tahrir asboblari sahifasini yangilash

Hammaga salom. Edittools sahifasini kengaytirishni, masalan Oʻzbekcha Vikiiqtibosdagidek oʻzgartirishni taklif qilaman. Koʻrib chiqib fikringizni bildiring. Bu taklifga qoʻshimcha va oʻzgartirishlar kiritish kerak boʻlsa quyida yozishingizni soʻrayman. Umarxon III (munozara) 07:38, 19-avgust 2024 (UTC).

Fikrlar

Ana shu asbobga yana {{Tashqi havolalar}}, {{commonscat}} va {{munozara}} andozalarini va „()“ qavsni qoʻshilsa ancha foydali boʻlardi. Mirishkorlik (munozara) 07:19, 2024-yil 1-noyabr (UTC)

Bajarildi. Umarxon III (munozara) 09:57, 2024-yil 1-noyabr (UTC).

Vikifikator avtomatik qoʻshiladimi? Ushbu asbob ham qoʻshilsa soʻzsiz qoʻllashga tayyorman -- Mirishkorlik (munozara) 10:25, 2024-yil 8-noyabr (UTC)

Ha, avtomatik qoʻshiladi. Umarxon III (munozara) 06:46, 2024-yil 10-dekabr (UTC).

Rozilar

1.  Roziman -- Mirishkorlik (munozara) 08:18, 2024-yil 10-dekabr (UTC)