Ulug‘bek Muhammadiyev
| Ulug‘bek Muhammadiyev | |
|---|---|
 | |
 | |
|
Mansab davri 2023-yil 30-oktyabr – hozirgi vaqtgacha | |
| Prezident | Shavkat Mirziyoyev |
| |
|
Mansab davri 2020-yil 30-iyul – 2022-yil yanvar | |
| Shaxsiy maʼlumotlari | |
| Tavalludi |
1977-yil 23-fevral Qashqadaryo viloyati, Yakkabog‘ tumani |
| Taʼlim | O‘zbekiston Milliy universiteti |
| Dini | islom |
Ulugʻbek Muhammadiyev (1977-yil 23-fevral, Yakkabogʻ tumani, Qashqadaryo viloyati, Oʻzbekiston)- oʻzbek davlat va jamoat arbobi. 2020-2022-yillarda Adliya vazirligi huzuridagi Davlat xizmatlari agentligi direktori vazifasida ishlagan. 2023-yil 17-avgustdan buyon Oʻzbekiston Respublikasi Prezidentining kadrlar siyosati masalalari boʻyicha maslahatchisi oʻrinbosari – Prezident Xalq qabulxonasi rahbari[1].
Biografiyasi
[tahrir | manbasini tahrirlash]Ulugʻbek Muhammadiyev 1977-yil 23-fevralda Qashqadaryo viloyatining Yakkabogʻ tumanida tugʻilgan. 1999-yilda Toshkent davlat universiteti (kunduzgi), 2003-yilda Oʻzbekiston Milliy universiteti (sirtqi)ni tamomlagan. Mutaxassisligi matematik, huquqshunos. Oʻzbekiston Respublikasi Prezidenti huzuridagi Davlat boshqaruvi akademiyasi (xalqaro munosabatlar yoʻnalishi)ni tamomlagan.
U ilk mehnat faoliyatini 1999-yili Oʻzbekiston Milliy universitetining oʻquv boʻlimi inspektori vazifasidan boshlagan. 2001-2008 yillarda Oʻzbekiston Respublikasi Prezidenti devoni, Oʻzbekiston Respublikasi prezidenti huzuridagi Sudyalarni tanlash va lavozimlarga tavsiya etish boʻyicha oliy malaka komissiyasi kotibiyatida mas’ul lavozimlarda xizmat qilgan. 2008-2017 yillarda jinoyat ishlari boʻyicha Toshkent shahar sudining sudyasi sifatida faoliyat yuritgan.
2017-2018 yillar mobaynida Oʻzbekiston Respublikasi prezidenti devoni Jismoniy va yuridik shaxslarning murojaatlari bilan ishlashni nazorat qilish va muvofiqlashtirish xizmati yetakchi inspektori, shoʻ'ba mudiri, Oʻzbekiston Respublikasi prezidentining Fuqarolar huquqlarini himoya qilish, jismoniy va yuridik shaxslarning murojaatlari bilan ishlashni nazorat qilish va muvofiqlashtirish masalalari boʻyicha davlat maslahatchisi oʻrinbosari lavozimlarida mehnat qilgan. 2018-2020-yillar hamda 2022-2023-yillarda Oʻzbekiston Respublikasi prezidentining Fuqarolar huquqlarini himoya qilish, murojaatlar bilan ishlash masalalari boʻyicha maslahatchisining birinchi oʻrinbosari[2], 2020-2022-yillarda Adliya vazirligi huzuridagi Davlat xizmatlari agentligi direktori[3] vazifasida ishlagan.
2023-yilning 30-oktyabridan buyon rezidentning kadrlar siyosati masalalari boʻyicha maslahatchisi oʻrinbosari – Prezident Xalq qabulxonasi rahbari lavozimida ishlab kelmoqda.
Manbalar
[tahrir | manbasini tahrirlash]- ↑ „Prezident Administratsiyasida yana bir qator yangi tayinlovlar amalga oshirildi Qaralgan sana=14.08.2024“ (daryo.uz).
- ↑ „Ulug‘bek Muhammadiyev eski lavozimiga tayinlandi Qaralgan sana=14.08.2024“ (qalampir.uz).
- ↑ „Prezident maslahatchisi o‘rinbosari Davlat xizmatlari agentligi direktori etib tayinlandi Qaralgan sana=14.08.2024“ (daryo.uz).