Toshkent islom universiteti

Vikipediya, ochiq ensiklopediya
(Toshkent Islom Universitetidan yoʻnaltirildi)
Jump to navigation Jump to search
Toshkent Islom Universiteti (O'zbekiston Xalqaro islom akademiyasi deb nomi o'zgardi. 2018 yil 16 apreldan)
(TIU)
Ташкентский исламский университет при Кабинете Министров Республики Узбекистан (ТИУ).JPG
Xalqaro nomi Tashkent Islamic University
Shiori diniy bagʻrikenglik
Asos solingan 1999-yil
Oʻquv yurti turi Universitet
Rektori Shuhrat Yovqochev[1]
Talabalari 125
Fakultetlar 5 ta
Bakalavriat 4 yil
Magistratura 2 yil
Akademiklar 1 ta
Fan doktorlari 11 ta
Manzili Abdulla Qodiriy koʻchasi 11, Toshkent shahri, Oʻzbekiston
Vebsayti www.tiu.uz

Islom universiteti, Toshkent islom universiteti — islom dini boʻyicha malakali mutaxassislar tayyorlaydigan oliy oʻquv yurti va yirik ilmiy markaz. Oʻzbekiston Respublikasi Vazirlar Mahkamasi huzurida, 1999-yil 7-aprelda tashkil etilgan. Universitetda islom tarixi va falsafasi; shariat (fiqh), iqtisod va tabiiy fanlar fakultetlari; dinshunoslik, islomshunoslik; demokratik jamiyat qurish nazariyasi va amaliyoti; sharq tillari; gʻarb tillari; informatika va tabiiy fanlar; jismoniy tarbiya kafedralari hamda jahon dinlarini qiyosiy oʻrganish boʻyicha YUNESKO kafedrasi bor. Oʻquv bosqichlari: bakalavrlik — 4 yil, magistratura — 2 yil Universitet dinshunoslik, islomshunoslik, islom huquqi, xalqaro iqtisodiy munosabatlar, informatika va axborot texnologiyasi buyicha mutaxassislar tayyorlaydi. Universitetda 2002—2003 oʻquv yilida 470 dan ortiq talaba oʻqidi, 100 dan ortiq professor-oʻqituvchilar, shu jumladan, 15 fan doktori, 41 fan nomzodi va dotsent ishladi. Aspirantura va doktorantura bor. 2000 yildan universitet qoshida akademik litsey ochilgan. Universitet ilmiy kutubxona (42 ming asar, asosan, darslik va ilmiy kitoblar), manbalar xazinasi, nashriyotiga ega. Manbalar xazinasi mamlakatimiz va xorijda mavjud boʻlgan qoʻlyozma va nodir kitoblar bilan boyitib boriladi. Universitet tarkibida Islomshunoslik ilmiy tadqiqotlar markazi bor. Bu markazda Qurʼon, tafsirlarni oʻrganish, islom tarixi va falsafasi, shariat (fiqh), maʼnaviyat, madaniyat va sanʼat, manbashunoslik va qoʻlyozmalarni oʻrganish boʻlimlari mavjud. Toshkent islom universitetida "Sharqshunoslik fanlari" sohasi boʻyicha doktorlik dissertatsiyalari himoyasiga ixtisoslashgan kengash tuzilgan. Universitet Sharq va Gʻarb tillarini mukammal oʻqitish maqsadida zamonaviy texnik vositalar bilan taʼminlangan. Lingofon kabineti va arab tili markazi faoliyat koʻrsatadi. Toshkent islom universitetini rivojlantirish jamgʻarmasi tashkil etilgan (1999). Toshkent islom universiteti AQSH, Angliya, Fransiya, Gollandiya, Rossiya, Saudiya Arabistoni, Misr Arab Respublikasi, BAA va boshqa davlat universitetlari hamda ilmiy tadqiqotlar markazlari bilan aloqalar oʻrnatgan. Abdulhay Abdullayev.[2]

Rektorlar[tahrir]

Manbalar[tahrir]