Sergey Kucherenko
| Shaxsiy maʼlumot | |||
|---|---|---|---|
| Toʻliq ismi | Sergey Petrovich Kucherenko | ||
| Tavallud sanasi | 22-avgust 1961-yil | ||
| Tavallud joyi | Odessa, Ukraina SSR, Sovet Ittifoqi | ||
| Ampluasi | Himoyachi | ||
| Yoshligida aʼzo boʻlgan klublar | |||
| Chornomorets Odesa | |||
| Professional faoliyati* | |||
| Yillar | Jamoa | Isht. | (Gol.) |
| 1980 | Podillya Khmelnytskyi | 5 | (0) |
| 1982–1985 | Zirka Kirovohrad | 110 | (1) |
| 1985–1987 | Spartak Ryazan | 56 | (1) |
| 1989 | Dynamo Odesa | 0 | (0) |
| 1991 | Zirka Kirovohrad | 40 | (0) |
| Boshqargan klublari | |||
| 2003 | Yunist Chornomorets Odesa | ||
| 2005–2006 | Podillya Khmelnytskyi | ||
| 2007 | Spartak Ivano-Frankivsk | ||
| 2007–2008 | Desna Chernihiv | ||
| 2009 | Mash’al (akademiya murabbiy) | ||
| 2010— | FSh Nasaf Qarshi (sport direktor) | ||
| *Professional klublardagi gollari (ichki chempionat) | |||
Sergey Petrovich Kucherenko (ruscha: Кучеренко Сергей Петрович; 1961-yil 22-avgustda Odessada tugʻilgan) – sovet va ukrainalik futbol murabbiyi va sobiq futbolchisi[1].
Futbolchilik faoliyati
[tahrir | manbasini tahrirlash]Sergey Odessadagi „Chernomorets“ sport va oʻsmirlar sport maktabi tarbiyalanuvchisi, birinchi murabbiylar Aleksandr Ruga va Grigoriy Krivenko edi[2]. 1978-yildan Odessa jamoasining oʻrinbosarlar jamoasida p’yinlarda ishtirok eta boshlagan. Ikki yil davomida oʻrinbosar tarkibida oʻynagan ammo asosiy jamoa oʻyinlarida ishtirok etmagan. 1980-yilda Sergey jismoniy tarbiya guruhlari oʻrtasida Ukraina SSR chempionatida ishtirok etgan Podgaitsi shahrining Niva jamoasiga tarkibiga oʻtgan. Oʻsha yilning oxirida Sergey Xmelnitskiyning „Podoliya“ jamoasiga taklif qilingan. Xmelnitskiy klubi tarkibida SSSR chempionatining ikkinchi ligasida debyut qilgan. Umuman olganda, u Xmelnitskiy jamoasi tarkibida 5 ta oʻyin oʻtkazgan va tez orada uni taklif qilgan murabbiy Vladimir Onisko ishdan boʻshatilgan. Natijada Kucherenko Nivaga qaytib kelgan va u yerda 1981-yilda Havaskorlar oʻrtasidagi respublika chempionatining kumush medali sovrindori boʻlgan. Shundan soʻng, ikkinchi liganing bir qator jamoalaridan taklif olgan. 1982-yilda „Kirovograd Zvezda“ jamoasi tarkibiga oʻtgan. Kirovogradda birinchi mavsumdayoq Sergey asosiy oʻyinchilardan biriga aylangan, aksariyat oʻyinlarda maydonga tushgan. Kucherenko „Zvezda“ jamoasida uch mavsum davomida oʻynagan.
1985-yilda uni murabbiy Viktor Stupak Murmanskdagi „Sever“ klubiga taklif qilgan. Oʻsha yili u Ryazanning „Spartak“ jamoasiga koʻchib oʻtgan. Spartak jamoasi tarkibida ikki mavsum oʻtkazgan va keyinchalik Kirovogradga qaytgan. Yana bir yil davomida ikkinchi ligada oʻynagach, sogʻligʻi tufayli professional faoliyatini yakunlashga qaror qilgan. Shundan soʻng Sergey havaskorlar futbolida koʻrinish bergan.
Murabbiylik faoliyati
[tahrir | manbasini tahrirlash]Futbolchilik faoliyatini yakunlaganidan soʻng, Sergey Odessada shaxsiy biznes bilan shugʻullangan. Kucherenko keyinchalik oʻzining birinchi murabbiylaridan biri, Grigoriy Krivenkoga Odessa sport maktablaridan birida murabbiy sifatida yordam bergan. 1999-yilda uning oʻzi Chernomorets oʻsmirlar sport maktabida bolalar futboli murabbiyi boʻlgan. 2004-yilda Xmelnitskiy „Podoliya“ jamoasiga seleksioner-murabbiy lavozimiga taklif qiqlingan. Xmelnitskiy jamoasiga odessalik bir necha futbolchilarni taklif qilgan. 2005-yilda Kucherenko Podillya Xmelnitskiy bosh murabbiyi etib tayinlangan[3]. 2007-yilda u Ivano-Frankivskning „Spartak“ klubi bosh murabbiyi boʻldi[4]. 2007-yildan 2008-yilgacha Kucherenko „Desna Chernigov“ jamoasini boshqargan[5]. 2009-yilda Oʻzbekistonning „Mash’al“ klubi akademiyasi direktori va katta murabbiyi boʻlgan[6]. 2010-yilda Qarshining „Nasaf“ klubida akademiya direktori boʻlgan, shu bilan birga ushbu jamoada bosh va sport direktori lavozimlarida ishlagan.
Shaxsiy hayot
[tahrir | manbasini tahrirlash]Kucherenkoning oʻgʻli Sergey ham futbolchi boʻlgan va Desna Chernigov tarkibida oʻynagan.
Manbalar
[tahrir | manbasini tahrirlash]- ↑ „Кучеренко Сергей Петрович“. www.footballfacts.ru. Qaraldi: 2021-yil 27-iyun.
- ↑ „Минувший разговор. Сергей Кучеренко“ (uk). Сайт болельщиков ФК «Подолье» Хмельницкий. 2023-yil 10-aprelda asl nusxadan arxivlangan. Qaraldi: 2023-yil 10-aprel.
- ↑ „Новым тренером "Подолья" стал Сергей Кучеренко“. www.ua-football.com. Qaraldi: 2021-yil 27-iyun.
- ↑ „Прикарпатський „Спартак” з подільським акцентом“. www.ua-football.com. Qaraldi: 2021-yil 27-iyun.
- ↑ „Перша ліга. "Десна" - "Комунальник" 2:0. Обов’язкова програма виконана. Тепер чекаємо на довільну“. www.ua-football.com. Qaraldi: 2021-yil 27-iyun.
- ↑ „Наших тренеров перестали ценить?“. www.fansector.info. Qaraldi: 2021-yil 27-iyun.
Havolalar
[tahrir | manbasini tahrirlash]- Sergey Kucherenko FootballFacts.ru saytida (ruscha)
- Sergey Kucherenko Transfermarkt saytida murabbiy profili
- 22-avgustda tugʻilganlar
- 1961-yilda tugʻilganlar
- Odessada tugʻilganlar
- Alifbo boʻyicha futbolchilar
- Alifbo boʻyicha futbol murabbiylari
- SSSR erkak futbolchilari
- FC Podillya Xmelnitskiy futbolchilari
- FC Zirka Kropyvnytskyi futbolchilari
- FC Spartak Ryazan klubi futbolchilari
- Ukraina murabbiylari
- FC Podillya Xmelnitskiy murabbiylari
- FC Spartak Ivano-Frankivsk murabbiylari
- FC Desna Chernigov murabbiylari