Murmansk

Vikipediya, ochiq ensiklopediya

Murmansk (rus. Мурманск), 1917-yilgacha Romanov-na-Murmane (rus. Романов-на-Мурмане) — Rossiya Federatsiyasining Murmansk viloyatidagi shahar. Ushbu viloyatning maʼmuriy markazi, «Qahramon shahar» maqomiga ega (1985). Rossiyaning shimoliy qutbgai yaqin hududidagi eng yirik shaharlardan biri. Barens dengizining Kola qoʻltigʻi sohilidagi muzlamaydigan port. Temir yoʻl stansiyasi. Aholisi 388,3 ming kishi (1998). Sanoatining asosiy tarmoqlari — baliq ovlash va baliqni qayta ishlash, kema tuzatish, qurilish materiallari ishlab chiqarish M.da temperatural, seld ovlash va qabul-transport flotlari bor. Qutb i. t. va dengiz baliqxoʻjaligi va okeanografiya loyihalash institutlari, 3 oliy oʻquv yurti, 3 teatr, oʻlkashunoslik, badiiy, harbiydengiz muzeylari bor. M. Kola qoʻltigʻida dengiz porti qurilishi va Murmansk temir yoʻl oʻtkazilishi munosabati bilan vujudga kelgan. 1930 yildan M. Shim. dengiz yoʻlining boshlanish joyi. 2-jahon urushi yillarida M. porti muhim strategik ahamiyatga ega boʻldi.[1]

Manbalar[tahrir]

  1. OʻzME. Birinchi jild. Toshkent, 2000-yil