Rahim Axmedov

Rahim Ahmedovich Axmedov (1921.26.7, Toshkent) – rassom. O‘zbekiston xalq rassomi (1961). O‘zbekiston BA faxriy a’zosi (1997). Toshkent badiiy bilim yurti (1937–41) va Leningrad rassomlik, haykaltaroshlik va me’morlik institutida (1947–53) ta’lim olgan. 1953 yildan Toshkent teatr va rassomlik san’ati institutida o‘qituvchi, 1976 yildan professor O‘zbekiston Rassomlar uyushmasi boshqaru-vi raisi (1965–84, 1992–94). A. asarlari chukur psixolo-gik ifodaliligi bilan ajralib turadi, ularda ichki kechin-malar, his-tuyg‘ular mohirona ifodalangan. Ijodini aso-san portretlar chizish bilan boshlagan ("Qahramon ona", 1949, "Cho‘pon", 1952, "Student qiz portreti", 1954 va boshqalar). Ras-som yaratgan portretlar ("Ona o‘ylari", "Keksa kolxozchi portreti", 1956; "O‘zbek qizi portreti", 1958; "Qashqadarslik ayol", 1959; "Meh-natda ham soldat", 1961; "Surxondarslik ayol", 1962; "Muqimiy", 1968; "Ni-gora", 1971; "U. Tansiqboyev", 1972; "Lola portreti", 1979; "Nabi Ra-ximov", 1983; "Shuhrat Abbosov", 1987 va boshqalar) o‘zbek tasviriy san’atida portret janrining rivojiga katta hissa bo‘lib qo‘shildi. Manzaralar ("Bahor", 1964, "Nahor. Oqtosh bahori", 1971 va boshqalar), na-tyurmortlar ("Natyurmort", 1954, "Na-tyurmort", 1965 va boshqalar) ham yaratgan. Turli sharoitlarda aks ettirilgan ayollar ob-razlari ("Qo‘shiq", 1964; "Yanvar. 1924 yil" va boshqalar) ham jozibalidir. Asarlari O‘zbekiston san’at muzeyi, Badiiy ko‘rgazmalar direksiyasi, Sharq xalqlari san’ati muzeyi va boshqalarda saqlanadi. Asarlari 1948 yildan respublika va xalqaro ko‘rgazmalarda namoyish etiladi. Hamza nomidagi O‘zbekiston Davlat mukofoti laureati (1967). "Buyuk xizmatlari uchun" ordeni bilan mukofotlangan (1998).

Adabiyotlar

• OʻzME. Birinchi jild. Toshkent, 2000-yil