Liverpul

Vikipediya, ochiq ensiklopediya
Jump to navigation Jump to search

Liverpool — Buyuk Britaniyaning gʻarbiy qismidagi shahar. Mersisayd grafligining maʼmuriy markazi. Mersi daryosining Irlandiya dengiziga quyilish joyida. Aholisi 474 mingdan ziyod kishi (1990-yillar oxiri).

L. — transport yoʻllarining yirik tuguni. Londondan keyin 2-oʻrindagi port. L. porti orqali chetga mashinalar, toʻqimachilik, kimyo va neft mahsulotlari chiqariladi; chetdan oziqovqat, rangli metallar, temir rudasi va boshqa keltiriladi. Aeroporti xalqaro ahami-yatga ega. Sanoati, asosan, port va unga xizmat koʻrsatuvchi sohalar bilan bogʻliq. Kemasozlik, kema tuzatish, oziqovqat, rangli metallurgiya, rezina, kimyo, poligrafiya, elektronika, avtomobil-sozlik, aviatsiya, neftni qayta ishlash korxonalari bor. L.da jamgʻarma va tovar (paxta, don, meʼa) birjalari mavjud. L. birjasida Oʻzbekiston paxtasi ham sotiladi. L. qoʻlyozmalarda 1911 yildan tilga olingan. 1207 yildan shahar maqomini olgan. 13-asrdan port, 17-asr 2-yarmidanL. Angliyaning Amerika va Vest-Indiyadagi mustamlakachilari bilan keng mikyosda savdo aloqalari olib borgan. 19-asrda L. Angliyaning chetdan paxta kel-tiradigan va chetga ip gazlama chiqaradigan eng katta porti. Meʼmoriy yod-gorliklaridan ratusha (18-asr), Sent-Jorj-xoll zali (19-asr), Angliya banki binolari, soborlar saqlangan. Uoker badiiy galereyasi, universitet (1903) bor.[1]

Manbalar[tahrir]

  1. OʻzME. Birinchi jild. Toshkent, 2000-yil