Leyla Belyalova
| Leyla Belyalova | |
|---|---|
| Tavalludi |
1957 |
| Fuqaroligi | Oʻzbekiston |
| Taʼlimi | Samarqand davlat universiteti |
| Unvoni | Biologiya fanlari nomzodi |
| Mukofotlari | Nufuzli 100 ayollar (2018) |
Leyla Belyalova – oʻzbek akademigi va ekologi. Oʻzbekiston ekotizimlarini targʻib qilish va himoya qilish borasidagi uchun BBC tomonidan dunyoning eng nufuzli 100 nafar ayollari roʻyxatidan joy olgan[1].
Karyerasi
[tahrir | manbasini tahrirlash]Leyla Belyalova hozirda Samarqand davlat universitetining ekologiya kafedrasi dotsenti hamda Gʻarbiy Tyan Shan tizmasi ornitologik bioxilma-xilligini saqlash boʻyicha qator xalqaro loyihalar koordinatori lavozimida ishlab kelmoqda. Belyalovaning eng muhim ilmiy ishlariga misol qilib, Kattaqoʻrgʻon suv ombori hamda Zarafshon davlat qoʻriqxonasida oʻrganish ishlarini olib borgan. Shuningdek, u Gʻarbiy Pomir-Oloy togʻ tizmasida joylashgan Amanqutan dovoni atrofidagi oʻzbek flora va faunasini oʻrganib, jahon hamjamiyatiga taqdim etgan[2].
Oʻzbekiston qushlarni himoya qilish jamiyati bilan ishlash orqali Belyalova qushlarning yashash joylari, ularning populyatsiyasi, oziqlanishi hamda shunga oid koʻplab maʼlumotlarni oʻrganib chiqdi[3] .
2018-yilda Belyalova „Oʻzbekiston yil ayoli“ tanlovining Respublika bosqichida birinchi oʻrinni egalladi[4][1][5]. 2017-yilda esa u „Birdlife International“ xalqaro ekologiya tashkiloti tomonidan „Tabiat qahramoni“ mukofoti bilan taqdirlangan. Leyla Belyalova „Jahon ekologik harakati“, „Migratsiyada ekologiya“ va „Sprig alva“ xalqaro dasturlar ishtirokchisi hisoblanadi[6]. BBC kompaniyasining mutaxassislari Leyla Belyalova haqida shunday fikr bildirishdi[7]:
Laylo O‘zbekistonning tog‘ ekotizimlari biologik xilma-xilligini saqlab qolish ustida ishlayotgan va turli xil qushlarni, shu jumladan, yirtqichlarni himoya qiluvchi universitet o‘qituvchisi sifatida uni nufuzli ayollar roʻyxatiga kiritdik.
2023-yilda Ozarbayjonda tashkil qilingan „Harakatning 17 yuzi“ nomli fotokonferensiyada Leyla Belyalova nomi qayd etildi. Ushbu konferensiya Birlashgan Millatlar Tashkilotining Barqaror rivojlanish maqsadlari yuzasidan oʻtkazilgan[8]. Nomi qayd etilgan shaxslar Birlashgan Millatlar Tashkiloti tomonidan qabul qilingan Barqaro Rivojlanish maqsadlari elchilari hisoblanishadi.
Manbalar
[tahrir | manbasini tahrirlash]- ↑ 1,0 1,1 „BBC 100 Women 2018: Who is on the list?“ (en-GB). BBC News (2018-yil 19-noyabr). Qaraldi: 2021-yil 18-sentyabr.
- ↑ „Uzbekistan: We're off to the mountains...we are expected! - Saving special places - Get involved - The RSPB Community“. community.rspb.org.uk. Qaraldi: 2021-yil 18-sentyabr.
- ↑ Langley, Nick „A Nature's Hero with a talent for building relationships“ (en-us). BirdLife (2018-yil 27-yanvar). Qaraldi: 2021-yil 18-sentyabr.
- ↑ UzDaily „Awarding ceremony of "Woman of the Year-2018" takes place in Tashkent“ (ru). UzDaily.uz. Qaraldi: 2021-yil 18-sentyabr.
- ↑ „WEBSITE NEWS“. www.uzspb.uz. Qaraldi: 2021-yil 18-sentyabr.
- ↑ „According to the BBC, Samarkand State University is the leader in graduating 100 women laureates of the world...“. Samdu.uz. Qaraldi: 6-sentabr 2023-yil.
- ↑ „O‘zbekistonlik ayol BBC talqiniga ko‘ra dunyodagi 100 nafar eng nufuzli ayollardan biriga aylandi“. Qaraldi: 8-sentabr 2023-yil.
- ↑ „17 лиц Узбекистана“. Qaraldi: 6-sentabr 2023-yil.