Konstantin Istomin
| Konstantin Nikolayevich Istomin | |
| Tavalludi | 7-yanvar 1887-yil Kursk, Rossiya imperiyasi |
| Vafoti | 28-avgust 1942-yil (55 yoshda) Samarqand |
| Millati | rus |
| Sohasi | sohasi |
| Oqim | Peyzaj, natyurmort, portret |
Konstantin Nikolayevich Istomin (1887-yil 07-yanvar, Kursk – 1942-yil 28-avgust, Samarqand) – sovet avangard rassomi, oʻqituvchi, Makovets, Toʻrt sanʼat jamiyatlari, Inqilobiy Rossiya rassomlari uyushmasi aʼzosi. Rassomning eng yaxshi asarlari Tretyakov galereyasi va Rossiya muzeyi saqlanadi[1].
Hayoti[tahrir | manbasini tahrirlash]
Konstantin Istomin 1887-yil 07-yanvarda Kurskda ofitser oilasida tugʻilgan. U Kurskdagi gimnaziyaga borishni boshladi, ammo 1901-yilda otasi Vladivostokka xizmat qilish uchun koʻchirilganda, uning oilasi ham Vladivostokka ketdi. Vladivostokda, gimnaziyada oʻqish bilan bir qatorda, u sanʼat maktabiga borishni boshladi. Bu yerda Istominlar oilasi 1904-yilda Yaponiya bilan urush boshlangunga qadar qoldi, shundan soʻng ular Xarkovga koʻchib oʻtdilar. Xarkovda nihoyat oʻrta maktabni tugatib, badiiy akademiyaga oʻqishga kirdi. Biroq, u Xarkovda uzoq qololmadi, 18 yoshli Konstantin Nikolayevich 1905-yildagi inqilobiy voqealarda ishchilar tomonida qatnashdi, buning uchun hibsga olindi va qamoqqa tashlandi. U 1906-yilning yozigacha qamoqda qoldi va ozodlikka chiqqandan keyin Germaniyaga joʻnab ketdi[2].
Germaniyaning Myunxen shahrida Konstantin Nikolayevich venger rassomi Shimon Xolosining rassomlik maktabida badiiy taʼlimni davom ettirdi. 1909-yilda intiluvchan rassom Rossiyaga qaytishga qaror qildi va 1909-yilning yozida Moskva davlat universitetining sanʼat tarixi fakultetiga oʻqishga kirdi. Moskva davlat universitetida oʻqiyotganda yosh rassom Gretsiya va Italiya boʻylab sayohat qildi[2].
1913-yilda Istomin armiyaga chaqirildi va artilleriya safiga qoʻshildi[3]. Birinchi jahon urushi paytida u artilleriyani boshqargan, snaryaddan jarohat olgan va kasalxonada davolanib chiqqan. Konstantin 1918-yil bahorida Moskvaga qaytib keldi va Mossovetning tasviriy sanʼat boʻlimida ishladi. 1919-yil mart oyidan u Qizil Armiya saflariqaytdi, ammo yarador boʻlib, tif kasalini orttirib oldi va demobilizatsiya qilindi. Xizmati davomida u rasm chizish bilan shugʻullangan, ammo bu davrdagi rasmlar saqlanib qolmagan.
Konstantin Nikolayevich Istomin 1942-yil 28-avgustda Samarqandda vafot etdi[2].
Galereya[tahrir | manbasini tahrirlash]
- Konstantin Istominning rasmlari
-
Bolaning portreti. 1922 -
Ayol portreti. 1922 -
Deraza oldida. 1928 -
Model. 1930 -
O'qiyotgan ayol. 1931
Manbalar[tahrir | manbasini tahrirlash]
- ↑ „Константин Николаевич Истомин на сайте Государственной Третьяковской галереи“. 2022-yil 15-iyulda asl nusxadan arxivlangan. Qaraldi: 2023-yil 11-sentyabr.
- ↑ 2,0 2,1 2,2 „Курск дореволюционный — Истомин Константин Николаевич“. 2014-yil 8-oktyabrda asl nusxadan arxivlangan. Qaraldi: 2012-yil 27-dekabr.
- ↑ Истомин Константин Николаевич, Интернет-галерея «LeningradArt»
Adabiyotlar[tahrir | manbasini tahrirlash]
- Истомин, Константин Николаевич // Большая советская энциклопедия : [в 30 т.] / гл. ред. А. М. Прохоров. — 3-е изд. — М. : Советская энциклопедия, 1969—1978.
- Яблонская М.Н. Константин Николаевич Истомин // Советский художник. — Москва, 1972.
- Гощанская О.А. Влияние немецкой и французской художественных школ на рисунок Константина Истомина. //Актуальные проблемы теории и истории искусства : сб. науч. статей. Вып. 2 . Под ред. А.В.Захаровой— Санкт-Петербург: НП-Принт — 2012. — С. 416-419. — ISBN 978-5-91542-185-0
- Константин Истомин. Цвет в окне. — М.: Гос. Третьяковская галерея, 2019. — 312 с.: ил. — ISBN 978-5-89580-267-0