Xarkov

Xarkov ukraincha: Ха́рків
Bayroq Gerb
49°59′33″N 36°13′52″E
Mamlakat	Ukraina
Mintaqa	Xarkov viloyati
Hukumat
• Hokim	Ihor Terekhov
Asos solingan	1556
Ilk eslatilishi	1669
Maydon	350.05 km2 (135.16 mi²)
Aholisi  (2022)	1 421 125
Telefon kodi	+38057
Pochta indeks(lar)i	61001 — 61499
Xarkov

Xarkov (ukraincha: Ха́рків) — Ukrainaning Xarkov viloyatidagi shahar, viloyatning maʼmuriy va iqtisodiy markazi. Yirik transport yoʻllari chorrahasi. Aholisi 1470,9 ming kishi (2001).

Shahar 1655—56 yillarda qalʼa sifatida bunyod etildi. 1919—1934-yillarda USSRning poytaxti boʻlib turdi. X. mashinasozlik boʻyicha Ukrainada yetakchi oʻrinda (respublikada ishlab chiqariladigan mahsulotning 1/5 qismini beradi). X.da energetika mashinasozligi, shu jumladan, elektrotexnika sanoati ("Turboatom", "Elektrotyajmash", "Ukrelektromash" va boshqa i.ch. birlashmalari; elektromexanika, "Yujkabel" va boshqa zavodlar), traktor mashinasozligi ("Xarkovskiy traktorniy zavod" va boshqalar), qishloq xoʻjaligi va transport mashinasozligi (motor yigʻish, "Serp va molot" i.ch. birlashmalari; aviatsiya sanoati va boshqalar), stanok va priborsozlik; radioelektronika sanoati va boshqa; kimyo va kimyofarmatsevtika, oziq-ovqat, yengil (toʻqimachilik, poyabzal, koʻnteri, moʻynachilik va boshqalar) sanoatlari rivojlangan. Metropoliten (1975-yildan), 21 oliy oʻquv yurti (shu jumladan, 3 universitet), 6 teatr (shu jumladan, opera va balet teatri), tarixiy, badiiy, tabiat muzeylari bor. Meʼmoriy yodgorliklardan Pokrovskiy (17-asr), Uspeniye (18-asr) soborlari; Yekaterina saroyi (18-asr), proviant omborlari (18-asr) saklangan.