Hanif Burnashev

Hanif Hisanovich Burnashev
Shaxsiy maʼlumotlari
Tavalludi	1900-yil 12-dekabr Oʻzbekiston, Namangan, Shahand qishlogʻi
Fuqaroligi	SSSR
Siyosiy partiyasi	Sovet partiyasi
Istiqomat joy(lar)i	Oʻzbekiston
Taʼlim	Toshkent gimnaziyasi, Qizil professura va Plexanov istituti
Kasbi	Siyosatchi jamoat xodimi mudir

Hanif Hisanovich Burnashev (1900-yil 12-dekabrda tugʻilgan) — oʻzbekistonlik jamoat hodimi, sovet partiya va davlat arbobi.

Hayoti va faoliyati

U Namangan viloyati Shahand qishlogʻida tatar dehqon oilasida dunyoga kelgan. Dastlab yangi usuldagi maktabda oʻqigan. Mustaqil ravishda rus va tojik tillarini oʻrgangan. Keyinchalik 1915—1916-yillarda Toshkentdagi gimnaziyada oʻqishni davom ettirgan. Hanifaning xat-savodliligini koʻrgan hokimiyat vakillari 1917—1918-yillari uni oʻz ishlariga jalb qiladilar. Soʻngra u millatlar komissarligining oʻlka sanʼat qoʻmitasini boshqaradi. 1919—1922-yillarda navbatma-navbat Toshkent, Sirdaryo va Fargʻona firqa qoʻmitalarida hamda Markaziy shoʻro va firqa turk maktabida mudir boʻlib, dialektik materializm, siyosiy iqtisod fanlaridan maʼruzalar oʻqigan.

1921—1925-yillarda Xalq kommunistik partiyasining 5-6—qurultoylarida va 1924-yil may oyidagi 8-qurultoyida hamda 1922-yil avgustdagi 12-Umumrossiya partiya konferensiyasida, Sovet Ittifoqi Kommunistik partiyasining 1921-yil mart oyidagi 10-qurultoyida firqa tashkiloti vakili sifatida ishtirok etadi.

1924-yildan boshlab Bolsheviklar Butunittifoq Kommunistik partiyasi Markaziy Qo'mitasining targʻibot va tashviqot bo'limida rahbar lavozimida faoliyat olib boradi. 1925-yilda oʻzbek tilini yaxshi bilganligi sababli „Qizil Oʻzbekiston“ gazetasida masʼul muharrir va bir vaqtning oʻzida „Kommunist“ nashri tahrir hayʼati aʼzosi sifatida ish yuritgan. 1924-yilda Gosplan komissiyasi aʼzolari tarkibiga kiritilgach respublika sanoat korxonalarini qurish ishlariga jalb qilinadi. 1925-yilda Oʻzbekiston Xalq komissarlar Soveti Raisi oʻrinbosari vazifasiga tayinlanadi.

1928-yil mart oyida Oʻzbekiston Gosplan hayʼati raisi etib tayinlandi. 1928-yil sentabrda Yer ishlari (ziroatchilik) xalq komissari sifatida komissarlikni boshqargan. 1929-yilda Oʻzbekiston MIQ Prezidiumi aʼzosi etib tayinlandi. 1930—1937-yillarda Yer ishlari komissari oʻrinbosari hamda komissarlikning moliya-plan boʻlimining boshligʻi bo'lib ishlaydi. Hanif Burnashevni oʻzbek tilida siyosiy iqtisod va jamiyatshunoslik haqida darsliklarni birinchilardan boʻlib yozib yaratgan shaxs sifatida ham tanisak boʻladi.

1937-yil 25-iyunda NKVD xodimlari tomonidan terroristik tashkilotga aʼzo deb topilib, toʻqima ayb bilan qamoqqa olinadi va keyinchalik 1938-yil 22-martda otib oʻldirishga hukm qilindi. 1956-yil 18-avgustda oqlandi.