Boyovut (shaharcha)

Qishloq Boyovut Mamlakat OʻzbekistonOʻzbekiston Viloyat Sirdaryo viloyatiSirdaryo viloyati Tuman Boyovut tumani Koordinatalari 40°16′56″N 69°01′06″E Aholisi 18 000 nafar Vaqt mintaqasi UTC+5

Boyovut (1961—91 yillarda Dmitrove) — Sirdaryo viloyatidagi shaharcha, Boyovut tumanining markazi. Aholisi 13,8 ming kishidan ziyod (2000), asosan oʻzbeklar; shuningdek tojik, rus, tatar va boshqa millat vakillari ham yashaydi. Eng yaqin temir yoʻl stansiyasi Farhodgacha 11 km.

B. 1950 yillargacha oddiy qishloq boʻlgan. Oʻsha davrda Mirzachoʻlni oʻzlashtirish harakati boshlanishi bilan uzoqyaqindan koʻchib kelganlar va quruvchilar hisobiga kengaydi. "Boyovut" atamasi qabila va joy nomi sifatida Abulgʻoziy Bahodirxonning "Shajarayi turk" va "Shajarayi tarokima" asarlarida "boyoʻtti", "boyovul", "boyoʻtluq" shakllarida uchraydi.

B.da paxta tozalash zavodi, don va un kombinati, MTP, qurilish tashkilotlari, avtokorxona, tuman tashkilotlari idoralari va dehqon bozori bor. Shaharcha hududidan oʻtgan Janubiy Mirzachoʻl kanalining oʻng sohilida "Motamsaro ona" yodgorligi oʻrnatilgan. Mirzachoʻlni oʻzlashtirish tarixi muzeyi, kutubxona, internat maktabi, kasbhunar litseyi, umumiy taʼlim maktablari, madaniyat va istirohat bogʻi va boshqa bor.