Baxtiyor Gʻulomov (harbiy arbob)

Baxtiyor Hisomovich Gʻulomov
	; O‘zbekiston Prezidentining Davlat maslahatchisi Baxtiyor G‘ulomov (o‘rtada) 1997-yilda
Oʻzbekiston Respublikasi prezidentining huquqni muhofaza qiluvchi va nazorat idoralari faoliyatini muvofiqlashtirish boʻyicha davlat maslahatchisi
	Mansab davri; 1992-yildan – 1998-yilgacha
Prezident	Islom Karimov
Oʻtmishdoshi	lavozim taʼsis etilgan
Vorisi	Murod Atayev
Shaxsiy maʼlumotlari
Tavalludi	10-yanvar 1954-yil (71 yosh); Jizzax
Qoʻshin turi	maxsus xizmat
Unvoni	General-leytenant

Vikipediyada Baxtiyor ismli va Gʻulomov familiyali boshqa kishilar haqida ham maqolalar mavjud.

Baxtiyor Hisomovich Gʻulomov — oʻzbek davlat arbobi, harbiy. 1992—1998-yillarda Oʻzbekiston Respublikasi prezidentining huquqni muhofaza qiluvchi va nazorat idoralari faoliyatini muvofiqlashtirish boʻyicha davlat maslahatchisi^[1].

Hayoti

1954-yil 10-yanvarda Jizzax shahrida tugʻilgan. Millati oʻzbek. Otasi Hisom Gʻulomov — asli samarqandlik tilshunos olim boʻlgan.

1975-yilda Toshkent universitetining yuridik fakultetini va 1977-yilda Moskvadagi KGB Oliy maktabini tamomlagan. Ingliz va fors tillarini biladi.

Sovet Ittifoqi KGB tezkor xodimi sifatida ish boshlagan. 1977—1992-yillarda Oʻzbekiston SSR KGB 5-boshqarmasi boʻlim boshligʻi oʻrinbosari, boshligʻi, 5-boshqarmasi boshligʻi, Oʻzbekiston Respublikasi Milliy xavfsizlik xizmati raisining oʻrinbosari lavozimlarida ishlagan.

1992—1998-yillarda Oʻzbekiston Respublikasi Prezidentining huquqni muhofaza qiluvchi va nazorat idoralari faoliyatini muvofiqlashtirish Davlat maslahatchisi va ayni paytda, 1997—1998-yillarda Oʻzbekiston Prezidenti huzuridagi Milliy xavfsizlik kengashi kotibi boʻlgan.

1998-yildan 2004-yilgacha Oʻzbekiston Respublikasi Milliy xavfsizlik xizmati raisining birinchi oʻrinbosari boʻlgan.

2004-yilda nafaqaga chiqqunga qadar bir necha oy Oʻzbekiston Respublikasi Prezidenti huzuridagi Strategik va mintaqalararo tadqiqotlar institutida ishlagan.

2017-yil 23-yanvar kuni Shavkat Mirziyoyev tomonidan Oʻzbekiston Respublikasi Prezidentining maxsus topshiriqlar boʻyicha mas’ul vakili etib tayinlangan^[2]^[3].

1990-yilda general-mayor, 1998-yilda general-leytenant harbiy unvoni berilgan.

Oilasi

Oilali, oʻgʻil va qizi bor.

Yana qarang

Manbalar

Bu maqolada boshqa til boʻlimlariga ishorat yoʻq.
Siz ularni topib va ushbu maqolaga qoʻshib, loyihaga yordam berishingiz mumkin.

[1] „ГУЛЯМОВ Бахтияр Хисамович“.

[2] „Мирзиеев вернул отставного генерала СНБ Бахтияра Гулямова“.

[3] „Мирзияев назначил отставного генерала «своим ответственным представителем»“.

[1]

[2]

[3]