Barselona

Vikipediya, ochiq ensiklopediya

Barselona — Ispaniyaning shim-sharqidagi shahar va port, Oʻrta dengiz boʻyida. Kataloniya muxtor viloyati va Barselona provinsiyasining maʼmuriy markazi. Aholisi 1,7 mln. kishi (1991). B.ga miloddan avvalgi 3-asrda karfagenlar asos solgan. 877 — 1137 y.larda Barselona grafligining poytaxti. 13 — 15-asrlarda Oʻrta dengiz boʻyidagi muhim savdo shahri boʻlgan.

B. — Ispaniyaning muhim iqtisodiy va madaniy markazi. Dengiz, t. i., havo va avtomobil yoʻllari tuguni. B. porti Oʻrta dengiz boʻyidagi eng yirik portlardan (yuk tashish oboroti yiliga 20 mln. t chamasida). B. Ispaniyaning eng katta sanoat shahri. Kataloniyadagi sanoat ishlab chiqarishning 90%i Barselona Asosiy sanoat tarmoqlari: toʻqimachilik, elektrometallurgiya, mashinasozlik, kimyo, sellyuloza, qogʻoz, poligrafiya, elektrotexnika, sement, oziq-ovqat, yogʻoch-sozlik, koʻnchilik va boshqa Xalqaro miqyosdagi savdo-sanoat yarmarkalari oʻtkazilib turiladi. 1888 va 1929 y.larda B.da Butunjahon koʻrgazmasi boʻlgan, 25-Olimpiada (1992) oʻyinlari boʻlib oʻtgan. Shaharda metropoliten qurilgan. Un-tlar (15-asrdan) va boshqa oliy oʻquv yurtlari, teatr, konservatoriya, astronomiya rasadxonasi, muzeylar, hayvonot bogʻi bor.

Meʼmoriy yodgorliklari: San-Pablo del Kampo cherkovi (10-asr), gotika uslubidagi sobor (1298 — 15-a,), Santa-Mariya del Map cherkovi (1320 — 70), Guel saroyi (1885 — 89), Sagrada Familiya cherkovi (19-asr oxiri) va boshqa

Adabiyotlar[tahrir]

  • OʻzME. Birinchi jild. Toshkent, 2000-yil