And mushugi
| And mushugi | |
|---|---|
 | |
Ilmiy tasniflash | |
| Olam: | Hayvonlar |
| Tip: | Xordalilar |
| Sinf: | Sut emizuvchilar |
| Turkum: | Yirtqichlar |
| Oila: | Mushuksimonlar |
| Turlari: | And mushugi |
| Binar nomi | |
|
Leopardus jacobita (Cornalia, 1865[1]) | |
| Sinonimlari | |
| Oreailurus jacobita | |
 | |
And mushugi (lotincha: Leopardus jacobitus) – mushuklar oilasining Janubiy Amerikada tarqalgan turi. And togʻlarining nisbatan borish qiyin boʻlgan hududlarida joylashganligi sababli, jonivor haqda ilmiy maʼlumotlar juda kam. Masalan, ushbu turning birinchi videotasvirlari 2000-yildan keyin paydo boʻlgan.
Tashqi koʻrinishi[tahrir | manbasini tahrirlash]
And mushugi tashqi koʻrinishi jihatdan xuddi shu mintaqada yashovchi pampa mushugiga juda oʻxshaydi[2]. Ikkala tur oʻrtasidagi farq hali ham ilmiy tadqiqot obyekti boʻlib, unda faqat muzeylardan bir nechta namunalar mavjud. Bu mushukning uzunligi taxminan 70 sm, dumining uzunligi esa 45 sm, vazni 4 dan 7 kg gacha boradi. Sovuq havodan himoyalanish uchun moʻynasi qalin, rangi qora dogʻlar bilan qoplangan kulrang-jigarrang. Dumi qora halqa shaklidagi chiziqlarga ega.
Tarqalishi[tahrir | manbasini tahrirlash]
And mushugi – Janubiy Amerikadagi eng kam uchraydigan mushuk turi. Asosan And togʻlarining Peru janubidan oʻtib janubi-gʻarbiy Boliviya va Argentina shimoli-gʻarbiy qismigacha choʻzilgan hududlarda tarqalgan[3]. Dengiz sathidan 3000 dan 5000 m gacha balandlikda yashashni afzal koʻradi.
Oziqlanishi[tahrir | manbasini tahrirlash]
And mushugi mayda sutemizuvchilar bilan oziqlanadi, lekin boshqa mushuklar kabi oʻlja tanlashda ancha moslashuvchan.
Muhoza holati[tahrir | manbasini tahrirlash]
Olimlarning taʼkidlashicha, bu mushuklarning populyatsiyasi juda oz. Shuning uchun, And mushuklari Vashingtondagi Turlarni himoya qilish konvensiyasida roʻyxatga olingan. Konvensiya And mushuklaridan tayyorlangan mahsulotlarning barcha savdosini taqiqlaydi.
Taksonomiyasi[tahrir | manbasini tahrirlash]
Koʻpgina ilmiy ishlarda And mushugi Oreailurusning alohida urugʻi sifatida tasniflanadi. Wilson va Reeder (2005) kabi yangi olimlar uni yoʻlbars mushuklari (Leopardus) orasiga joylashtiradi. Bu urugʻ tarkibiga esa otselot ham kiritilgan.
Manbalar[tahrir | manbasini tahrirlash]
- ↑ ; Loveridge, A.J.; Nowell, K. „Dramatis personae: an introduction to the wild felids. Andean cat Leopardus jacobita (Cornalia, 1865)“,The Biology and Conservation of Wild Felids. Oxford: Oxford University Press, 2010 — 35 bet. ISBN 978-0-19-923444-8.
- ↑ Garcia-Perea, R. (2002). "Andean Mountain Cat, Oreailurus jacobita: Morphological Description and Comparison With Other Felines From The Altiplano". Journal of Mammalogy 83 (1): 110–124. doi:10.1644/1545-1542(2002)083<0110:amcojm>2.0.co;2. https://archive.org/details/sim_journal-of-mammalogy_2002-02_83_1/page/110.
- ↑ Nowell, K.; Jackson, P. „Andean mountain cat, Oreailurus jacobitus (Cornalia, 1865)“,. Wild Cats: status survey and conservation action plan. Gland, Switzerland: IUCN/SSC Cat Specialist Group, 1996 — 116–118 bet.
Havolalar[tahrir | manbasini tahrirlash]
 |
Vikiomborda And mushugi haqida turkum mavjud |
- „Alianza Gato Andino“. Andean Cat Alliance.
- „Andean cat“. IUCN/SSC Cat Specialist Group.