Adgeziya

Vikipediya, ochiq ensiklopediya
Kogeziya suvni shudring tomchilari qilib birlashtiradi, sirt taranglik suvni sharsimon qiladi, adgeziya esa tomchilarni bargda ushlab turadi.

Adgeziya (lot. adhaesio — yopishish) — yuzalari bir-biriga tegib turuvchi har xil jinsli qattiq yoki suyuq jismlar (fazalar)ning molekulalararo taʼsirlashuv natijasida oʻzaro yopishib qolishi. Bir xil jinsli jismlar orasidagi adgeziya kogeziya deb ataladi. Adgeziya detallarni yelimlab, payvandlab va kavsharlab biriktirishda, loklash va boʻyoq surkashda keng qoʻllaniladi. Adgeziya tufayli galvanik qoplamalar, oksid pardalar hosil qilish mumkin. Adgeziya sababli odam terisi va silliq shisha orasida katta ishqalanish boʻladi.[1][2]

Manbalar[tahrir | manbasini tahrirlash]