Winston Churchill

Vikipediya, ochiq ensiklopediya
Uinston Cherchill
Churchill portrait NYP 45063.jpg
Buyuk Britaniya bayrogʻi Buyuk Britaniyaning 61-chi Bosh vaziri 10-may, 1940-yildan, to 27-iyul, 1945-yilgacha, Buyuk Britaniya bayrogʻi Buyuk Birtaniyaning 63-chi Bosh vaziri (ikkinchi saylanish) 26-oktyabr, 1951-yildan, to 7-aprel, 1955-yilgacha
Hukmronligining boshlanishi: 10-may, 1940; 26-oktabr, 1951
Hukmronligining tugashi: 27-iyul, 1945; 7-aprel, 1955
Partiya: Birlashgan Qirollik Konservatorlar Partiyasi
Oʻtmishdosh: Neville ChamberlainClement Attlee
Voris: Clement Attlee, Anthony Eden
Tugʻilgan sanasi: 30-noyabr, 1874-yil(1874-11-30)
Tugʻilgan joyi: Blenheym, Oksfordshir
Vafot sanasi: 24-yanvar, 1965-yil(1965-01-24)
(90 yoshda)
Vafot joyi: London (Bleydon yaqinida dafn etilgan)
Turmush oʻrtogʻi: Clementine Churchill

Uinston Cherchill (ingl. Sir Winston Leonard Spencer-Churchill ser Uinston Leonard Spenser-Cherchill; 30-noyabr 187424-yanvar 1965) — britaniyalik davlat va siyosat arbobi, 19401945 va 19511955-yillarda Buyuk Britaniya bosh vaziri, jurnalist, yozuvchi, adabiyot boʻyicha Nobel mukofotining sovrindori (1953). 2002-yili BBC kompaniyasi tomonidan oʻtkazilgan soʻrov maʼlumotlariga koʻra, uni tarixdagi eng buyuk britaniyalik deb hisoblashadi. [1]

Cherchill Uinston Leonard Spenser (1874.30.11, Blenim, Oksfordshir — 1965.24.1, London) — Buyuk Britaniya davlat arbobi, Konservatorlar partiyasining rahbari (1940—55). Sandxerst harbiy kavaleriya maktabini tugatgan. 1896—98 yillarda Hindistonning shimoli-gʻarbiy chegarasida qoʻzgʻolon koʻtargan qabilalarni bostirishda qatnashgan. 1896 —98 yillarda Hindistonda xizmat qilgan. 1900-yilda Konservatorlar partiyasidan parlamentga deputat qilib saylangan. Mustamlaka ishlari (1906—28; 1921—22), Savdo (1908—10), Ichki ishlar (1910-11), Harbiy dengiz (1911-15), Harbiy taʼminot (1917—18), Moliya (1919—21), Harbiy va aviatsiya vaziri (1924—29) lavozimlarida ishlagan.

Buyuk Britaniya ikkinchi jahon urushiga kirgach, 1939-yil sententabrda N. Chemberlen xukumatida Harbiy-dengiz vaziri boʻlib tayinlandi. 1940-yilda N. Chemberlen isteʼfoga chiqqach, Cherchill koalitsion xukumat bosh vaziri. Cherchill hukumati gitlerchilar Germaniyasiga qarshi birgalikda kurashish toʻgʻrisida SSSR bilan imzolangan bitim (1941 y. iyul) va ittifoqchilik toʻgʻrisidagi shartnoma (1942 y. may)ga qaramasdan SSSRni kuchsizlantirish maqsadida ikkinchi frontni belgilangan muddatda ochmagan. Cherchill SSSR, AQSH, Buyuk Britaniya davlat boshliqlarining Tehron (1943), Yalta va Potsdam (1945) konferensiyalari qatnashchisi. 1945-yilgi parlament saylovlarida Konservatorlar partiyasining magʻlubiyatga uchrashi tufayli Cherchill xukumati isteʼfoga chiqqan. 1951—55-yillarda yana bosh vazir. Cherchill 1955-yilda isteʼfoga chiqqan va umrining oxirigacha vakillar palatasining aʼzosi boʻlgan. Bir kancha tarixiy-memuar asarlar muallifi. Adabiyot buyicha Nobel mukofoti laureati (1953).

Havolalar[tahrir]

  1. Poll of the 100 Greatest Britons

Havolalar[tahrir]