Taylor Swift

Vikipediya, ochiq ensiklopediya
Taylor Swift
Foto
Swift St. Louis shahrida Red Tour doirasidagi konsertda (2013)
Tugʻilgan paytidagi ismi: Taylor Alison Swift
Tavalludi sanasi: 13-dekabr, 1989 (1989-12-13)
(24 yoshda)
Tavalludi joyi: Reading, Pennsylvania, AQSh
Fuqaroligi: AQSH bayrogʻi AQSH
Faoliyat yillari: 2006—bugun
Janr: Country, country pop,[1] pop,[2] teen pop, pop musiqa, pop rock
taylorswift.com

Taylor Alison Swift (talaffuzi: Teylor Elison Svift; kir. Тейлор Элисон Свифт; 13-dekabr, 1989) is amerikalik pop-qoʻshiqchi,[1] shoira, musiqachi va aktrisadir. Pennsilvaniyaning Reading shahrida tugʻilib,[3] Wyomissingda oʻsgan Swift oʻn toʻrt yoshida country musiqada karyera qilish uchun Nashville, Tennessee shahriga koʻchdi. U Big Machine Records mustaqil studiyasi bilan shartnoma imzolab, Sony/ATV Music yollagan eng yosh qoʻshiqnavis boʻldi. Swift'ning 2006-yili eponimik debut albomi chiqishi uni yoʻlga tushgan country yulduziga aylantirdi. "Our Song", uning uchinchi singli, uni Hot Country Songs chartida birinchilikni olgan eng yosh qoʻshiqnavis va ijrochi qildi. 2008-yilgi Grammy taqdimotida Eng Yaxshi Yangi Artist nomzodligiga erishdi.

Swift'ning ikkinchi albomi, Fearless, 2008-yilda chiqarildi. "Love Story" va "You Belong with Me" singllarining pop krossover muvaffaqiyati bilan koʻtarilgan Fearless 2009-yil eng koʻp sotilgan albom boʻldi va miqyosli gastrollar bilan dastaklandi. Albom 52-Grammy taqdimotida toʻrtta mukofot olib, Swift Yil Albomi olgan eng yosh ijodkor boʻldi. Swift'ning uchinchi albomi, 2010-yilgi Speak Now, AQShda birinchi haftadayoq bir milliondan ortiq nusxada sotilib, Speak Now World Tour konsertlari bilan dastaklandi. Speak Now doirasidagi konsertlardan biri Oʻzbekistonning UzHD telekanalida namoyish etildi. Albomning uchinchi singli, "Mean", ikkita Grammy mukofoti oldi. Swift'ning toʻrtinchi albomi, Red, 2012-yilda chiqarildi. U AQShda birinchi haftada 1,2 million nusxada sotilib, Swift'ni birinchi haftada eng koʻp albom sotgan ayol ijrochiga aylantirdi. "We Are Never Ever Getting Back Together" va "I Knew You Were Trouble" singllari butunjahon hit boʻldi. 2013—2014-yillar uchun Red Tour rejalashtirildi.

Swift qoʻshiqlarida oʻzining oʻsmirlik va ulgʻaygan hayotidagi tajribalari haqida kuylaydi. Qoʻshiqnavis sifatida u Nashville Qoʻshiqnavislar Uyushmasi va Qoʻshiqnavislar Shuhrat Zali tomonidan izzatlanadi. Swift'ning boshqa yutuqlariga yettita Grammy, oʻn ikkita Billboard Music Awards, oʻn beshta American Music Award, oʻn bitta Country Music Association Awards va oltita Academy of Country Music Awards mukofotlari kiradi. U dunyo boʻylab 26 milliondan oshiq albom va 75 milliondan ortiq raqamli singl sotgan. Forbes jurnaliga binoan u $220 milliondan ziyodga baholanadi. Musiqa faoliyatidan tashqari, Swift Valentine's Day (2010) va The Lorax (2012) filmlarida ishtirok etgan. Filantrop sifatida Swift sanʼat taʼlimi, bolalar savodxonligi, tabiiy ofatlarda yordam, LGBT huquqlari va kasal bolalarga xayriyalarda qatnashadi.

Diskografiyasi[tahrir]

Gastrollari[tahrir]

Taylor Swift Speak Now konsertida. Sidney, Avstraliya, 9-mart, 2012.

Filmografiyasi[tahrir]

Film
Yil Nom Rol Izohlar
2009 Jonas Brothers: The 3D Concert Experience Oʻzi Kameo
2009 Hannah Montana: The Movie Oʻzi Kameo
2010 Valentine's Day Felicia Film debuti
2012 The Lorax Audrey Ovoz
2014 The Giver Rosemary
TV
Yil Nom Rol Izohlar
2009 CSI: Crime Scene Investigation Haley Jones Qism: "Turn, Turn, Turn"
2009 Saturday Night Live Oʻzi Boshlovchi/musiqiy mehmon
2013 New Girl Elaine Qism: "Elaine's Big Day"

Manbalar[tahrir]

  1. 1,0 1,1 Leahey, Andrew; Frye, Megan. ((( Taylor Swift > Overview ))). Allmusic. Rovi Corporation. 25-oktabr, 2009.
  2. Wilson, Benji (25-oktabr, 2009). "Taylor Swift – the meteoric rise of pop's brightest new star". Daily Mail (London: Associated Newspapers Ltd). http://www.dailymail.co.uk/home/you/article-1222172/Taylor-Swift--meteoric-rise-pops-brightest-new-star.html?ITO=1490. Qaraldi: 25-oktabr, 2009. 
  3. Widdicombe, Lizzie (October 10, 2011). "You Belong With Me". The New Yorker. http://www.newyorker.com/reporting/2011/10/10/111010fa_fact_widdicombe?currentPage=all. Qaraldi: 2011-10-11. 

Havolalar[tahrir]