Para (shtat)

Vikipediya, ochiq ensiklopediya
Para
portugalcha: Pará

Gerb
Gerb
Bayroq (Taʼrif)
Bayroq
Braziliya shtati
Tegishli Shimoliy hudud
Maʼmuriy markazi Belen
Aholi (2010) 7 581 051 kishi
Zichligi 6,07 kishi./km²
Maydoni 1 247 950,0 km² (2-oʻrin)
Vaqt mintaqasi UTC-3
Kod ISO 3166-2 BR-PA
Rasmiy sayti http://www.pa.gov.br
Xaritada
Para xaritada
Para, Xarita
Koordinatalari: 5°40′0″S 52°44′0″W / 5.66667°S 52.73333°W / -5.66667; -52.73333 G O

Para — Braziliyaning shim. qismidagi shtat. Maydoni 1253 ming km². Aholisi 6,1 mln. kishi (2000), asosan, metislar (mahalliy nomi — kaboklu). Maʼmuriy markazi — Belen shahri, boshqa yirik shahri — Santaren. Shtat sharqiy Amazoniyada joylashgan, shim. va jan.dan Gviana tizmalari va Braziliya yassitogʻligi oʻrab turadi. Iqlimi ekvatorial, nam va issiq iqlim. Oʻrtacha oylik temperatura 26—28°. Yillik yogʻin 1500–2500 mm. Asosiy daryolari: Amazonka va uning irmoqlari. Nam ekvatorial oʻrmonlar, shimolida savan-nalar bor.

Para — mamlakatning yirik, birok, aholisi siyrak shtatlaridan. Iqtisodiyotining yetakchi tarmoqlari — oʻrmonchilik va qishloq xoʻjaligi Oʻrmondan brazil yongʻogʻi, kauchuk yigʻiladi, yogʻoch tayyorlanadi. Amazonka havzasida dehqonchilik rivojlangan. Asosiy qishloq xoʻjaligi ekinlari: jut, sholi, maniok, shakarqamish, kakao, banan, ananas, paxta, tamaki. Chorvachilikda qoramol boqiladi. Sohillarda baliq ovlanadi. Sanoati oʻrmon va qishloq xoʻjaligi xom ashyolarini qayta ishlashga ixtisoslashgan. Kon sanoati rivojlangan. Temir va marganets rudalari, oltin, olmos, togʻ xrustali, boksit konlari topilgan.[1]

Manbalar[tahrir | manbasini tahrirlash]

  1. "Para (shtat)" OʻzME. P-harfi Birinchi jild. Toshkent, 2000-yil