Aleksandr Averyanov

Aleksandr Averyanov

Shaxsiy maʼlumot
Toʻliq ismi	Aleksandr Nikolayevich Averyanov
Tavallud sanasi	1-oktyabr 1948-yil
Tavallud joyi	Vladivostok
Vafot sanasi	15-iyun 2021-yil(2021-06-15) (72 yoshda)
Boʻyi	1.63 m
Ampluasi	Yarimhimoyachi
Professional faoliyati*
Yillar	Jamoa	Isht.	(Gol.)
1966-1969	Chernomorets Odessa	9	(0)
1969-1971	Sudostroitel Nikolayev	114	(7)
1972	Zvezda Tiraspol		(8)
1973-1974	Sudostroitel Nikolayev	41	(14)
1975	Zarya Voroshilovgrad	25	(4)
1976	Lokomotiv Moscow	5	(0)
1976	Sudostroitel Nikolayev	8	(2)
1976-1981	Lokomotiv Moscow	161	(22)
Boshqargan klublari
1984	Tekstilchi-Andijon
1985	Shahrixon
1986-1987	Paxtakor-Andijon
1988	AGMK
1989-1993	Okean Naxodka
1994	Spartak Anapa
1994-1998	Krilya Sovetov-Samara
1999	Shinnik Yaroslavl
1999-2000	Uralan Elista
2000-2001	Alania Vladikavkaz
*Professional klublardagi gollari (ichki chempionat)

Aleksandr Nikolayevich Averyanov (ruscha: Александр Николаевич Аверьянов; 1948-yil 1-oktyabr — 2021-yil 15-iyun) — sovet va rus professional futbolchisi va murabbiyi.

Futbolchilik faoliyati

Klublar

Aleksandr Averyanov futbolchi sifatida oʻz faoliyatini 1966-yilda SSSR oliy ligasida „Chernomorets-Odessa“ jamoasi safida boshlagan. 1966—1967-yillarda UEFA yoshlar oʻrtasidagi koʻplab turnirlar gʻolibi boʻlgan.

„Sudostroitel“ klubi

Averyanov „Sudostroitel“ klubi safida 1969—1971, 1973—1974, 1976-yillarda uch marta maydonga tushadi. SSSR chempionatlarida futbolchi 163 ta oʻyin oʻtkazib, jami 23 ta gol urgan. 1969-yilgi SSSR kubogi chorak finalida Moskvaning „Torpedo“ jamoasiga qarshi oʻyinda raqib darvozasiga 1 ta gol urishga muvaffaq boʻladi. Lvovning „Karpati“ jamoasi bilan kechgan yarim final bahslarida uning jamoasi magʻlubiyatga uchraydi. „Sudostroitel“ klubi tarkibida 1974-yilda boʻlib oʻtgan Ukraina SSR chempionatida gʻoliblikni qoʻlga kiritadi, xuddi shu musobaqaning 1971-yilgi bahslarida kumush medalni va 1973-yilgi oʻyinlarida esa bronza medallarini qoʻlga kiritadi. 1974- yilda Averyanov „Ikkinchi liga oʻyinlarining eng yaxshi 22 futbolchisi“ roʻyxatiga „oʻng qanot yarim himoyachisi“ sifatida kiritiladi.

„Lokomotiv“ klubi

Aleksandr Averyanov futbolchilik faoliyati davomida, shuningdek, Moskvaning „Lokomotiv“ klubi tarkibida bir nechta oʻyin oʻtkazgan.

Murabbiylik faoliyati

Averyanov oʻzining murabbiylik faoliyatini O‘zbekiston SSRda boshlagan va 5 yil davomida Oʻzbekistonning turli klublarida murabbiy sifatida faoliyat koʻrsatgan.

„Okean“ klubi

1989—1993-yillarda Averyanov „Okean“ klubiga murabbiylik qilgan. Jamoa bilan birgalikda 1989-yilda RSFSR kubogini qoʻlga kiritgan, 1991-yilda esa klubni SSSR chempionatining birinchi ligasiga olib chiqqan. 1992—1993-yillarda klub Rossiya chempionatining oliy liga bahslarida munosib ishtirok etgan.

„Atirau“

Aleksandr Averyanov 2006-yilda (iyul oyiga qadar) Qozogʻistonning „Atirau“ klubi bosh murabbiyi boʻlgan.

„Gazovik“ klubi

2006-yil 27-iyulda Averyanov ''Gazovik" klubiga murabbiylik qilib kelayotgan Boris Sinitsyn oʻrniga bosh murabbiy etib tayinlanadi. Uning qoʻl ostida jamoa uch marta (2006, 2007, 2008) Ikkinchi liga (Ural-Volga zonasi) kumush medali sohibiga aylanadi. 2008-yilda Rossiya kubogining 1/16 finaliga chiqishga erishadi, bu esa jamoaning futbol tarixidagi eng katta yutugʻi boʻlgan.

„Andijon“ klubi

2012-yilning yanvar oyida Oʻzbekiston Oliy ligasida ishtirok etuvchi Andijonning „Andijon“ klubiga murabbiylik qiladi. U, shuningdek, bundan oldin ham ushbu jamoa safida 1984 va 1986—1987-yillarda murabbiy sifatida faoliyat olib borgan. 2012-yilning 22-avgust kuni „Sho‘rtan“ klubidan yirik hisobdagi mag‘lubiyatidan so‘ng Averyanov jamoani tark etadi, biroq klubning yangi murabbiyi „Andijon“ni oliy liga bahslarida ishtirok etish imkoniyatini saqlab qola olmaydi.

„Dinamo“

2009-yil 23-dekabrdan — Sankt-Peterburgning „Dinamo“ klubi bosh murabbiyi sifatida faoliyat olib borgan. Biroq klub rahbariyati bilan kelishmovchiliklar tufayli Averyanov ushbu jamoada uzoq ishlamaydi va 2010-yil 15-aprelida oʻz xohishi bilan klubni tark etadi.

Yutuqlari

• SSSR chempionati oliy ligasida 178 ta oʻyinda 25 ta gol muallifi;
• 1966, 1967-yillarda yoshlar oʻrtasida Yevropa chempioni;
• 1975-yilgi SSSR kubogi finalchisi.

Oilasi

Averyanovning katta oʻgʻli Aleksandr Averyanov ham futbol sohasida faoliyat olib boradi. U, asosan, otasi murabbiylik qiladigan jamoalar tarkibida oʻyinlarda maydonga tushadi. Jumladan, futbolchi:

• 1986—1987-yillar — „Paxtakor“ (Andijon);
• 1988-yil iyuligacha — „Metallurg“ (Olmaliq);
• 1990—1994-yillar — „Okean“ (Naxodka);
• 1994—1998-yillar — „Sovetlar qanotlari“ (Samara) klublari safida toʻp surgan.

Kichik oʻgʻli Nikolay ham futbol bilan shugʻullanadi va maydonda yarim himoyachi sifatida oʻyin olib boradi. Futbolchi otasi murabbiylik qiluvchi Orenburgning „Gazovik“, „Dinamo“ Sankt-Peterburgning „Oryol“ va „Znamya Truda“ klublarida faoliyat koʻrsatgan.

Vafoti

2010-yilda Averyanovga jigar kistasi tashxisi qoʻyiladi. 2021-yilning 15-iyun kuni 72 yoshida vafot etadi.