Yagʻmo

Vikipediya, ochiq ensiklopediya
Jump to navigation Jump to search

Yagʻmo — turkiy qabilalardan biri. 9-asr 1-yarmida Ya.lar uygʻurlar tarkibida boʻlgan. 840 yil uygʻurlar qirgʻizlar bilan boʻlgan urushda yengilgach, ulardan 15 urugʻ ajralib qarluqlar himoyasi ostiga oʻtgan. "YA." — 15 urugʻ birlashmasining turkiycha nomi. 10-asr boshida Ya.larning katta bir qismi Qashqarga — Tyanshanning jan.sharqiy yon bagʻirlariga, Norin daryosining yuqori oqimidagi hududlarga koʻchib kelib, oʻtroqlashgan. Ya.lar qoraxoniylar davlatini barpo etishda qarluq, chigil, xalaj kabi qabilalar bilan bir qatorda faol qatnashgan. Ya.larning asosiy qismi 11-asrning 1-yarmida qoraxoniylar qoʻshini tarkibida Movarounnahrga kelib joylashgan va keyinchalik yerli xalqlar bilan aralashib, oʻz etnik nomlarini unutganlar.