Xamidulla Akbarov

Xamidulla Akbarov
Xamidulla Ilyasovich Akbarov
Tavalludi	13-dekabr 1936-yil (1936-12-13) Toshkent shahri, Toshkent viloyati, Oʻzbekiston SSR, SSSR
Fuqaroligi	SSSR → Oʻzbekiston
Taʼlimi	Toshkent Davlat universiteti
Kasbi	yozuvchi, jurnalist
Unvoni	professor

Xamidulla Ilyasovich Akbarov (1936-yil 13-dekabrda Toshkent, Oʻzbekiston SSR, SSSRda tugʻilgan) – sovet va oʻzbek kinoshunosi, yozuvchi va jurnalist.

Hayoti va ijodi

Yozuvchi 1936-yilda Toshkent shahrida tugʻilgan. 1960-yilda V. I. Lenin nomidagi Toshkent Davlat universiteti (hozirgi Mirzo Ulugʻbek nomidagi O‘zbekiston milliy universiteti) filologiya fakultetini tamomlagan. 1962—1965-yillarda SSSR Madaniyat vazirligi qoshidagi San’at tarixi institutining kinoshunoslik fakultetida aspiranturani tamomlagan. 1966-yilda „Oʻzbek dublyaj kinematografiyasining shakllanishi va rivojlanishi“ mavzusida nomzodlik dissertatsiyasini himoya qilgan, Oʻzbekiston SSR Madaniyat vazirligiga qarashli H. H. Niyoziy nomidagi sanʼatshunoslik institutida ishlagan, kino sektoriga rahbarlik qilgan.

Hamidulla Akbarov kinematografiyaga oid „Kamolot, oʻzbek kinosining 30 yillik yoʻli. 1935–1965“, „Estetika va zamonaviylik“, „Sehrli nur“ kitoblari muallifi hisoblanadi. Oʻzbekiston kinematograflari va milliy kinosi haqida ocherklar („Sovet kinosi tarixi“ning II va III jildlari, „20 rejissyor biografiyasi“, „Kinematografiya masalalari“, „Kino tarixidan“ toʻplamlarini yozgan. Toshkent televideniyesida „Kino olamida“ koʻrsatuvini ham olib borgan.