Xalqaro sambo federasiyasi
| Turi | sambo |
|---|---|
| Ishga tushgan sanasi | 13.6.1984 |
| Prezident | Vasiliy Shestakov |
Xalqaro sambo federatsiyasi (FIAS fransuzcha: Fédération Internationale Amateur de Sambo, Xalqaro havaskorlar sambo federasiyasi) — milliy sambo federasiyalarini birlashtirgan nodavlat notijorat jamoat tashkiloti. SportAccord, TAFISA (Barcha uchun xalqaro sport assosiasiyasi) va WADA (Butunjahon antidoping agentligi) kabi xalqaro tashkilotlarning haqiqiy aʼzosi. Tashkilotning shtab-kvartirasi Lozannada (Shveysariya) joylashgan.
Federasiya 1984-yilda Fernando Kompte tomonidan tashkil etilgan. U federasiyaning birinchi prezidenti bo‘lgan. 2011-yilda „havaskor“ so‘zi olib tashlangan bo‘lsa-da, ammo qisqartma nomi o‘zgarishsiz saqlashga qaror qilindi.
Samboni rivojlantiruvchi aksariyat mamlakatlarda FIAS tarkibiga kiruvchi milliy federasiyalar mavjud. FIAS egidligi ostida 30 dan ortiq yirik xalqaro sambo musobaqalari muntazam ravishda o‘tkazib kelinadi, ulardan eng muhimi, o‘smirlar va yoshlar o‘rtasidagi jahon chempionatidir. Sambo olimpiya sport turlari bilan bir qatorda SportAccord Butunjahon jang sanʼatlari o‘yinlari va 2013-yilgi yozgi Universiada rasmiy dasturiga kiritilgan.
2018-yilning 30-noyabr kuni Tokioda (Yaponiya) o‘tkazilgan Xalqaro Olimpiya qoʻmitasi Ijroiya qo‘mitasi yig‘ilishida Xalqaro sambo federasiyasi (FIAS) Olimpiya Xartiyasining 25-bandiga muvofiq vaqtinchalik eʼtirofga sazovor bo‘ldi.
2021-yil 20-iyul sanasida Xalqaro sambo federasiyasi Xalqaro Olimpiya qo‘mitasining (XOQ) doimiy eʼtirofiga sazovor bo‘ldi. Bu qaror 2020-yilgi yozgi Olimpiada oʻyinlari boshlanishi arafasida Tokiodagi (Yaponiya) XOQ sessiyasida qabul qilindi.
Boshqaruv apparati[tahrir | manbasini tahrirlash]
- Prezident — Vasiliy Shestakov;
- Bosh kotib — R. Ferrari;
- Birinchi vitse-prezident — A.S.Klyamko;
- FIAS faxriy prezidentlari:
- Fernando Kompte;
- Tomoyuki Harimaya;
- Vladimir Putin;
- Mixail Tixomirov;
- Devid Rudman.
- FIAS faxriy prezidentlari:
Havolalar[tahrir | manbasini tahrirlash]
- „О нас“ (ru). Международная федерация самбо. Qaraldi: 2016-yil 16-fevral.
- Elena Lunina. „Памяти Фернандо Компте. Основателя Международной Федерации САМБО“ (ru). sambo.com (2013-yil 16-noyabr). 2014-yil 20-iyulda asl nusxadan arxivlangan. Qaraldi: 2016-yil 16-fevral.