Umid jamgʻarmasi

"Umid" jamgʻarmasi Oʻzbekiston Respublikasi Prezidenti tashabbusi bilan O‘zbekiston fuqarolarining xorijda taʼlim olishini tashkil etish maqsadida tashkil etilgan. Birinchi talabalar 1997-yilda oʻqishga yuborilgan. Talabalar dunyoning boshqa mamlakatlarida, jumladan Janubiy Koreya, Yaponiya va Germaniyada ham tahsil olishgan. Talabalarning minimal soni Fransiya va Italiyada oʻqitilgan.

Jamgʻarmani moliyalashtirish bilan bogʻliq muammolar 1998-yilda, baʼzi talabalar uchun stipendiyalar kechiktirilganda paydo boʻla boshlagan. Shundan soʻng, baʼzi talabalar oʻqish uchun toʻlovni oxirigacha toʻlash imkonisiz uylariga qaytarildi. Moliyaviy nochorlikning ochiq tan olinishiga yoʻl qoʻymaslik maqsadida „Umid“ jamgʻarmasi sobiq „Ustoz“ jamgʻarmasi bilan yangi „Isteʼdod“ jamgʻarmasiga birlashtirildi.

Jamgʻarma talabalarning chet tillarini bilishiga ijobiy taʼsir koʻrsatdi. Baʼzi talabalar qaytib kelmaslikni tanladilar va chet elda ish topdilar. Qaytganlar turli vazirliklar, idoralar, korxonalar, taʼlim muassasalari, firmalar, auditorlik kompaniyalari, xalqaro loyihalar va hokazolarda ishlagan. Ular orasida yuqori darajadagi rahbarlar ham bor.

Talabalarning aksariyati „Oʻzavtoprom“, „Paxtabank“ kabi tashkilotlar, turli hokimliklar va ilmiy muassasalarga yuborilgan.

„Isteʼdod“ jamgʻarmasi tomonidan sobiq bitiruvchilar uchun muntazam ravishda ilmiy-amaliy anjumanlar oʻtkazib kelinmoqda. Talabalarning ishlari bir necha turkum toʻplamlarda nashr etilgan.

Yetakchilardan biri Botir Ubaydullayev keng shuhrat qozondi.

Umidchilarni tanlashda asosiy mezonlardan biri nomzodning maʼnaviyati boʻlib, bu Oʻzbekistonda xizmat koʻrsatgan madaniyat arboblaridan iborat hay’at tomonidan 50 balli tizimda baholangan. Shuningdek oʻqitiladigan fanni va chet tilini bilish ham muhim edi. Shu bilan birga, ular test va suhbatlar orqali sinovdan oʻtkazilgan. Jarayon uzoq davom etgan, lekin koʻpchilik talabalar uchun bu ogʻir emas edi.

Asosiy shart — maxsus komissiya yuboradigan joyda besh yil davomida ishlashga kelishib olish edi.

2001-yilning yozidan boshlab Chirchiq tank maktabida oʻquvchilar tayyorlana boshladi. Talabalar turli turdagi oʻqotar qurollardan oʻq uzganlar, zirhli transportda yurishgan, protivogaz kiyishni, jabrlanganlarga birinchi tibbiy yordam koʻrsatishni oʻrganishgan va hokazo.

2020-yilning 3-yanvar kuni Toshkentda sobiq prezidentlik „Umid“ jamgʻarmasi stipendiya dasturlari bitiruvchilarining xalqaro konferensiyasi boʻlib oʻtdi, unda jamgʻarmaning 300 nafar sobiq granti sohibi ishtirok etdi. Aniqlanishicha, anjumanda ishtirok etgan 300 nafar bitiruvchidan 120 nafari xorijda yashab, ishlab kelmoqda.

Havolalar

• Rasmiy sayt^(ingl.) )
• O‘zbekiston Respublikasi Prezidentining 1997-yil 7-yanvardagi 1694-sonli "O‘zbekiston Respublikasi Prezidentining iqtidorli yoshlarning xorijda taʼlim olishini qo‘llab-quvvatlash „Umid“ jamg‘armasini tashkil etish to‘g‘risida"gi Farmoni.