UCell
 | |
| Turi | biznes, korxona va Uyali aloqa operatori |
|---|---|
| Egasi | Telia Company |
| Qachon asos solingan | 1996 |
| Joylashuvi |
 Oʻzbekiston, Toshkent |
| Vebsayti | http://www.ucell.uz/ |
UCell Oʻzbekistonning yirik uyali aloqa operatorlaridan biri „COSCOM“ MChJ savdo belgisidir. 2008-yil may oyigacha shirkat nomi bilan, COSCOM deb atalgan.[1] Brend nomi Yusell deb talaffuz etiladi, bunda U harfi „Uzbekistan“ni bildiradi, Cell soʻzi „cellular“ (uyali) atamasining qisqartmasidir. Shirkatning general rahbari - Ali Agan.[2]
Tarixi
[tahrir | manbasini tahrirlash]
COSCOM MChJ 1996-yil aprel oyida MCT Telecom Corp hamda mahalliy hamkor orasidagi qoʻshma korxona tarzida tashkil etilgan. 1997-yildan boshlab COSCOM Xalqaro GSM Assotsiatsiyasi aʼzosi hamda 1998-yildan esa Rossiya GSM Assotsiatsiyasi aʼzosidir. 2007-yil iyul oyida TeliaSonera & Turkcell shved-fin shirkati COSCOM MChJning asosiy hissadoriga aylandi (TeliaSonera COSCOMning katta qismini sotib oldi). 2009-yil iyul oyida Ucell 4 million abonentga ega boʻlib, Oʻzbekistondagi ikkinchi aloqa operatoriga aylandi. Hozirgi kunda ushu aloqa operatorining abonentlari 8 milliondan oshdi.[3] 2018-yil 5-dekabr kuni Oʻzbekiston Respublikasining Xususiylashtirilgan korxonalarni qoʻllab-quvvatlash va raqobatni rivojlantirish qoʻmitasi Shvesiya hukumatiga tegishli Telia guruhidan COSCOM ustav kapitalidagi 100% ulushi $215 millionga va Telia guruhining COSCOM kompaniyasiga $485 million miqdorida qarz majburiyatlarini toʻlab sotib olgan. Bitim bir nechta davlatlarning vakolatli organlari tomonidan amalga oshirilganda, Gulnora Karimova kompaniyaning aksiyalariga aloqasi yoʻqligi aniqlangan.
COSCOM MCHJ 2021-yilning 29-sentabr kuni USM Telecom hamda MegaFon bilan birgalikda Digital Holding qoʻshma korxonasini tuzish bosqichini yakunlashdi.[4]
Hozirda Ucell Oʻzbekistonda eng koʻp abonientga ega aloqa operatori sanaladi.[manba kerak]
Manbalar
[tahrir | manbasini tahrirlash]- ↑ „UCell — FAQ“. 2008-yil 19-dekabrda asl nusxadan arxivlangan. Qaraldi: 2009-yil 10-yanvar.
- ↑ Ali AGAN, CEO at UCELL (Wayback Machine saytida 2010-05-31 sanasida arxivlangan), LinkedIn
- ↑ Kompaniya haqida (Wayback Machine saytida 2009-10-01 sanasida arxivlangan), UCell rasmiy sayti
- ↑ https://kun.uz/uz/news/2021/09/30/ozbekistonda-digital-holding-faoliyat-boshlamoqda
Havolalar
[tahrir | manbasini tahrirlash]- Rasmiy sahifasi (Wayback Machine saytida 2011-03-01 sanasida arxivlangan)
 | Ushbu maqola chaladir. Siz uni boyitib, Vikipediyaga yordam berishingiz mumkin. Bu andozani aniqrogʻiga almashtirish kerak. |