Tuyaqushlar

Vikipediya, ochiq ensiklopediya
Jump to navigation Jump to search
Struthio camelus australis

Tuyaqushlar (Struthioniformes) — koʻkrak tojsiz qushlar turkumi. Bir oila, bir urugʻ va bir turi — Afrika tuyaqushi bor. Hindiston, Xitoy, Mongoliya, Eron, Ukraina va Gretsiyadan qazilma qoldiqlari maʼlum. Hozirgi Afrikada 3 kenja turi tarqalgan. Boʻyi 270 sm, ogʻirligi 80–90 kg. Ucholmaydi; oyoqlari baquvvat; koʻrish, eshitish organi yaxshi taraqqiy etgan; soatiga 70 km gacha yuguradi. Uyasini yerga yasaydi; 7— 9 ta tuxum qoʻyadi. Tuxumi yirik, uzunligi 150 mm, ogʻirligi 1,5, baʼzan 2 kggacha. Tuxumini kechasi nari, kunduzi modasi 40 kun bosadi. 3 yoshda voyaga yetadi. Asosan, oʻsimliklar, hasharotlar, mayla umurtqali hayvonlar bilan oziqlanadi. Goʻshti va tuxumi mazali; patlami chiroyli. Bir qancha mamlakatlarda tutqunlikda koʻpaytirilmoqda.

Manbalar[tahrir]