Tong nafasi
| Muallif(lar) | Erkin Vohidov |
|---|---|
| Til | oʻzbekcha |
| Janr(lar)i | sheʼrlar |
| Nashriyot | „Yosh gvardiya“ |
| Oʻzbek tilida nashr etilgan sanasi | 1961 |
| Sahifalar soni | 30 |
„Tong nafasi“ — oʻzbek shoiri Erkin Vohidovning ilk sheʼriy toʻplami. Toʻplam 1961-yil Toshkent shahrida „Yosh gvardiya“ nashriyotida chop etilgan[1]. „Tong nafasi“ toʻplami eʼlon qilingan paytda Vohidov 25 yoshda boʻlgan. Kitob juda kichik hajmli boʻlib, atigi 30 sahifaga ega.
Toʻplam oʻquvchilar hamda tanqidchilar tomonidan yaxshi kutib olindi. Filolog olim Yoʻldosh Solijonov „Tong nafasi“ toʻplami eʼlon qilinishi bilanoq oʻquvchilar orasida qoʻlma-qoʻl boʻlganini xotirlashini yozgan[2]. Adabiyotshunos olim Ozod Sharafiddinov toʻplamga taqriz yozib, shunday xulosa qilgan: „yosh shoirning ilk mashqlarida koʻproq dunyoni endi kashf etayotgan, oʻzining kashfiyotidan oʻzi zavqlanib, quvonchidan boshqalarni xabardor etishga oshiqayotgan, hayot benihoya goʻzal, noyob neʼmat ekanini tushunib kelayotgan murgʻak qalbning quvonchlari bor“[3].
Manbalar[tahrir | manbasini tahrirlash]
- ↑ „Tong nafasi“ (ruscha). Rossiya davlat kutubxonasi. Qaraldi: 2020-yil 28-dekabr.
- ↑ Solijonov, Yoʻldosh „Ruhiyatni yoritgan sheʼriyat“. Adabiyot. 2020-yil 30-noyabrda asl nusxadan arxivlangan. Qaraldi: 2020-yil 28-dekabr. (Wayback Machine saytida 2020-11-30 sanasida arxivlangan)
- ↑ Yusupova, S. „Soʻz durlarin termoqdir ishi: Oʻzbekiston xalq shoiri Erkin Vohidov tavalludining 80 yilligiga bibliografik sharh“. Ahmad Fargʻoniy nomidagi Fargʻona viloyat axborot-kutubxona markazi (2016). Qaraldi: 2020-yil 28-dekabr.
 |