Stanislav Kudryashov

Stanislav Kudryashov
Shaxsiy maʼlumot
Toʻliq ismi	Stanislav Petrovich Kudryashov
Tavallud sanasi	20-avgust 1975-yil (50 yosh)
Tavallud joyi	Toshkent Oʻzbekiston SSR
Boʻyi	179 cm (5 ft 10 1⁄2 in)
Ampluasi	Yarim himoyachi
Professional faoliyati*
Yillar	Jamoa
1992—1999	Traktor Toshkent
2000—2003	Neftchi
2003	Sementchi
2004	Soʻgʻdiyona
2005	Navbahor
Boshqargan klublari
2024—2025	Surxon (yordamchi)
2026—	Surxon
	*Professional klublardagi gollari (ichki chempionat)

Stanislav Kudryashov (ruscha: Кудряшов Станислав; 20-avgust 1975-yil, Toshkent, Oʻzbekiston SSR) – Oʻzbekistonlik nafaqadagi futbolchi^[1] va futbol murabbiyi. Termizning „Surxon“ jamoasi bosh murabbiyi.

Futboldagi faoliyati

Futbolchilik faoliyati

Stanislav futbolchilik faoliyatini Toshkent traktor zavodining „Traktor“ jamoasi safida, 1992-yilda boshlagan^[2]. Traktor jamoasi safida 8 mavsum davomida oʻynagan va 175 oʻyinda, 16 ta gol muallifi boʻlgan. 2000-yilgi mavsumda Fargʻonaning „Neftchi“ klubi tarkibiga oʻtgan va 2001-yilgi mavsumda faoliyatida ilk bor Oʻzbekiston Superligasi chempioni boʻlgan. Oʻsha mavsumning oʻzida Oʻzbekiston Kubogi finalida ilk bor ishtirok etadi. Finalda „Neftchi“ jamoasi „Paxtakor“ jamoasiga 2-1 hisobida magʻlub boʻlgan. Stanislav finalda dastlabki daqiqalardan 70-daqiqagacha maydonda harakat qilgan va 70-daqiqada Temur Kapadzega almashtirilgan^[3]. Keyinchalik faoliyatida pasayish boʻladi va 2003-yilgi mavsumda Quvasoyning „Sementchi“ jamoasida oʻynagan. 2004-yilda bir muddat Jizzaxning „Soʻgʻdiyona“ va 2005-yilda Namanganning „Navbahor“ jamoalarida oʻynagan. 2005-yildan soʻng professional jamoalar safida deyarli koʻrinmagan.

Murabbiylik faoliyati

Futbolchilik faoliyatini yakunlaganidan soʻng „Paxtakor“ klubi tizimida faoliyat olib borgan va bir nechta yosh toifasida murabbiylik qilgan^[4]. Shuningdek „Paxtakor-2“ jamoasida ham murabbiylik faoliyatini olib borgan.

2026-yil 8-yanvarda Termizning „Surxon“ klubi bosh murabbiyi etib tayinlangan^[5].

Yutuqlar

Oʻzbekiston Superligasi chempioni: 2001
Oʻzbekiston Kubogi Ikkinchi oʻrin: 2001, 2002

Manbalar

↑ „ПРОШЁЛ МАТЧ ПАМЯТИ УЛУГБЕКА РУЗИМОВА“ (2023-yil 11-dekabr).
↑ „Кудряшов Станислав“ (2023-yil 11-dekabr).
↑ „2000-2001-yilgi Oʻzbekiston Kubogi“ (2023-yil 11-dekabr).
↑ „"Пахтакор" U-21 сафида энг фахрий футболчи 19 ёш“ (24 июн 2020).
↑ „«Surxon» Fevzi Davletov va Aleksey Nikolaev bilan hamkorlik yakunlanganini e’lon qiladi.“ (2026-yil 8-yanvar).

Havolalar

Stanislav Kudryashov FootballfactsRu saytida futbolchi profili

[1] „ПРОШЁЛ МАТЧ ПАМЯТИ УЛУГБЕКА РУЗИМОВА“ (2023-yil 11-dekabr).

[2] „Кудряшов Станислав“ (2023-yil 11-dekabr).

[3] „2000-2001-yilgi Oʻzbekiston Kubogi“ (2023-yil 11-dekabr).

[4] „"Пахтакор" U-21 сафида энг фахрий футболчи 19 ёш“ (24 июн 2020).

[5] „«Surxon» Fevzi Davletov va Aleksey Nikolaev bilan hamkorlik yakunlanganini e’lon qiladi.“ (2026-yil 8-yanvar).

[1]

[2]

[3]

[4]

[5]