Siffin jangi

Vikipediya, ochiq ensiklopediya
Jump to navigation Jump to search

Siffin jangi - Yuqori Mesopotamiyada, Frot daryosining oʻng qirgʻogʻida joylashgan Siffin mavzesida xalifa Ali qoʻshini bilan Shom hokimi Muoviya qoʻshini oʻrtasida sodir boʻlgan jang (657 yil yozi). Toʻqnashuvga 656 yil uchinchi xalifa Usmon oʻldirilishi munosabati bilan Ali va Muoviya tarafdorlari oʻrtasidagi keskin qarama-qarshiliklar sabab boʻlgan. Marhum xalifaning yaqin qarindoshi boʻlgan Muoviya xalifalik taxtini egallagan Alidan aybdor jinoyatchilarni topshirishni talab qilgan. Muoviyaning janjalni hakamlik sudi yordamida tinch yoʻl bilan hal qilish haqidagi taklifini Ali qabul qilishi bilan jang toʻxtatilgan. Sudda Muoviya vakili Alining taxtdan voz kechishiga roziligani olishga erishgan. Ali qoʻshinining bir qismi uni gʻalabani qoʻldan boy berganlikda ayblab, qoʻshinni tark etgan. Bu guruh xorijiylar harakatini boshlab bergan.