Salchipapa

Salchipapa (ispancha: salchipapa или salchipapas) — Peruning fast-fud taomi boʻlib, odatda koʻcha yeguligi sifatida isteʼmol qilinadi, yupqa toʻgʻrab, qovurilgan mol goʻshti yoki kolbasa, kartoshka fri va karamli salatdan iborat boʻladi. Taomning nomi ispancha „salchicha“ - (kolbasa/sosiska) va „papa“ — (kartoshka) soʻzlarining birlashmasidan hosil boʻlgan. Taom ketchup va xantal, crema de aceituna (zaytun qaylasi), ahi yoki chili qalampiri kabi turli-tuman qaylalar bilan birga stolga tortiladi. Baʼzan ustiga qovurilgan tuxum yoki pishloq qoʻyiladi; shuningdek, uni oregano bilan bezatish, dasturxonga pomidor va salat bilan birga tortish ham mumkin.

Tarixi

Salchipapa taomi Lotin Amerikasi oshxonalariga kirib borgan.

Salchipapa Peruning Lima shahrida koʻcha taomi sifatida oʻylab topilgan. Kelgusi yillar davomida butun Peru boʻylab tarqaldi. Lotin Amerikasida taomning mashhurligi Peru oshxonasi bilan cheklanib qolmagan, uni endilikda Ekvador va Boliviya oshxonasiga xos taom sifatida ham bilishadi. Salchipapa Argentina koʻchalari va bozorlarida ham sotiladi. Ushbu taom Boliviyadan immigratsiya tufayli AQSh va Chilidagi Argentina, Kolumbiya va Peru restoranlari orasida ham tarqalishda davom etmoqda. Uning „Choripapas“ deb nomlanuvchi varianti mavjud (bunda taomga kolbasa oʻrniga chorizo qoʻshiladi). Bunday variantni Meksikada ham uchratish mumkin.

Galereya

• 
  Baʼzi restoranlar anʼanaviy koʻcha taomlarini yaxshilash uchun salchipapa retseptini oʻzgartirmoqda.
• 
  Limaning shahar sektorlarida salchipapa isteʼmoli yuqoriligicha qolmoqda.
• 
  Salchipapasning yuqori kaloriya tarkibi sogʻliqni saqlash tarafdorlarini tashvishga solmoqda.