Oyijon (qoʻshiq)
| „Oyijon“ | |
|---|---|
| „Bolalar“ qoʻshigʻi | |
| Chiqarilgan sanasi | 2003 |
| Janr | pop musiqa |
| Davomiyligi | 3:54 |
| Matn muallif(lar)i | Husan Sodiqov |
| Bastakor(lar) | Husan Sodiqov |
| Klipi | |
| „Oyijon“ YouTubeda | |
„Oyijon“ — „Bolalar“ oʻzbek pop-rok guruhi ijro etgan qoʻshiq. 2003-yil eʼlon qilingan[manba kerak]"12-albom" nomli studiyaviy albomiga oltinchi trek oʻlaroq kiritilgan. Qoʻshiqni guruh aʼzosi Husan Sodiqov yozgan, ammo ayrim manbalarda uning ukasi, guruh solisti Tohir Sodiqov muallif oʻlaroq koʻrsatilgan[1].
„Oyijon“ qoʻshigʻi „Bolalar“ repertuaridagi eng keng tanilgan taronalarning biridir. „Oyijon“ qoʻshigʻida xonanda suyukli yori onasiga oʻxshashi haqida kuylaydi.
2020-yil guruh aʼzosi Husan Sodiqov oʻzining rasmiy YouTube kanalida „Oyijon“ qoʻshigʻini guruhning 2003-yilga qadar eʼlon qilingan yetti qoʻshigʻidan iborat „12-albom“ nomli albomiga oltinchi trek oʻlaroq kiritgan[2], ammo bu taronalar 2003-yilda albom shaklida eʼlon qilinmagan, balki shunchaki singl oʻlaroq chiqarilgan.
2022-yil qoʻshiqni „Bojalar“ guruhi kaver qilgan[3]. Mazkur versiyani Axliyor Azimov aranjirovka qilgan[4]. Kaver uchun Xosiyat Husanova, Zuhra Soliyeva hamda „Bojalar“ guruhi aʼzolari ishtirokida klip suratga olingan.
Manbalar[tahrir | manbasini tahrirlash]
- ↑ „Tohir Sodiqov - Oyijon“. Nevo Music. Qaraldi: 20-iyul 2022-yil.
- ↑ „"Болалар" гурухининг 12 чи оригинал альбоми“. YouTube (21-noyabr 2020-yil). Qaraldi: 20-iyul 2022-yil.
- ↑ „Жаҳонгир Позилжонов устозининг ҳит таронасини янги талқинда куйлади“. Popcorn (3-fevral 2022-yil). Qaraldi: 22-iyul 2022-yil.
- ↑ „Oyijon“. RizaNova. Qaraldi: 20-iyul 2022-yil.
