Oq goʻr jome masjidi

Masjid
Oq goʻr jome masjidi
Mamlakat	Oʻzbekiston
Hudud	Andijon viloyati
Shahar	Andijon
Manzil	Andijon shahar Maorif MFY, N.Hakimov ko‘chasi №37 uy.
Koordinatalar	40°59′49″N 72°36′41″E
Yoʻnalishi	sunniy
Masjid turi	jome masjid
Soʻngi imom	Siddiqboyev Valijon
Umumiy maydoni	2000 m2
Hajmi	1100 kishi
Tarovih
Kutubxona

Oq goʻr jome masjidi – Andijon viloyati, Andijon shahrida joylashgan masjid. Masjid 1992-yil 16-dekabr oyida davlat ro‘yxatidan o‘tkazilgan. 1998-yilda Andijon viloyati Adliya boshqarmasi tomonidan qayta ro‘yxatdan o‘tkazilgan. 1989-yildan buyon faoliyat yuritib kelmoqda.

Qurilishi

Masjid binosi 1899-yilda hashar yoʻli bilan qurilgan. Masjid eski “Oq go‘r” qabristoni yakinida bo‘lgani uchun ayni shu nom bilan nomlangan.

Masjidda 310m2 yopiq ayvon va bir qancha yordamchi xonalar qurilgan. 1991-yilda esa asosiy xonaqoh va ayvon qurib bitkazilgan. Masjidning umumiy yer maydoni 1808,11 kv metr, binolar maydoni esa 1021,51 kv metr, sahn qismi 820,54 kv metrni tashkil qiladi. 2013-2014-yillari masjid tahoratxonasi ta’mirga muhtoj bo‘lib qolganligi sababli tahoratxona binosi qayta ta’mirlanib, foydalanishga topshirilgan. O‘tgan yillar davomida kichik ta’mirlash ishlari olib borilgan bo‘lib, namozxonlarga har tomonlama qulay shart-sharoitlar yaratib berilgan.

Binoda bir vaqtning oʻzida 1100 nafarga yaqin namozxon ibodat qilishi mumkin. Masjid tarkibidagi kutubxonada umumiy 950 dona ilmiy va diniy kitoblar, qoʻllanmalar mavjud.