Milliy rassomlik va dizayn instituti

Vikipediya, ochiq ensiklopediya
Jump to navigation Jump to search

Milliy rassomlik va dizayn instituti, Kamoliddin Behzod nomidagi milliy rassomlik va dizayn instituti (MRDI) — tasviriy va amaliy bezak sanʼati boʻyicha yuqori malakali mutaxassislar tayyorlaydigan oliy oʻkuv yurti. Institut rangtasvir, grafika, haykaltaroshlik, amaliy sanʼat ustalari, dizayner, sanʼatshunos va muzeyshu-noslar tayyorlaydi. 1954 yil Toshkent teatr sanʼati instituti tarkibida rassomlik sanʼati fakulteti ochilib, institut Toshkent teatr va rassomlik sanʼati institutiga aylantirilgan; 1990 yildan Mannon Uygʻur nomidagi sanʼat instituti. 1997 yilda Oʻzbekiston Respublikasi Prezidentining farmoniga binoan Sanʼat instituti tarkibidan ajralib chiqdi va Oʻzbekiston BA tarkibida hozirgi nomida tashkil etildi. Institut tarkibida 4 fakultet (tasviriy sanʼat, amaliy sanʼat, sanʼatshunoslik, malaka oshirish va qayta tayyorlash), kompyuter sinfi, oʻquv-ijodiy ustaxonalar, kutubxona bor. Taʼlim akademik realistik rangtasvir maktabi anʼanalari asosida olib boriladi, birok, talabalarning ijodiy erkinligi cheklanmagan; institutda magistratura, aspirantura, ilmiy kengash faoliyat koʻrsatadi; oʻquv-uslubiy qoʻllanmalar, darsliklar, dasturlar va boshqa yaratiladi. 2002— 2003 oʻquv yilida 716 talaba taʼlim oldi; 200 dan ortiq pedagoglar, shu jumladan, 9 ta akademik, 19 ta fan doktori va prof., 31 ta fan nomzodi va dotsent hamda boshqa oʻz kasbining ustalari malakali mutaxassislar tayyorlashga hissa qoʻshmoqda.

Institut tarixi va anʼanalari badiiy taʼlim ustalarining bir necha avlodlari ijodlari bilan chambarchas bogʻliq. O. Tatevosyan, V. Urmanchi (rangtasvir), M. Saidov, V. Riftin, E. Kalontarov, T. Oganesov, G. Brim (teatr va kino rassomligi), K. Salohiddinov, A. Boymatov (haykaltaroshlik), L. I. Rempel, M.V.Shostko, Sh. Toshxoʻjayev, R. Toqtosh (sanʼat tarixi va nazariyasi) va boshqa ishlagan. Isteʼdodli moʻyqalam sohiblari R. Ahmedov, Q. Basharov, B. Jalolov, S. Raxmetov, A. Ikromjonov, L. Ibrohimov, N. Qoʻziboyev va boshqa, haykaltarosh I. Jabborov va boshqa, amaliy bezak sanʼati ustalari A. Abdurazzoqov va boshqa badiiy taʼlim rivojiga katta hissa qoʻshmoqda. Institut muzeyi ishlab turibdi (1997), "Musavvir" (2002) va "Nihol" (2002) gaz.lari nashr etiladi.

Institut jahonning turli mamlakatlari (MAP, Yaponiya, Koreya, Belgiya, Germaniya va boshqalar) oliy oʻquv yurtlari bilan hamkorlik qiladi. Institutning ijodkor prof.-ped.lari (S. Abdullayev, R. Rizamuhamedov, A. Mamatova, A. Li, J. Umarbekov, F. Boymatov, M. Nuriddinov va boshqalar), baʼzan talabalari ham xorijdagi koʻrgazmalarda ishtirok etadi, shaxsiy koʻrgazmalari uyushtiriladi.

Tursunali Qoʻziyev.[1]

Manbalar[tahrir]

  1. OʻzME. Birinchi jild. Toshkent, 2000-yil