Mamlakat Mahkamova
| Mamlakat Abduqodirovna Mahkamova | |
|---|---|
 | |
| Tavalludi |
13-iyun 1965-yil Toshkent, Oʻzbekiston SSR |
| Vafoti |
2022-yil (57 yoshda) Toshkent, Oʻzbekiston |
| Fuqaroligi |
 Oʻzbekiston |
| Kasbi | iqtisodchi |
| Sohasi | iqtisodiyot |
| Taʼlimi | Toshkent politexnika instituti |
| Ilmiy darajasi | iqtisodiyot fanlari doktori |
| Ilmiy unvoni | professor |
Mamlakat Abduqodirovna Mahkamova (1965-yil 13-iyun, Toshkent, Oʻzbekiston SSR — 2022-yil, Toshkent, Oʻzbekiston) — oʻzbekistonlik olima, iqtisodiyot fanlari doktori (2004), professor (2008).
Biografiyasi[tahrir | manbasini tahrirlash]
Mamlakat Mahkamova 1965-yilg 13-iyun Toshkent shahrida tarix fanlari doktori, professor Oʻrolov Abduqodir oilasida tug‘ilgan[1]. 1988-yilda Toshkent politexnika institutini muhandis–iqtisodchi mutaxassisligi bo‘yicha tugatgan. 1992—2002-yillarda Toshkent davlat texnika universiteti „Mashinasozlik iqtisodiyoti va uni boshqarish“ kafedrasida assistent, katta o‘qituvchi, kafedra mudiri, 2004—2005-yillarda universitetning „Biznes boshqaruvi“ fakulteti dekani, 2006—2010-yillarda Toshkent axborot texnologiyalari universiteti „Menejment va marketing“ kafedrasi mudiri[2], 2017—2022-yillarda Toshkent davlat texnika universiteti „Korporativ boshqaruv“ kafedrasi, soʻngra „Sanoat iqtisodiyoti va menejmenti“ kafedrasi mudiri lavozimida faoliyat koʻrsatgan[1].
Ilmiy faoliyati[tahrir | manbasini tahrirlash]
1988—1992-yillarda Oʻzbekiston Fanlar akademiyasining Iqtisodiyot instituti aspiranturasida oʻqigan. 1994-yilda „Bozor munosabatlarida o‘tish sharoitida O‘zbekiston Respublikasining mashinasozlik korxonalarida ishchilarni moddiy rag‘batlantirish“ mavzusida nomzodlik dissertasiyasini himoya qilib, iqtisodiyot fanlari nomzodi ilmiy darjasini olgan. 2004-yilda iqtisodiy fanlari doktori ilmiy darajasini olgan. 1998-yilda dotsent, 2008-yilda professor ilmiy unvoni beilgan[3]. 30 dan ortiq o‘quv va uslubiy qo‘llanmalar, 9 ta monografiya, 5 ta darslik, 300 dan ortiq ilmiy maqolalar muallifi[1].
Manbalar[tahrir | manbasini tahrirlash]
- ↑ 1,0 1,1 1,2 Oʻzbekistonning taniqli olimlari ensiklopediyasi, 1-tom (oʻzbekcha), Toshkent: Science and Innovation, 2022 — 342 bet.
- ↑ „Menejment va marketing“.
- ↑ „Mahkamova Mamlakat Abdukodirovna“.