Jom (qishloq)

Vikipediya, ochiq ensiklopediya
Jump to navigation Jump to search

Jom (kirillcha Jom), Samarqand viloyati, Nurobod tumanidagi qishloq. Oʻzbekiston boʻyicha eng katta qishloqlardan biri hisoblanadi. „Jom“ soʻzi bekat yoki toʻxtab turish joyi degan maʼnolarni anglatadi. Samarqand va Qashqadaryo viloyatlari chegarasida joylashgan. Janubda Chiroqchi tumanining Umakay qishlogʻi bilan chegaradosh. Qishloq aholisi tax. 20 ming kishiga yaqin. Qishloq oʻz navbatida yuqori va pastki Jom qishloqlariga boʻlinadi. Qishloqda kattagina Jom bozori mavjud.

Tarixi[tahrir]

Jomning qachon paydo boʻlgani aniq maʼlum emas. XVIII-XIX asrlarda Qarshidan Samarqandga olib boradigan eng xavfsiz yoʻllardan biri shu qishloqdan oʻtgan. Tarixda bu qishloq bir qancha qoʻzgʻolonlarga guvoh boʻlgan.

Iqtisodiy-ijtimoiy ahvoli[tahrir]

Aholi[tahrir]

Bu qishloqda asosan oʻzbeklarning ors-saroy (saroy urugʻining bir tarmogʻi) urugʻiga mansub odamlar yashaydi. Aytishlaricha, ors-saroy „arslon saroy“ yaʼni „botir, jasur, sheryurak saroylar“dan olingan.

Iqtisodi[tahrir]

Qishloq aholisi asosan qishloq xoʻjaligi, chorvachilik bilan mashgʻul. Qishloq ayollari esa oʻz gilamlari bilan mashhur. Jom gilamlari viloyat hududi boʻyicha sotiladi. Qishloqda togʻ toshlarini qazib chiqaruvchi kon (kar’yer) ham bor. Ammo, mustaqillikdan keyin, sarmoyalar kamligi sababli unchalik unumlik faoliyat koʻrsatmaydi.