Izvestiya

Vikipediya, ochiq ensiklopediya

"IZVESTIYA" ("Axborot") — RFda chikadigan umummilliy gazeta. Moskvada haftada 5 marta rus tilida nashr etiladi. Gaz. ning 1soni 1917 y. 28 fevral (13 mart)da Petrogradda chiqqan. "I." shoʻro tuzumi davrida kommunistik partiya va Sovet hukumati qabul qilgan qaror va hujjatlarning bajarilishini mafkuraviy jihatdan taʼminlovchi qudratli vosita boʻlgan. Shoʻro tuzumi tugagach (1991 y. oxiridan), Rossiya Federatsiyasining ijtimoiy-siyosiy, iqtisodiy va maʼnaviy hayotiga oid islohot va oʻzgarishlarning bajarilishini taʼminlashga moʻljallangan yoʻnalish oldi. Adadi 234.500 (2002).

IZEN, koxiya (Kochia) — shoʻradoshlar oilasiga mansub bir yillik yarim-butalardan iborat turkum. Gullari koʻkimtir, koʻrimsiz. Barglari uzun, tekis, qirrali. 80 turi maʼlum. Oʻzbekistonda 4 turi boʻlib, ular toshloq, qumloq, gil tuproq, shoʻrxok va taqir yerlarda oʻsadi. Asosan, yerbagʻirlab oʻsuvchi yarimbuta (K. prostrata) I. deb ataladi. U sifatli ozuqabop oʻsimlik sifatida oʻtloqlarning hosildorligini oshirish uchun ekiladi. Kelinsupurgi I. (K. scoparia) esa bir yillik sershox oʻsimlik boʻlib, undan su-purgi sifatida foydalaniladi. Choʻl va adirlarda oʻsadi. Urugʻining tarkibida saponin bor. Baʼzilari manzarali oʻsimlik.[1]

Manbalar[tahrir]

  1. OʻzME. Birinchi jild. Toshkent, 2000-yil