Ivan Kudryashov
| Ivan Kudryashov | |
|---|---|
| Tavalludi |
1896-yil 2-oktyabr Kaluga,
Rossiya imperiyasi |
| Vafoti |
1972-yil 30-avgust (75-yosh) |
| Fuqaroligi | sovet |
| Taʼlimi | Moskva rassomlik, haykaltaroshlik va arxitektura instituti |
| Kasbi | rassom, dizayner, o'qtuvchi |
Ivan Alekseyevich Kudryashov (1896-yil 2-oktyabr, Kaluga, Rossiya imperiyasi – 1972-yil 30-avgust, Moskva, SSSR) – rus avangard rassomi, Kazimir Malevichning shogirdi[1].
Hayoti[tahrir | manbasini tahrirlash]
Uning otasi Konstantin Siolkovskiy ustaxonasida raketalar va aviatsiya vositalarining yogʻoch modellarini yasagan.
Moskvadagi Yakimanskiy shahar maktabini tugatgandan soʻng, Ivan Kudryashov 1911-yilda Stroganov nomidagi rassomlik va sanʼat maktabiga oʻqishga kirgan.
1912—1917-yillarda Moskva rassomchilik, haykaltaroshlik va arxitektura institutida (Nikolay Kasatkin va Pavel Kuznetsovlarning shogirdi) tahsil olgan. 1917-yilda u oʻzining dastlabki Chasi, Dvijeniye, Germes i Dionis kabi sanʼat asarlarini yaratgan.
1919-yilda u Kazimir Malevich bilan Vtorix Gosudarstvennix Svobodnix sanʼat institutida oʻqigan[2].
1919-yilda xalq komissarligi tomonidan Orenburgga davlat sanʼat maktablarining filialini tashkil qilish uchun yuborilgan. Malevich ishtirokida u Orenburgda Utverditeli novogo iskusstva rassomlar uyushmasining boʻlimini tashkil etgan va unga rahbarlik qilgan. U Orenburg shahar teatri uchun dizayn eskizlarini chizib bergan. Ushbu chizma real hayotda suprematizm usulidan foydalanishning eng mukammal misollaridan biri edi[3].
1921-yilda Moskvaga qaytgach, u oʻz asarlarini koʻplab koʻrgazmalarda namoyish etgan.
1925-yilda u Obshestva stankovistov badiiy aʼzosi boʻlgan. Ushbu birlashmaning koʻrgazmalarida Kudryashovning Konstruktsii pryamolineynogo dvijeniya (1923—1925), Konstruktsii krivolineynogo dvijeniya (1924—1925), Prostranstvennaya jivopis (1925—1926), Dinamika v prostranstve (1925—1926), Rojdeniye planeti (1927—1928) nomli sanʼat asarlari taqdim etilgan.
1937—1939-yillarda rassomlar va dizaynerlar malakasini oshirishda koʻmaklashish uchun institutida dars bergan.
1939-yilda rasmiyatchilik uchun Moskva Rassomlar uyushmasidan chiqarib yuborilgan.
Urushdan keyingi yillarda u grafik dizayner boʻlib ishlagan[3].
Rassomning umr boʻyi davomidagi yagona shaxsiy koʻrgazmasi 1970-yilda Parijda boʻlib oʻtgan. Ivan Kudryashovning asarlari Nyu-Yorkdagi guruh koʻrgazmalari doirasida Solomon R. Guggenxaym muzeyida (1977-yil, 1992-yil) va Manhattandagi sanʼat muzeylarida (1986-yil, 2006-yil) namoyish etilgan[2].
Ivan Alekseevich Kudryashovning asarlari hozirgi kunda Moskva Davlat galereyasida,Qoraqalpog‘iston davlat sanʼat muzeyida[4](Oʻzbekiston), Salonikidagi (Gretsiya) va boshqa shaxsiy galareyalarda saqlanadi.
Xotini – Timofeeva Nadejda Konstantinovna (1900-1973) ham rassom boʻlgan[1].
U rafiqasi bilan Moskvadagi Donskoye qabristoniga dafn etilgan.