Harry Potter va Alanga kubogi

Vikipediya, ochiq ensiklopediya
Harry Potter va Alanga kubogi
Harry Potter and the Goblet of Fire cover.png
Kitob muqovasi
Asl nomi Harry Potter and the Goblet of Fire
Muallif J. K. Rowling
Janr fentezi
Mamlakat Buyuk Britaniya bayrogʻi Birlashgan Qirollik
Til inglizcha
Bezovchilar Giles Greenfield (ilk nashr)
Nashriyot Bloomsbury (Birlashgan Qirollik)
Nashr etilgan sanasi 8-iyul 2000-yil
Sahifalar soni 636 (ilk nashr)
ISBN ISBN 0-7475-4624-X
Oldingisi Harry Potter va Azkaban mahbusi
Keyingisi Harry Potter va Feniks jamiyati

Harry Potter va Alanga kubogi (boshqa nomi Harry Potter va Olov kubogi; inglizcha: Harry Potter and the Goblet of Fire) ingliz yozuvchisi J. K. Rowling qalamiga mansub fentezi janridagi roman boʻlib, Harry Potter romanlari turkumiga mansub toʻrtinchi kitobdir. Roman „Hogwarts jodugarlik va afsungarlik maktabi“da toʻrtinchi yil sifatida tahsil olayotgan yosh sehrgar hisoblanmish Harry Potterning Triwizard turnirida ishtirok etishga majbur boʻlganligi bilan bogʻliq voqealar haqida hikoya qiladi.

Kitob 2000-yil 8-iyulda Buyuk Britaniyada Bloomsbury nashriyoti, AQShda esa Scholastic nashriyotida chop etildi. Ikkala mamlakatda ham 2000-yil 8-iyul sanasida chiqarilgan.[1] Bu roman 2001-yilda Hugo mukofotiga loyiq topildi[2] va buning ortidan ushbu mukofotni qoʻlga kiritgan yagona Harry Potter turkumidagi kitob sifatida qayd etildi.

Roman asosida 2005-yili film suratga olindi. Electronic Arts shirkati tomonidan video oʻyin ham ishlab chiqarildi.

Sujet[tahrir | manbasini tahrirlash]

Diqqat! Quyida sujet burilishlari yoki hatto oxiri ham keltirilishi mumkin.

Yozgi taʼtilning bir qismini Dursleylarnikida oʻtkazgan Harry Potter doʻsti Ronning taklifiga binoan yozgi taʼtilning qolgan qismini Ronning uyida oʻtkazishga qaror qiladi. Ronning uyidagi bir necha xursandchilik kunlaridan soʻng, Harry Weasleylar oilasi bilan (Mollydan tashqari) birga Quidditch boʻyicha Jahon kubogini tomosha qilish uchun boradi. Keyinchalik, Harry Hogwartsga boradi.

Hogwarts bu yil muhim afsungarlar turniriga mezbonlik qiladi. 19-asr boshidan beri oʻtkazilmagan „Uch sehrgarlar“ turniri Dumbledorening saʼy-harakatlari natijasida Hogwartsda oʻtkaziladi.

Adaptatsiyalar[tahrir | manbasini tahrirlash]

Film[tahrir | manbasini tahrirlash]

Harry Potter va Alanga kubogi asosida film ham tasvirga olingan boʻlib, kinokartinaning umumjahon premyerasi 2005-yil 18-noyabrda boʻlib oʻtdi. Filmga Mike Newell rejissorlik qildi, Steve Kloves esa ssenariynavis oʻlaroq qatnashdi. Film tijorat jihatdan muvaffaqiyat qozonib, umumjahon boʻylab $896 million daromad qildi.[3][4] Shuningdek, „Best Art Direction“ nominatsiyasida Oscarga nomzod boʻldi.[5]

Video oʻyin[tahrir | manbasini tahrirlash]

Video oʻyin Electronic Arts shirkati tarafidan ishlab chiqarilib, PC, PlayStation 2, Nintendo DS, Nintendo GameCube, Xbox, Game Boy Advance va PlayStation Portable platformalari uchun moʻljallangan. Video oʻyin 2005-yil 8-noyabrda chiqarildi.

Oʻzbekcha tarjima[tahrir | manbasini tahrirlash]

Harry Potter va Alanga kubogini oʻzbek tiliga Shokir Dolimov tarjima qilgan. Roman oʻzbek tilida ilk bor 2019-yil Toshkent shahrida „Kamalak“ nashriyotida chop etildi.[6]

Manbalar[tahrir | manbasini tahrirlash]

  1. „A Potter timeline for muggles“. Toronto Star (14-iyul 2007). 20-dekabr 2008da asl nusxadan arxivlandi. Qaraldi: 22 mart.
  2. „2001 Hugo Awards“. World Science Fiction Society. 7-may 2011-yilda asl nusxadan arxivlandi. Qaraldi: 28 mart.
  3. Gray, Brandon „Harry Potter's 'Goblet' Runneth Over with Cash“. Box Office Mojo (21-noyabr 2005-yil). 23-noyabr 2011-yilda asl nusxadan arxivlandi. Qaraldi: 28-noyabr 2011-yil.
  4. „Harry Potter and the Goblet of Fire“. Box Office Mojo. 22-yanvar 2009-yilda asl nusxadan arxivlandi. Qaraldi: 28-noyabr 2011-yil.
  5. „The 78th Academy Awards (2006) Nominees and Winners“. AMPAS. 24-dekabr 2013-yilda asl nusxadan arxivlandi. Qaraldi: 28-noyabr 2011-yil.
  6. https://kitobxon.com/oz/kitob/Harry-potter-va-olov-kuboki-(4-qism)

Havolalar[tahrir | manbasini tahrirlash]