Gabsburglar

Vikipediya, ochiq ensiklopediya

Gabsburglar (Habsburger) - Avstriyada hukmronlik qilgan sulola (1282 y.dan gersoglar, 1453 y.dan ersgersoglar, 1804 y.dan Avstriya imperatorlari). 1526 y. Chexiya va Vengriyani (u yerlarda qirol deb atalganlar) va b. hududlarni qoʻshib olib koʻp millatli ulkan davlatni (1867—1918 y.larda Avstriya-Vengriya) monarxlari boʻlganlar. G. "Muqaddas Rim imperiyasi" imperatorlari (1438—1806 y.larda doimiy ravishda, 1742—45 y.lardan tashqari), shuningdek Ispaniya qirollari (1516—1700) ham edilar. Asosiy vakillari: Karl V, Filipp II (Ispaniyada), Mariya Tereziya, Iosif II, Frans Iosif I. G. ijtimoiy taraqqiyot dushmanlari, Yevropa xalqlarining milliy ozodlik harakatlarini boʻgʻuvchilar sifatida tarixda nom qoldirishgan. Avstriya-Vengriya imperiyasi tarkibiga kirgan oʻlkalarda mustamlakachilik siyosatini yuritganlar.

Adabiyotlar[tahrir]

  • OʻzME. Birinchi jild. Toshkent, 2000-yil