Fanas Salimov
| Shaxsiy maʼlumot | |||
|---|---|---|---|
| Toʻliq ismi | Fanas Nagimovich Salimov | ||
| Tavallud sanasi | 1964-yil 19-fevral | ||
| Tavallud joyi | Chimkent, SSSR | ||
| Vafot sanasi | 2021-yil 27-avgust | ||
| Boʻyi | 169 sm | ||
| Ampluasi | Yarim himoyachi | ||
| Professional faoliyati* | |||
| Yillar | Jamoa | Isht. | (Gol.) |
| 1982—1990 | "Qayrat" | (8) | |
| 1991 | Boʻston | (10) | |
| 1991 | "Qayrat" | (1) | |
| 1992 | Vorskla | (2) | |
| 1992—1993 | Niva (Ternopl) | (0) | |
| *Professional klublardagi gollari (ichki chempionat) | |||
Fanas Nagimovich Salimov (qozoqcha: Фанас Нагимұлы Салимов; 1964-yil 19-fevral, Chimkent – 2021-yil 27-avgust[1]) – yarim himoyachi ampulasida oʻynagan sobiq sovet va qozoq futbolchisi. SSSR chempionati oliy ligasida Qayrat futbol klubidagi oʻyinlari bilan tanilgan. U Ukraina oliy ligasining bir qator jamoalarida ham oʻynagan. Futbolchilik faoliyatini yakunlaganidan keyin murabbiylik hamda hakamlik qilgan.
Klub faoliyati[tahrir | manbasini tahrirlash]
Fanas Salimov Chimkentda tugʻilgan va 7 yoshida mahalliy oʻrta maktabda futbol oʻynashni boshlagan. Uning birinchi murabbiyi Aleksandr Xasap boʻlgan. Butunittifoq „Charm toʻp“ turnirida gʻolib chiqqan iqtidorli bola Olmaotadagi respublika sport maktab-internatiga taklif qilinadi. U yerda Olmaota "Qayrat" jamoasining sobiq futbolchisi Yevgeniy Kuznetsov unga murabbiylik qildi. Sport maktab-internatini tamomlagandan soʻng, Salimov Olmaota jamoasida bir necha oʻyin oʻtkazdi. Keyinchalik SSSR ikkinchi futbol ligasida ishtirok etuvchi „Metallurg“ jamoasidan taklif oldi. Keyingi yili Chimkent klubi oʻz nomini „Meliorator“ga oʻzgartirdi. Salimov SSSR yoshlar terma jamoasi tarkibida parallel ravishda oʻynay boshladi va 1981-yil oxirida u yana „Qayrat“ning zaxira jamoasida oʻynadi. 1982-yildan boshlab SSSR oliy ligasida jamoasining asosiy tarkibida harakat qildi. Yosh yarim himoyachi tezda Olmaota jamoasining asosiy tarkibida oʻyinchiga aylangan, u asosan yarim himoyaning oʻng tomonida oʻynagan. 1982-yilda „Qayrat“ oliy ligadan tushib ketdi, ammo keyingi yili jamoa birinchi ligada birinchi oʻrinni egallab, oliy ligaga qaytdi, Salimov esa katta chempionatlardagi ilk oltin medalini qoʻlga kiritdi[2]. 1986-yilda ittifoq oliy ligasidagi oʻyinlar „Qayrat“ uchun muvaffaqiyatli boʻldi. Jamoa 7-oʻrinni egalladi. 1988-yilda Fanas Salimov „Qayrat“ tarkibida SSSR futbol federatsiyasi kubogi gʻolibi boʻldi va finalda Bokuning Neftchi jamoasini 4:1 hisobida magʻlub etdi. Biroq joriy mavsum natijalariga koʻra, Federatsiya kubogining har ikki finalchisi SSSR oliy ligasida mos ravishda 15 va 16-oʻrinlarni egallab, birinchi ligaga tushib ketdi[3]. „Qayrat“ keyingi yili oliy ligaga qayta olmadi, chunki jamoa birinchi ligada uchinchi oʻrinni egalladi[4][5]. Fanas Salimov 1990-yilda „Qayrat“ safida toʻliq mavsum oʻtkazgan boʻlsa, 1991-yilda Oʻzbekistonning ikkinchi divizioni vakili „Soʻgʻdiyona“ klubiga oʻtgan.
Manbalar[tahrir | manbasini tahrirlash]
- ↑ „Салімов Фанас Нагімович“. 7 лютого 2022da asl nusxadan arxivlangan. Qaraldi: 7 лютого 2022.
- ↑ „Перша ліга — 1983“. 18 листопада 2018da asl nusxadan arxivlangan. Qaraldi: 18 листопада 2018.
- ↑ „Вища ліга — 1988“. 10 жовтня 2016da asl nusxadan arxivlangan. Qaraldi: 15 листопада 2016.
- ↑ „Перша ліга — 1989“. 5 жовтня 2016da asl nusxadan arxivlangan. Qaraldi: 15 листопада 2016.
- ↑ „«Кайрат» Алма-Ата — 1989“. 15 листопада 2016da asl nusxadan arxivlangan. Qaraldi: 15 листопада 2016.