Eminem

Vikipediya, ochiq ensiklopediya
Jump to navigation Jump to search
Eminem

Eminem 2014-yil noyabr oyida
Umumiy maʼlumot
Tugʻilgan paytidagi ismi Marshall Bruce Mathers III
Tugʻilishi 17-oktabr 1972-yil (1972-10-17) (48 yosh)
Fuqaroligi AQSH bayrogʻi AQSh
Guruh D12, Bad Meets Evil
Faoliyat yillari 1990—hozirgacha
Janr hip hop
Sayt eminem.com

Marshall Bruce Mathers III (talaffuzi: Marshall Brus Mazers; 17-oktabr 1972-yilda tugʻilgan)[1] Eminem taxallusi ostida tanilgan amerikalik repper, produser, qoʻshiqnavis va aktyordir. Slim Shady ismli alter egosi bor. Yakkaxon ijodidan tashqari, Eminem oʻzining D12 guruhi va Bad Meets Evil dueti aʼzosi hamdir. Eminem jahonda eng koʻp xaridorgir musiqachilardan biri, 2000-yillarda eng koʻp albomi sotilgan artistdir.[2] U qator jurnallar, jumladan Rolling Stone tomonidan eng buyuk artistlar roʻyxatiga kiritilgan.[3] Rolling Stone unga shuningdek „Hip Hop qiroli“ unvonini bergan.[4] Eminem Billboard albomlar charti choʻqqisini oʻn marta egallagan. Uning albomlari dunyoda 115 milliondan, singillari 120 milliondan ortiq nusxada sotilgan.[5][6] Qoʻshma Shtatlarning oʻzida 49,1 million albom va 42 million trek sotgan.[7]

1996-yil avgustida oʻzining birinchi mustaqil Infinite albomini chiqargan Eminem keng shuhratga 1999-yil fevralida chiqqan The Slim Shady LP albomi bilan erishdi. Albom Eminemga uning birinchi Grammy mukofotini keltirdi. The Slim Shady LPdan keyin 2000-yil mayida The Marshall Mathers LP va 2002-yil mayida The Eminem Show chiqib, ularning ikkovi ham „Eng yaxshi rap albom“ nominatsiyasida Grammy mukofoti oldi, natijada Eminem shu nominatsiyada ketma-ket uch marotaba mukofot olgan ilk artist boʻldi. 2004-yil noyabrida Encore albomi chiqdi. 2005-yil konsert turnesidan keyin Eminem taʼtilga chiqdi. 2009-yil mayida Relapse nomli oltinchi albomini chiqardi. 2010-yil iyunida Eminem yettinchi, Recovery albomini chiqardi. Recovery butunjahon muvaffaqiyat koʻrib, 2010-yilning eng koʻp sotilgan albomi boʻldi. Eminem Relapse va Recovery uchun yana Grammy olib, Grammy mukofotlari soni 13 ga yetdi.[8] 2013-yil noyabrida uning sakkizinchi, The Marshall Mathers LP 2 albomi chiqarildi.

Eminem boshqa ishlar, jumladan oʻzining Shady Records studiyasi, Shade 45 radiokanali bilan ham shugʻullanadi. 2002-yil noyabrida Eminem 8 Mile nomli hip hop drama filmida suratga tushdi. Shu film soundtracki uchun Akademiy mukofoti olib, bu mukofotni olgan birinchi repper boʻldi.[9] U shuningdek The Wash (2001), Funny People (2009) filmlarida va Entourage teleserialida rollar oʻynagan.

Hayoti[tahrir]

Marshall Bruce Mathers III 1972-yil 17-oktabrda St. Joseph shahrida tugʻilgan, 12 yoshida oilasi bilan Detroytning Istsayd tumaniga koʻchib oʻtadi. U doimo darslarni qoldirib, maktab oshxonasida rep-fristayllarni tashkil qilardi va har doim yutardi.

Eminem tasvirlangan graffiti, (Shanxay, Xitoy).

Diskografiyasi[tahrir]

  • 1995 — Soul Intent
  • 1996 — Infinite
  • 1997 — The Slim Shady EP
  • 1999 — The Slim Shady LP
  • 2000 — The Marshall Mathers LP
  • 2001 — Devil’s Night (D12 bilan birgalikda)
  • 2002 — The Eminem Show
  • 2002 — „8 Mile“ filmiga saundtrek
  • 2004 — Encore
  • 2004 — D12 World (D12 bilan birgalikda)
  • 2005 — Curtain Call: The Hits
  • 2006 — Eminem Presents the Re-Up
  • 2007 — King Mathers
  • 2010 — Recovery
  • 2011 — Bad Meets Evil (Hell: The Sequel)

Filmografiyasi[tahrir]

Yil Nom Rol Qoʻshimcha
2000 Hip-Hop jodugari oʻzini-oʻzi (epizod rolda)
2001 The Wash Chris
2002 8 Mile Jimmy „B-Rabbit“ Smith
2005 Koʻzlaring maʼyus oʻzini-oʻzi (epizod rolda)
2008 Have Gun — Will Travel Paladin

Kitoblari[tahrir]

Nomi Yil Sahifalar soni
Angry Blonde 2000 148
The Way I Am 2008 208

Manbalar[tahrir]

  1. Ankeny, Jason; Torreano, Bradley (2006). Eminem – Biography. Allmusic. 2008-01-30.
  2. Best of the 2000s: The Decade In Charts and More. Billboard (December 7, 2009). 2012-03-30.
  3. The Immortals: Rolling Stone. Rolling Stone. Asl nusxadan arxivlandi (2008-10-16). 2008-10-20.
  4. By Chris Molanphy (August 15, 2011). Introducing the King of Hip-Hop. Rolling Stone. 2011-08-20.
  5. "Top 10 Hip-hop Best Sellers of All Times". http://www.smartearningmethods.com/top-10-hip-hop-best-sellers-times/. 
  6. "Saturday Night Football Goes "Berzerk" with Eminem". http://espnmediazone.com/us/press-releases/2013/09/saturday-night-football-goes-berzerk-with-eminem. 
  7. Business Wire (January 5, 2012). The Nielsen Company & Billboard's 2011 Music Industry Report. Business Wire. 2012-03-30.
  8. Born in the U.S.A.: Top 50 Stars of the 50 States. Billboard. 2013-08-25.
  9. Roberts, David (2006). British Hit Singles & Albums, 19-, London: Guinness World Records Limited, 137. ISBN 1-904994-10-5. 

Havolalar[tahrir]