Candela Francisco
Candela Belén Francisco Guecamburu (2006-yil 14-avgustda tugʻilgan) – argentinalik shaxmatchi, ayol grossmeyster (WGM) unvoniga ega. Candela 2023-yilgi oʻsmir qizlar oʻrtasidagi jahon chempioni[1].
Shaxmatdagi faoliyati[tahrir | manbasini tahrirlash]
U Amerika qitʼasining ayollar oʻrtasidagi shaxmat boʻyicha amaldagi qitʼa chempioni. Francisco 2017-yilda 12 yoshgacha boʻlgan qizlar divizionida, 2019-yilda 14 yoshgacha va 2021-yilda 16 yoshgacha boʻlgan qizlar divizionida Argentina yoshlar chempioni unvonini qoʻlga kiritgan. U 2022-yilda shaxmat boʻyicha ayollar oʻrtasidagi Argentina chempionatida Maria Florencia Fernandezdan keyin ikkinchi oʻrinni egallagan.
Francisco shaxmat boʻyicha 2021-yilgi jahon chempionatida oʻtkazilgan shaxmat boʻyicha yoshlar oʻquv-mashgʻulot yigʻinida ishtirok etgan, unda yuqori saviyali oʻyinchilar, shu jumladan sobiq jahon chempioni Vishvanatan Anand ham murabbiylar qatorida boʻlgan. Francisco olti yoshida ota-onasi unga Rojdestvo uchun shaxmat toʻplami sotib olganidan keyin shaxmat oʻynay boshlagan. U toʻqqiz yoshida Pilar shahrida mashgʻulotlarni boshlagan, ammo keyinchalik Buenos-Ayres markazidan taxminan 50 kilometr uzoqlikda joylashgan Visente Lopes Partido shahrida joylashgan ancha yuqori darajadagi shaxmat klubi hisoblanmish Círculo de Ajedrez de Villa Martellida mashgʻulot oʻtkaza boshlagan[2][3][4].
2023-yilda Francisco oʻsmir qizlar oʻrtasidagi jahon chempionatida ishtirok etgan va u Carissa Yipdan keyin ikkinchi oʻrinni egallagan. U Yip va Beloslava Krastevalar bilan bir hil ball jamgʻarib kelgan soʻnggi turgacha va soʻnggi turda Krastevaga qarshi oʻtkazilgan gʻalabasi tufayli tay-breyklarda yaxshi natija qayd etib, chempionlikni qoʻlga kiritgan. Uning yakuniy balli 8,5/11 (+6−0=5) boʻlgan. U Janubiy Amerikadan oʻsmir qizlar oʻrtasida Perulik Deysi Coridan keyin ikkinchi jahon chempioni va Argentinadan Oskar Panno, Karlos Bielichki va Pablo Zarnickidan keyin 20 yoshgacha boʻlgan oʻsmirlar oʻrtasidagi toʻrtinchi jahon chempioni unvonini qoʻlga kiritgan.
Manbalar[tahrir | manbasini tahrirlash]
- ↑ „Chess-Results Server Chess-results.com - FIDE World Junior Chess Championship “México 2023” OPEN“. chess-results.com. Qaraldi: 2023-yil 1-oktyabr.
- ↑ Saavedra. „Candela Francisco: la joven reina del ajedrez“ (es). Ser Argentino (2022-yil 22-yanvar). Qaraldi: 2022-yil 4-sentyabr.
- ↑ „Una ajedrecista con mucho futuro“ (es). Argentina.gob.ar (2020-yil 21-oktyabr). Qaraldi: 2022-yil 4-sentyabr.
- ↑ „"Gambito de Dama": Candela Francisco, la joven que fue clave para la clasificación argentina a la Olimpíada de Ajedrez“ (es). Los Andes (2021-yil 5-sentyabr). Qaraldi: 2022-yil 4-sentyabr.