Baribal

Vikipediya, ochiq ensiklopediya

Baribal, amerika qora ayigʻi (Ursus americanus) — yirtqichlar turkumining ayiqlar oilasiga mansub hayvon. Tanasining oʻrtacha uz. 1,75, boʻyi 1 m ga yaqin, ogʻirligi 150 kg gacha. Juni odatda qora, tumshugʻining uchki qismi ochiq sargʻish boʻladi. Shim. Amerika oʻrmonlarida yashaydi. Asosan oʻsimliklar bilan oziqlanadi, baʼzan uy hayvonlari va yovvoyi hayvonlarga ham hujum qiladi. Qishda uyquga ketadi. Urgʻochilari yanvar — fevralda 2 — 3 ta bola tugʻadi. Sport ovi obʼyekti hisoblanadi. Koʻp joylarda qirilib ketgan, faqat AQSH ning milliy bogʻlari va qoʻriqxonalarida koʻproq saqlanib qolgan (Ayiqlar maqolasidagi rasmga q.).

Adabiyotlar[tahrir]

  • OʻzME. Birinchi jild. Toshkent, 2000-yil