Ayshaxon Qoʻchqorova

Vikipediya, ochiq ensiklopediya
Navigatsiya qismiga oʻtish Qidirish qismiga oʻtish
Oyshaxon (Ayshaxon) Qo'chqorova
Ayshaxon Qo'chqorova
Fayl:Ayshaxon Qo'chqorova.jpg
Shaxsiy maʼlumotlari
Tavalludi 26-iyul 1941-yil(1941-07-26)
Namangan viloyati
Namangan shahri
Fuqaroligi SSSR bayrogʻi SSSR
Oʻzbekiston bayrogʻi Oʻzbekiston
Millati o'zbek
Bolalari 2 nafar
Taʼlim Andijon davlat tibbiyot instituti
Kasbi Shifokor, akusher-ginekolog
Dini Islom
Maʼlumoti Oliy
Unvoni Oʻzbekiston qahramoni

Oyshaxon (Ayshaxon) Qoʻchqorova (26-iyul, 1941-yil, Namangan shahri, Namangan viloyati, O'zbekiston SSR, SSSR) — oliy toifali vrach (shifokor), akusherlik va ginekologiya — tibbiyot sohasining fidoiy vakili. Oʻzbekiston qahramoni oliy unvoni (1996) sohibasi. O'zbekiston Respublikasi sogʻliqni saqlash tizimining nomdor vakillaridan biri.

Biografiyasi[tahrir | manbasini tahrirlash]

Yoshligi[tahrir | manbasini tahrirlash]

Tarjibali ginekolog hamda akusher boʻlmish sobiq shifokor Oyshaxon Qoʻchqorova 1941-yilning 26-iyul sanasida Namangan viloyatining markazi — Namangan shahrida tavallud topgan. Oʻrta maktabni tamomlagach tibbiyot sohasiga qiziqishi hamda intiluvchanligi sababli Andijon davlat tibbiyot institutiga oʻqishga topshiradi. Imtihonlardan muvaffaqiyatli oʻtgan holda, 1958-yilda, oʻqishga qabul qilinadi. 6 yillik taʼlimdan soʻng, 1964-yilda ushbu institutni tamomlaydi hamda oʻz ona shahriga qaytib keladi[1].

Mehnat faoliyati[tahrir | manbasini tahrirlash]

Oyshaxon Qoʻchqorova oʻz faoliyatini, institutni tamomlagandan soʻng, 1964-yilda Namangan shahridagi 2-xonli shifoxonoda terapevt mutaxassisligi bo‘­yicha internatura o‘tishdan boshlaydi. Keyinchalik, 1966—1984 yillar oraligʻida shahardagi 2-tug‘ruqxonada vrach akusher-ginekolog bo‘lib faoliyat yuritadi. Bu yillar uning uchun chinakam tajriba maktabi bo‘lib xizmat qiladi. O‘z ishiga sadoqati, halolligi, shirinsuxanligi bois xalq orasida obro‘ topadi, „qo‘li yengil doktor“ sifatida taniladi[1]. Ushbu davr mobaynida u oddiy shifokor darajasidan tugʻruqxona mudiri lavozimiga boʻlgan yoʻlni bosib oʻtadi.

1984-yildan 2008-yilgacha boʻlgan vaqt davomida Namangan viloyati tugʻuruqxonasida boʻlim mudiri sifatida faoliyat yuritadi. 1976—1991-yillar oraligʻida Sanitariya aviatsiyasida navbatchi akusher-ginekolog, 1991—2008-yillar Namangan viloyati boʻyicha gemotologik brigadada navbatchi aku­sher-ginekolog sifatida xizmat qiladi. 2003-2008 yillarda O‘zbekiston Respublikasi sog‘liqni saqlash vazirligi Akusherlik va ginekologiya ilmiy tekshirish instituti Namangan filiali ginekologiya bo‘limi mudiri, oilaviy poliklenika boʻlimida vrach ordinator sifatida samarali faoliyat olib boradi[2].

Hozirda nafaqadagi sobiq shifokor, koʻplab oliy darajali shifokorlarning ustozi — Oyshaxon Qoʻchqorova 1996-yilda, tibbiyot sohasidagi uzoq muddatli va samarali faoliyati uchun tashakkur sifatida prezident Islom Karimov farmoniga binoan, „O‘zbekiston Qahramoni“ unvoni bilan taqdirlanadi[3].

Manbalar[tahrir | manbasini tahrirlash]

  1. 1,0 1,1 Xamidov, Sanjarbek „НАМАНГАННИНГ ҚАҲРАМОН ШИФОКОРИ“. Shifokor va Hayot,uz. Qaraldi: 19-iyun 2022-yil.
  2. Zaripova, Ra'no „«Oʻzbekiston Qahramoni» unvoni sohibalarining hayoti bilan tanishing“. Gujum.uz. Qaraldi: 19-iyun 2022-yil.
  3. O'zbekiston milliy axborot agentligi „“Ўзбекистон Қаҳрамони“ унвонини олган ўн олти нафар аёл (+сурат)“. UzA.uz. Qaraldi: 19-iyun 2022-yil.