Ats-Tsauroh masjidi (Serang)
| Masjid | |
Ats-Tsauroh masjidi (Serang)
| |
 | |
| Masjidning minorasi | |
| Mamlakat |  Indoneziya
|
| Shahar | Sarang |
| Asosiy sana: 1870
Taʼmirlanish yillari: 1930, 1956, 1974, 1993[1] | |
| Maqomi | jome masjid |
| Hajmi | 2,500[2] |
| Gumbazlar soni | 0 |
| Minoralar soni | 1 |
 Ats-Tsauroh masjidi (Serang) Vikiomborda
| |
Ats-Tsauroh masjidi – Indoneziyaning Banten hududidagi Serang shahrida joylashgan jome masjidi. 1870-yilda tashkil etilgan bu masjid Banten provinsiyasidagi eng qadimiy masjidlardan biri hisoblanadi.
Tarixi[tahrir | manbasini tahrirlash]
Masjid ilgari Pegantungan masjidi sifatida tanilgan va uning atrofidagi musulmonlar jamoatini tashkil etish tashabbusi bilan bunyod etilgan. Pandeglangning sobiq regenti va Serang Raden Tumenggung Basudin Tjondronegoro masjid qurilishini osonlashtirish uchun hozirda masjid oʻrnashgan taxminan 2,6 gektarlik yerni tuhfa qilgan[1].
Masjid asos solinganidan buyon bir necha bor taʼmirlangan. Dastlab, masjid anʼanaviy Yava islom meʼmorchiligi uslubida boʻlgani singari minorasiz qurilgan. 1930-yilda masjid Banten masjidiga oʻxshab taʼmirlandi, ammo inshoot tarkibiga minora qoʻshilmagan. 1956-yildagi taʼmirda minora barpo etilgan[1].
1968-yilda masjid nomi „kurash“ degan maʼnoni anglatuvchi Ats-Tsauroh deb oʻzgartirildi. Masjid 1974 va 1993-yillarda yana bir necha marotaba taʼmirlandi[1].
Arxitekturasi[tahrir | manbasini tahrirlash]
Masjid Yava islom meʼmorchiligi uslubida qurilgan boʻlsa ham, hozirda u uch qavatli piramidal tomlari va Joglo anʼanaviy uylariga xos boʻlgan ochiq pavilon uslubini oʻzida namoyish etadi. Uch qatlam islomning iymon, islom va ehson falsafasini anglatadi. Tomning tepasida terakota loydan yasalgan keramika bilan qurilgan gʻoz shaklidagi anʼanaviy Banten memoro bezaklari mavjud.
Ochiq pavilyon uslubidagi ibodat maydoni 16 ta ustunga ega, ulardan toʻrttasi asosiy ustunlar hisoblanadi. Toʻrtta asosiy ustun uslubidan foydalanish Yava meʼmorchiligi anʼanalariga koʻra bunyod etilgan, bu guru yoki murabbiyning mavjudligini anglatadi. Ushbu „murabbiy ustunlari“ arab tilida yozilgan islomiy yozuvlarga ega. Barcha ustunlar poydevori qovoq shaklida qurilgan boʻlib, bu Banten mintaqasining unumdorligini anglatadi.
Mehrob arab xattotligi hamda islom geometrik naqshlari bilan bezatilgan va xitoycha uslubda shakllantirilgan.
1956-yilda qoʻshilgan minora olti burchakli shaklga ega va piramidal tomlar va memoro bilan qurilgan. Minora azonning jarangdor eshitilishini taʼminlash uchun qurilgan.
Masjidning joylashuvi diniy totuvlikni anglatadi. Masjid Batak xristian protestant cherkovi va Kristus Raja cherkovi soborlari bilan oʻralgan.
Manbalar[tahrir | manbasini tahrirlash]
- ↑ 1,0 1,1 1,2 1,3 MASJID AT-TSAUROH. Sistem Informasi Masjid. Retrieved April 29, 2021.
- ↑ Masjid Agung Ats Tsauroh. Dunia Masjid. Retrieved April 29, 2021.