Amudaryo qishlogʻi

Amudaryo qishlogʻi
qishloq
Mamlakat	Oʻzbekiston
Viloyat	Xorazm viloyati
Tuman	Xonqa tumani
Iqlim turi	keskin kontinental
Rasmiy til(lar)i	oʻzbek tili
Konfessiyaviy tarkib	musulmonlar
Vaqt mintaqasi	UTC+5
Pochta indeks(lar)i	220801
Avtomobil kodi	90

Amudaryo qishlogʻi – Xorazm viloyati Xonqa tumanidagi 10 ta qishloq fuqarolar yigʻinidan biri hisoblanadi. Amudaryo qishlogʻining umumiy yer maydoni 6160 km.kv tashkil etadi. Qishloqda yashovchi aholining umumiy soni 5200 dan ortiq. Amudaryo qishlogʻi bir qancha millatlarni birlashtiradi. Amudaryo qishlogʻida o'zbeklardan tashqari koreyslar va boshqa millat vakillari ham istiqomat qiladi. Koreyslarning foizi Amudaryo qishlogʻida yashovchi umumiy aholining 15 foizini tashkil etadi. Qishloqda yashovchi oʻzbeklar umumiy aholining 84 foizini boshqa millat vakillari 1 foizni tashkil etadi.

Tarixi

Avvallari qishloq yerlari toʻkayzor va qamishzor boʻlgani uchun aholi uni Moshtoʻqay deb atagan. 1960-yillarda bu yerlar oʻzlashtirila boshlandi va 1964-yilda sholichilikka asoslangan Al-Xorazmiy nomidagi xoʻjalik tashkil etildi va qishloqqa Amudaryo nomi berildi. Qishloq Amudaryo daryosining yaqinida joylashganligi uchun Amudaryo qishlogʻi nomini oladi.

Joylashuvi

Amudaryo qishlogʻining sharq tomonidagi ozgina yerlari Bog'ot tumani bilan kesishgan boʻlsa gʻarb tarafda Namuna qishlogʻi bilan shimolda Amudaryoga tutashgan va janubda Shovot kanali bilan chegaradosh hisoblanadi.

Xoʻjaligi

Amudaryo qishlogʻida sholichilikni rivojlanishida koreyslarning hissasi katta. Bulardan Kim Nikolay Vasilevich yaqqol ajralib turadi. U fidokorona mehnatlari uchun „Sovet Mehnat Qahramoni“ unoviga sazavor boʻlgan va bu yerdagi sholichilik savxozini boshqargan.

Infratuzilma obyektlari

Amudaryo qishlogʻida 10 da ortiq savdo majmualari, 1 ta shifoxona, 1 ta kollej, 2 ta maktab va yana shuncha maktabgacha taʼlim muassasasi faoliyat yuritadi. Qishloqda al-Xorazmiy haykali va alloma nomidagi muzey ham bor.