Aleksey Dionisiev
| Shaxsiy maʼlumot | |||
|---|---|---|---|
| Toʻliq ismi | Aleksey Yordanov Dionisiev | ||
| Tavallud sanasi | 21-aprel 1973-yil | ||
| Tavallud joyi | Vidin, Bolgariya | ||
| Boʻyi | 1.84 m (6 ft 1⁄2 in) | ||
| Ampluasi | Himoyachi | ||
Aleksey Yordanov Dionisiev (1973-yil 21-aprel; Vidin, Bolgariyada tugʻilgan) — bolgar va oʻzbek futbolida himoyachi ampulasida oʻynagan. U professional faoliyatini yakunlagan. Oʻzbekiston terma jamoasida oʻynagan.
Faoliyati[tahrir | manbasini tahrirlash]
Aleksey Dionisiev oʻzining professional faoliyatini 1992-yilda tugʻilgan shahrining „Bdine“ jamoasi aʼzosi sifatida boshlagan. Bdine tarkibida u 1993-yilgacha oʻynagan va shu vaqt ichida u 18 uchrashuvda maydonga tushib, 1 ta gol urgan. 1994-yil boshida u Shumen jamoasi tarkibiga oʻtdi va 1996-yilning oxirigacha ushbu klubda oʻynagan va u yerda 84 uchrashuvda maydonga tushib, 8 gol urgan. Keyingi yillarda u Bolgariya ligalarining turli klublarida toʻp surgan[1].
2004-yilda u Gretsiyaning „Patriakos“ klubiga oʻtgan va bu klubda ikki mavsum oʻynagan. „Patriakos“ tarkibida 25 uchrashuvda maydonga tushib, 4 ta gol urgan. 2005-2006-yillarda Gretsiya va Bolgariyaning turli klublarida toʻp surgan. 2007-yilda Dionisiev Bolgariyaning „Vihren“ klubida oʻynagan. Aynan shu klubda u professional faoliyatini yakunlagan.
Oʻzbekiston terma jamoasidagi faoliyati[tahrir | manbasini tahrirlash]
2001-yilda Oʻzbekiston terma jamoasiga Aleksey Dionisiev va yana bir bolgariyalik futbolchi Georgiy Georgiev taklif qilingan. Ko‘p o‘tmay, ular O‘zbekiston pasportini olib, O‘zbekiston terma jamoasida o‘ynay boshlagan[2]. Aleksey Dionisiev Oʻzbekiston milliy terma jamoasidagi debyut uchrashuvini 2001-yilning 23-aprelida 2002-yilgi Jahon chempionati yoʻllanmasi uchun saralash turniri doirasida Tayvan terma jamoasiga qarshi oʻtkazgan va shu oʻyinda u oʻzining ilk golini urgan. O‘sha uchrashuvda O‘zbekiston terma jamoasi Tayvan terma jamoasini 7:0 hisobida mag‘lub etgan. O‘zbekiston milliy terma jamoasi safida Dionisiev jami beshta o‘yin o‘tkazib, bir marotaba gol urishga muvaffaq boʻlgan.
Xalqaro maydondagi gollar[tahrir | manbasini tahrirlash]
| № | Sana | Maydon | Raqib | Natija | Turnir |
|---|---|---|---|---|---|
| 1. | 23.04.2001 | Paxtakor Markaziy Stadioni, Toshkent, O'zbekiston |  Tayvan |
7-0 | 2002-yilgi Jahon chempionati saralash |
Yutuqlari[tahrir | manbasini tahrirlash]
- Bolgariya chempioni: 2000, 2001
- Bolgariya kubogi sohibi: 2000-yil
Manbalar[tahrir | manbasini tahrirlash]
- ↑ https://alphapedia.ru/w/Aleksey_Dionisiev
- ↑ „Русские и болгары приносят победу сборной Узбекистана“. 2015-yil 12-iyulda asl nusxadan arxivlangan. Qaraldi: 2015-yil 27-aprel.
Havolalar[tahrir | manbasini tahrirlash]
- Aleksey Dionisiev at National-Football-Teams.com
- Profile at LevskiSofia.info