Adobe Photoshop

Vikipediya, ochiq ensiklopediya
Jump to navigation Jump to search
Adobe Photoshop

Adobe PhotoshopAdobe Systems firmasi tomonidan ishlab chiqilgan va tarqatilyotgan ko'pfunksiyali grafik redaktor. Asosan rastorli tasvirlar bilan ishlashga mo'ljallangan, biroq bir nechta vektorli vositalariga ega. Dastur Adobe firmasi mahsuloti sifatida mashxur va rastorli tasvirlarni tahrirlashda dunyoda eng oldi brendi hisoblanadi. Hozirda Photoshop macOS, Windows platformalariga, iOS, Windows Phone va Android mobil tizimlariga moslashtirilgan. Yana Windows 8 va 8.1 uchun Photoshop Express versiyasi ham mavjud. Adobe Photoshop tasvirlarni tahrirlashdagi proffesional redaktor hisoblanadi.
Adobe Photoshop dasturining ishlab chiqilgan sanasi birorta kalendarda qayd etilmagan. Biz ishlatadigan Adobe Photoshop dasturining 2005-yilda bir yilligi nishonlandi. Bundan 17 yil oldin, fevral oyida, «Adobe» kompaniyasi, Rassomlar, fotograflar, dizaynerlar orasida hozirgacha mashhur bo'lgan «Photoshop — 1.0» muallifini e'lon qildi. Photoshop dasturi bugungi kunda, «kompyuter grafikasi» sohasi bo'yicha eng oldingi o'rinda turibdi va mustaqil dastur bo'lib ajraldi. Biz foydalanayotgan Adobe Photoshop dasturining boshlanishi ancha ilgari bo'lgan. Hozir 41 ta muallifi e'lon qilingan dasturni aslida aka-uka Jon Noll va Tomas Nollar boshlab bergan. Ularning otasi fotograf bo'lib, ular yerto'lada joylashgan fotolabaratoriyada otasiga yordam berar edilar. Tomas nur va rang kontrastini o'rgandi. Jonn esa eski «Apple» da ishlashga qiziqardi. 1984-yilda Aka-uka Nollarga otasi dastlabki Macintosh olib berdi. Uning imkoniyatlarining ko'pligi shu dasturni tuzishga sabab bo'ldi


Tarixi[tahrir]

Dasturning boshlanishi[tahrir]

1987-yilgacha Jonn Noll «Lucasfilm» firmasining Industrial Light and Magic (ILM) bo'limida «Stars Wars» ga maxsus effektlar tayyorlashda ishlar edi. Tomass bu vaqtda «Tasvirlar bilan ishlash» to'g'risidagi nomzodlik dissertatsiyasini yozayotgan edi. Tomassning Apple Mac plus monitorli kompyuteri «Grayscale Images» tasvirini namoyon qilmadi. Tomass vaziyatni o'zgartirish uchun yangi dastur tuzishga kirishdi.

Qizig'i shundaki, Industrial Light and Magic (ILM) da Jon ham tasvirlarni qayta ishlash bilan shug'ullanardi. Akasini muvaffaqiyatlarini ko'rgan Jon birga ishlashni taklif qildi.
Birinchi versiya 1987-yil Michigan universiteti talabasi Tomas Noll tomonidan Macintosh platformasi uchun yaratilgan. Jon o'zining «Kompyuter grafikasi asoslari» kitobida shunday yozadi:«Men Tomas ishlarining natijasini ko'rganimda, Pixar studiyasidagi tasvirlarni qayta ishlash dasturiga o'xshashligini ko'rib hayron qoldim». O'shandan boshlab biz birga ishlab, murakkab va mukammallashgan Display dasturini tuzdik. Oradan ko'p vaqt o'tmay Jon yangi sotib olgan rangli ekranli Macitntosh II kompyuteriga Display dasturini ko'chirishni taklif qildi. Jon display dasturida ranglar gammasi korreksiyasi, import, fayllarni har xil formatlarda saqlash va boshqalarni o'ylab topdi.

Dastur ustida ishlash Tomasni dissertatsiya yozishdan chalg'itdi, lekin u shunda ham xursand edi. Hech qancha vaqt o'tmay Tomas tasvirlarni bir qismini ishlov berishni yangi usulini o'ylab topdi va ishlov berish asboblar to'plamini tuzdi. Keyinchalik bular «Plug-ins» deb ataldi. Keyinchalik tonlarni sozlash-(Levels), balansni boshqarish funksiyasi, ranglar va to'yinishni boshqarish (Hue and Saturation) ishlab chiqildi. Bu imkoniyatlar Photoshopda dastlabki qadam bo'ldi. O'sha davrda bunday funksiyalar faqat maxsus dasturlarda bo'lgan. Ular esa faqat labaratoriyalarda yoki Industrial Light and Magic (ILM) da bo'lgan.
1988-yilda Tomas «Display»ning nomini «ImagePro» deb o'zgartirdi. Dastur o'sha davrda juda zamonaviy edi. Jon bu dasturni sotib, pul ishlashni o'ylar edi. Tomas esa unga qarshi chiqdi. Bundan tashqari Tomas o'z dissertatsiyasini tugatmagan, to'liq ishlangan dasturni tuzishga ancha vaqt va mehnat kerak edi. Ular shunga o'xshash dasturlarni analiz qilishib, o'z dasturlari "Image Pro" ni boshqalardan oldinga o'tib ketganligini aniqlashdi.

"Image Pro" dan „Photoshop“ga o'tilishi[tahrir]

Dasturni moliyalashtirish boshlandi. „Photoshop“ atamasi qayerdan paydo bo'lganligini hech kim bilmaydi. Dastur namoyishi vaqtida nashriyotchila tomonidan „Photoshop“ deb nomlangan degan gap bor. Dastlabki versiyalarda ekranlarda Photoshop ko'ringanligi hozirda bizda „ExTraneous CapitaliSation“ ko'ringanday. Qizig'i shundaki, ko'p dastur tuzuvchilar o'z yo'nalishlarini Photoshop tomonga burdilar va bunday dasturlarni mustaqil ishlab chiqa boshladilar. Faqatgina bitta kompaniya Photoshopni sotib olishga kuchi yetar edi. Bu kompaniya hozirda bizga mashhur bo'lgan „Adobe“ kompaniyasi edi. Lekin masalani hal qilishgacha hali ancha bor edi. Barneyscan skanerlarini ishlab chiquvchilar aka-ukalarga Photoshopni o'z mahsulotlari komplektida sotishni taklif qilishdi. Natijada 200 ta nusxalangan Photoshop Barneyscan XP savdo belgisi ostida tarqalib ketdi.
Yaxshiyam Adobe bilan kelishuv uzoq davom etmadi. Tez orada Jon o'z dasturiga e'tiborni jalb qilish uchun kompaniyaga keldi. U bu yerga kelib Rassel Brounga o'z dasturini imkoniyatlarini namoyish qildi. Keyin Photoshop Art-direktor ga namoyish etildi. Direktorga ma'qul bo'ldi va tezda sotib olish kerakligini aytdi. Adobe tomonining soddaligidanmi yoki aka-ukalarning ehtiyotkorligidanmi dastur to'la sotilmadi, faqat litsenziyalandi. 1988-yili Adobe Systems firmasi dastur uchun huquqlarni sotib oldi. Shuning uchun, dasturdan keladigan gonorar aka-ukalarga tegishli bo'lib qoldi. 1989-yili dastur "Photoshop" deb nomlandi.

Hammasi juda yaxshi borar edi. Lekin aka-ukalar bu muvaffaqiyatlar bilan to'xtab qolishmadi. Oldinda juda ham o'gir ish — Photoshop 1.0 rasmiy versiyasini ishlab chiqish turar edi. Tomas dasturni natijaviy kodlash ustida ishladi. Bu vaqtda Jon esa Plug-ins ni kengaytirish ustida ishlar edi. Bu esa Adobe xodimlarini hayratlantirdi. Ular bunda ayyorlik va aldashni ko'rishdi.

Qizig'i shunda ediki, ba'zi qoidalarga qattiq rioya qiluvchi hodimlar, Photoshopni kengaytirish standartlarga to'g'ri kelmaydi va yaxshi natija bermaydi deb fikr bildirishdi. Boshqalar esa, uni to'g'ri ishlatish ko'p foyda berishini aytishdi. Dasturni tugatishni oxirgi bosqichlarida ham Tomas uni o'zgartirish va mukammallashtirishga vaqt va kuch topdi. Photoshopning tarafdorlari Jon va Rassel Brounning qo'llab quvatlashi va Adobe ning qarorlari natijasida 1990-yil, fevral oyida Adobe Photshop 1.0 rasmiy versiya sifatida chiqdi.

So'zsiz 1-versiyaning chiqishi, ko'p xatolarga qaramasdan muvaffaqiyatli bo'ldi. Adobe kompaniyasi Photoshopning hammabopligini isbotlab berdi, lekin u o'sha vaqtda maxsus dastur tuzuvchilar uchun ishlab chiqilgan edi.Adobe kompaniyasi: Photoshop yordamida shunday natijaga erishishish mumkinligini, bunday natijaga ilgari faqat bir necha ming dollar turadigan professional, maxsus dastur asosidagina erishish mumkin ekanligini ta'kidladi. O'sha vaqtda Photoshopning narxi 1000$ bo'lishiga qaramasdan, uning eng katta raqobatchisining narxi 1995$ turadigan Letraset's ColorStudio dasturi edi. 2.0 versiyani ishlab chiqish bosqichida Adobe dasturchilar shatitini kengaytirdi. Dasturga Bezye egri chizig'ini kiritish uchun Mark Gamburgni taklif qildi. Bu vaqtda Photoshopda yangi imkoniyatlar ochildi: Pen tool, ikki tonli tasvirda ishlash, Illustratordan ba'zi tasvirlarda import va Rasterize. Bulraga yana CMYK qo'shildi. Photoshop uchun kasb bozorining ochilishi, poligrafiya xizmatlari Adobe kompaniyasi uchun juda qo'l keldi. Sotish bo'yicha birinchi menedjer Steven Gutman beta-versiya dasturlariga kodli nomlar taklif qildi. Bu odat shu kungacha davom etyapti. 1990-yilda chiqqan 'Fast Eddy' beta-versiya 2.0 ning kodli nomidir.

Photoshop uzoq vaqt, asosan Macintosh platformasida ishladi. Lekin uning muvaffaqiyatga erishishiga Grafika bozorida paydo bo'lgan Windows kafolatlab berdi. Yangi platformaga versiya ishlab chiqish oson ishlardan emas edi-buning uchun Brayan Lepkin boshchiligida yangi guruh tuzildi. Ko'p miqdorda yangi kiritmalar, masalan 16bitli fayl ishlab chiqarilishiga qaramasdan, bular faqat 1993-yil 2.5.1 versiyalarida paydo bo'ldi. 3.0 versiyadagi musiqa guruhi uchun ishlangan 3 albom ham muvaffaqiyatga erishishi yoki butunlay muvaffaqiyatsizlikka uchrashi mumkin edi. Omad Brayan Lepkin boshqarayotgan guruh tomonida bo'lib, ular qavatlar(Layers) ni ta'minlovchi dasturni rivojlantirdilar.

Layers ni ko'pchilik qo'llab-quvatladi, chunki u dasturning asosiy funksiyasini bajarar edi, u tez orada, ko'pgina rassom va dizaynerlarni o'ziga jalb qildi. Layers o'sha vaqtda juda mukammal emas edi. HSC keyinchalik Meta creations Live pictures nomli tasvirlarni qayta ishlash dasturini ishlab chiqdi, u ham shunday texnologiyani qo'llardi. Meta Creations juda katta xatoga yo'l qo'ygani shundaki, ular Live Picturesga juda baland narx qo'yib yuborishdi va Photoshop3.0 versiyasiga raqobatchi qolmadi. Keyingi versiyalarda Layers ga o'xshash katta o'zgarishlar bo'lmadi, lekin dasturni mukammallashtirish davom etdi. Photoshop 5.0 versiyasida, ranglarni boshqarish va History Palette kiritldi. Ularning tasirida dasturning san'at imkoniyatlari oshdi. Photoshop 5.5 versiyasining chiqishi bilan katta o'zgarish bo'ldi. Photoshop komplektida Image Ready paydo bo'ldi va u web uchun grafikalarni ishlovchi yangi funksiyalarni ochib berdi. Photoshop 6.0 versiyasida Layer Styles va matnni harakatlanishini boshqarish imkoniyatlari paydo bo'ldi. Photoshop 7.0 versiyasida Healing brush paydo bo'ldi.

Adobe Creative Suite paketi tarkibida[tahrir]

2003-yilning oktabrida ishlab chiqilgan Photoshop 8.0 Photoshop CS deb nomlana boshladi, negaki endi u Adobening yangi Creative Suite tarmog'i mahsulotlariga tegishli edi. 2007-yilgi Photoshop 10.0 dasturi Photoshop CS3 deb nomlandi. CS3 — dastur Adobe Creative Suite dasturlar paketining uchinchi versiyasiga moslashganini bildiradi. Eski CS va CS2 versiyalari dasturning yangi tarmoqqa mansubligini bildirish va oldingi versiyalaridan farqlantirish maqsadida dasturning bosh ramzida 3 dan 7 versiyasigacha mavjud bo'lgan ko'z chiroyli patlar bilan o'zgartirildi. Yangi versiya yangi imkoniyatlarga ham ega bo'ldi. Photoshop CS3 ramzida esa ko'k chegarali to'rtburchak ichidagi PS yozuvi aks etadi.

Adobe Creative Cloud paketi tarkibida[tahrir]

2013-yil iyunida ishlab chiqilgan Photoshop 14 Photoshop CC nomiga ega. CC qisqartmasi dastur Adobe Creative Cloud dasturlar paketi tarmog'iga moslashtirilganini bildiradi.

2014-yildan boshlab mahsulot versiyalari yangi nomlanishga ega bo'ldi: endi uning nomida qachon ishlab chiqilgani ham yoziladi (Photoshop 2014.0.0).

Yangi versiyaga Adobe Camera RAW plagini ham o'rnatildi, endilikda dastur ko'plab fotokameralardan suratlarni to'g'ridan to'g'ri ola oladi.

Versiyalari[tahrir]

Versiya Plataforma Kodlanishi Yaratilish vaqti
1.0 Mac OS 1990-yil noyabr
2.0 Mac OS Fast Eddy 1991-yil iyun


2.0.1 Mac OS 1992


2.5 Mac OS Merlin 1992-yil noyabr
Windows Brimstone
2.5.1 Mac OS 1993
3.0 Mac OS Tiger Mountain 1994-yil sentabr


Windows, IRIX noviembre de 1994
4.0 Mac OS, Windows Big Electric Cat 1996-yil noyabr
4.0.1 Mac OS, Windows 1997-yil avgust
5.0 Mac OS, Windows Strange Cargo 1998
5.0.1 Mac OS, Windows 1999
5.5 Mac OS, Windows 1999
6.0 Mac OS, Windows Venus in Furs 2000
6.1 Mac OS, Windows 2001
7.0 Mac OS, Windows Liquid Sky 2001-yil mart
7.0.1 Mac OS, Windows 2002
CS (8.0) Mac OS, Windows Dark Matter 2003
CS2 (9.0) Mac OS, Windows Space Monkey 2005
CS3 (10.0) Mac OS, Windows Red Pill 2007
Express Internet 2008-yil 28-mart
CS4 (11.0) Mac OS, Windows Stonehenge 2008-yil 23-sentabr
CS5 (12.0) Mac OS, Windows White Rabbit 2010
CS6 (13.0) Mac OS, Windows Superstition 2012
CC (14.0) Lucky 7 2013
CC 2014 (15.0) Single Malt Wiskey Cat 2014
CC 2015 (16.0) 2015
CC 2015.5 (17.0) Haiku 2016


CC 2017 (18.0) Big Rig 2016
CC 2017 (18.1.0) Apple Macintosh, os x, Windows 2017
CC 2018 (19.0.0) Mac OS X El Capitan o superior, Windows 7, 10 White Lion 2017-yil 18-oktabr (aktual)


Muqobillari[tahrir]

Photoshopda montaj qilingan tasvir

Photoshop mukammal surat muharriri bo'lsada va shu sohadagi bozorda monopolashgan bo'lsada, juda qimmatligi unga nisbatan arzon yoki bepul dasturlarning yaratilishiga olib keldi. Misol uchun, GIMP dasturi mutlaqo bepul. Shu sababli ham Adobe firmasi ommaga o'z mahsulotining arzon va bepul ko'rinishlarini taqdim etdi. Ular Photoshop Elements va bepul targ'ib etiladigan Photoshop Albumdir. Bu dasturlarda funksiyalar juda qisqartirilgan va ma'lum bir ishlar uchun asqatadi. Adobe Photoshop Lightroom dasturi fotosuratlarni shunchaki kichik tahrirlash uchun xizmat qiladi.

Dasturning afzalliklari[tahrir]

Adobe Photoshop dasturi 20 dan ortiq formatdagi fayllar bilan ishlash imkoniga ega. Ular:

  • PSD
  • PSB
  • PostScript
  • EPS
  • DCS
  • EPS TIFF
  • BMP
  • GIF
  • JPEG
  • TIFF
  • PICT
  • PNG
  • PDF
  • ICO
  • IFF
  • PCX
  • RAW
  • TGA
  • Scitex CT
  • Filmstrip
  • FlashPix
  • JPEG2000 va boshqalar


Eng ko’p qo’llaniladigan formatlar :

Photoshopda montaj qilingan tasvir

BMP (Windows Bit map — Windows ning vit xaritasi) — Windows muhitida ishlovchi kompyuterlarda ekran osti tasvirlarini qo’llovchi dastur Microsoft Paintda keng qo’llaniladi.

Jpeg, JPG (Joint Phonographic Experts Group) — hozirgi kunda eng ko’p qo’llaniladigan formatlardan biri bo’lib, uning asosiy afzaliklaridan biri maxsus dastur yordamida fayl hajmini yetarlicha siqish imkonining mavjudligidir. Ammo faylni siqib, hajmini kichraytirish jarayonida tasvir sifatida o’zgarish bo’ladi. Fayl kuchli siqilganda tasvir sifati yomonlashishi mumkin. Ushbu formatdagi fayllar kompyuter xotirasida ko’p joy egallamaydi va hajm jihatidan kichikligi bois mazkur formatdagi tasvirlar bilan ishlash ancha oson.

TIFF (Tagger Image File Format) — bu formatdagi fayllar ham keng qo’llanadi. Lekin Tiff formatidagi fayllar kompyuter xotirasida ko’p joyni egallaydi. Adobe Photoshop dasturida ushbu formatdagi tasvirlar bilan ishlashda dasturining ishlash tezligi sezilari ravishda kamayishi mumkin. RGB (red, Green, Blue - qizil, ko’k, yashil) moduli tasvirni ekranda tahrir qilish nuqtai nazaridan kelib chiqqan holda juda qulay va u 24 razryadli ranglar platasi yordamida deyarli barcha 16 million ranglarni monitorlarda aks ettiriladi. RGB ranglar majmuasi bilan ishlagan barcha tasvirlarni xohlagan formatda diskka yozish mumakin. RGB ranglar majmuasidagi ayrim ranglar umuman tabiatda uchramaydi.

CMYK — tabiatda mavjud bo’lgan ranglar majmuasi, quyosh nurlari inson ko’zlari ajrata oladigan barcha ranglarni o’ziga mujassamlashtirgan. Quyosh nurlari biror — bir jismga tushganda uning ta’siri ostida inson ko’zlari jism shakli va rangini idrok etadi. Misol uchun, binolarning o’t o'chirish burchaklariga osib qo’yilgan o’t o'chirgichlar to’q ko’k va zangori ranglar bilan bo’yalishiga qaramay, bizning ko’zimizga to’q qizil rangda ko’rinadi. Ranglarni bir biriga qo’shilishi natijasida boshqa ranglar hosil qilinadi: S — xavorang, M — binafsharang, Y — sariq rang, K — qora rang. RGB ranglar majmui keng ko’lamdagi ranglarni taklif etadi. Lekin ularning ko’p qismi (ayniqsa, yorkinlari) tasvirni chop etganda monitordagi bilan keskin farq qiladi. Shu bois xam ko’plab mutaxassislar tasvirni chop etishdan avval uni CMYKsistemasiga o’tkazadilar. Ayrim mutaxassislar esa tasvir bilan CMYK sistemasida ishlashni maslaxat beradilar. Ammo bu tasvir bilan ishlash turli qiyinchiliklar tutdiradi. Ayni shunday qiyinchiliklardan biri — kompyuter juda sekin ishlaydi. Bunga asosiy sabab Adobe Photoshop dasturi RGB sistemasiga sozlangan bo’lib, har bir buyruqni bajarib, uni RGB sistemasidan CMYK sistemasiga almashtirguncha kompyuter qo’shimcha vaqt talab qiladi. Bundan tashqari, skaner va monitor RGB sistemasida ishlashga mo’ljallangan.

Oldin bu dastur faqat poligrafiya suratlari muharriri bo'lgan, keyinchalik esa veb-dizaynda ham ishlatila boshladi. Photoshop mediafayllar, animatsiya va boshqa turdagi ijod namunalarini qayta ishlovchi dasturlar bilan aloqadorlikka ega. Adobe ImageReady, Adobe Illustrator, Adobe Premiere, Adobe After Effects и Adobe Encore DVD dasturlari bilan hamkorlikda Photoshop proffesional DVD yaratilishida, turli darajadagi maxsus effektlarni yaratishda, televideniya, kinomotografiyada va o'rgimchak turida ishlatilishi mumkin. Hozirda kompyuter o'yinlarini yaratishda ham Photoshop keng ishlatilyapti.

Photoshopning asosiy formati PSD yuqorida nomi keltirilgan barcha dasturlarga import va eksport qilinishi mumkin. PS CS DVDlarda menyu hosil qilish funksiyalariga ega. Dasturning juda mashxurligi sabab PSD formati Adobe Fireworks, Photo-Paint, WinImages, GIMP, SAI, PaintShop Pro va boshqa grafik dasturlarda tan olinadi.

Photoshop quyidagi rang modellarini tan oladi va ishlaydi:

  1. RGB
  2. LAB
  3. CMYK
  4. Kulrang tusi
  5. Oq-qora
  6. Duotone
  7. 256 rangli palitra (Indexed)
  8. Ko'p kanalli (Multichannel)

Kengaytirilgan funksiyalar[tahrir]

Adobe Photoshop Extended dasturining yangi versiyalaridan (CS4 dan) boshlab Adobe Acrobat 3D, Autodesk 3ds Max, Maya va Google Планета Земля dasturlarida yaratilgan 3D formatdagi tasvirlarni ochish hamda tahrirlash mumkin. Photoshop 3D fayllarning quyidagi formatlarini o'qiy oladi: U3D, 3DS, OBJ, KML va DAE. Uch o'lchamli suratlarni ikki o'lchamli suratlarga qo'shish mumkin. Tahrirdan so'ng ishni GIF-animatsiya yoki PSD ko'rinishida saqlash mumkin va uni Adobe Premiere Pro yoki Adobe After Effects video dasturlarida ko'rish mumkin.

 CS versiyasidan boshlab PSda skriptlar bilan ishlash imkoniyati bor. Photoshop DIOCOM (Digital Imaging and Communications in Medicine) — tibbiyotdagi raqamli tasvirlar fayllarini o'qiy oladi.  PS Extended dasturi orqali MATLAB tasvirlar bilan ishlash mumkin.

Boshqa qurilmalar uchun ko'rinishlari[tahrir]

“Adobe Systems” kompaniyasi “Adobe Photoshop” grafik muharririning planshet kompyuterlar uchun mo‘ljallangan versiyasini namoyish qildi. Ushbu dastur “Adobe Photoshop Touch” deb nomlandi. 2010-yilda chiqarilgan “Adobe Photoshop Express” mobil grafik muharriridan farqli o‘laroq, yangi dastur ko‘proq “Photoshop”ning desktop kompyuterlar uchun mo‘ljallangan versiyasiga o‘xshab ketadi.

Unda, xususan, “qatlamlar” funksiyasi va barmoqlar bilan rasmlarning alohida fragmentlarini “belgilash” imkoniyati mavjud.

Ushbu dasturda qayta ishlangan rasmlarni Facebook ijtimoiy tarmog‘iga yuborish yoki kompaniyaning yangi “Adobe Creative Cloud” bulutli servisiga joylashtirish mumkin.

“Adobe Photoshop Touch” ham kompaniyaning “Adobe Touch Apps” ilova-dasturlar paketi tarkibiga kiradi. Paket 6 ta dasturdan iborat: rasmlarni tahrirlash uchun “Adobe Photoshop”, kollajlar yaratish uchun mo‘ljallangan “Adobe Collage”, tayyor ishlarni namoyish qilish uchun “Adobe Debut”, vektor grafikasini tahrirlovchi “Adobe Ideas”, ranglarni aralashtirish uchun “Adobe Kuler” va veb-sayt eskizlarini yaratish uchun “Adobe Proto” dasturlari.

Eslatib o‘tamiz, “Adobe Touch Apps” paketiga kiruvchi har bir dastur narxi 9,99 dollar turadi. Dasturning Android-planshetlar uchun mo‘ljallangan versiyasi shu yilning noyabr oyida chiqariladi. Apple kompaniyasining iPad plansheti uchun mo‘ljallangan versiyasi esa 2012-yil boshlariga chiqishi kutilmoqda.

Manbalar[tahrir]

  • texnoman.uz sayti
  • Александр Ефремов. Цифровая фотография и Photoshop. Уроки мастерства. — СПб.: «Питер», 2009. — 192 с. — ISBN 978-5-388-00387-4.
  • Питер Бойер. Photoshop CS6 для чайников = Photoshop CS6 For Dummies. — М.: «Диалектика», 2012. — 448 с. — ISBN 978-5-8459-1812-3.
  • infoman.uz sayti

Havolalar[tahrir]