Oscar

Oscar mukofoti
Mukofot sohasi	Kino sohasidagi yutuqlar uchun
Tashkilotchi	Amerika kino akademiyasi
Mamlakat	AQSh
Birinchi berilgan yili	1929
Rasmiy vebsayti

Oscar (talaffuzi: Oskar) — Amerika kino akademiyasining har yili taqdim etiladigan mukofoti. Bu AQShning eng nufuzli kinematografistik sovrinidir. Taqdimot marosimi oʻnlab mamlakatlarda toʻgʻridan-toʻgʻri efirda koʻrsatiladi. Koʻpgina kinofestivallardan farqli ravishda "Oscarlar" hakamlar aniqloviga koʻra emas, balki Akademiya aʼzolarining umumiy ovoz berishiga koʻra taqdim etiladi.

Oscar mukofotining nominatsiyalari

Asosiy nominatsiyalar

Hozirgi kunda Oscar mukofoti 24 asosiy nominatsiya boʻyicha taqdim etiladi:

• Yilning eng yaxshi filmi — 1928-yildan
• Eng yaxshi erkaklar roli — 1928-yildan
• Eng yaxshi ayollar roli — 1928-yildan
• Eng yaxshi ikkinchi darajali erkaklar roli — 1936-yildan
• Eng yaxshi ikkinchi darajali ayollar roli — 1936-yildan
• Eng yaxshi animatsion toʻliq metrajli film — 2001-yildan
• Eng yaxshi rassom-postanovkachi/dekorator ishi — 1928-yildan
• Eng yaxshi operator ishi — 1928-yildan
• Eng yaxshi liboslar dizayni — 1948-yildan
• Eng yaxshi rejissura — 1928-yildan
• Eng yaxshi hujjatli toʻliq metrajli film
• Eng yaxshi hujjatli qisqa metrajli film
• Eng yaxshi montaj — 1935-yildan
• Chet tilidagi eng yaxshi film — 1947-yildan
• Eng yaxshi grim — 1981-yildan
• Eng yaxshi musiqa — 1934-yildan
• Eng yaxshi qoʻshiq — 1934-yildan
• Eng yaxshi animatsion qisqa metrajli film — 1931-yildan
• Eng yaxshi badiiy qisqa metrajli film
• Eng yaxshi ovoz — 1930-yildan (3-dan to 41-gacha boʻlgan taqdimot marosimlarida 1930—1968 mukofot studiyalarga taqdim etilgan, 1969-yildan ovoz yozuvchi aniq kishilarga berila boshlagan.)
• Eng yaxshi ovoz montaji — 1963-yildan
• Eng yaxshi vizual effektlar — 1939-yildan
• Eng yaxshi ssenariy-adaptatsiya — 1928-yildan
• Eng yaxshi original ssenariy — 1940-yildan