Kathryn P. Hire

Kathryn Hire
Tavalludi	1959-yil 26-avgust (63 yosh); Mobile, Alabama, U.S.
Fuqaroligi	AQSH
Kasbi	Astronavt
Unvoni	Kapitan, USN

Kathryn Hire (talaffuzi: Katrin Hayer 1959-yil 26-avgustda tug'ilgan) - NASAning sobiq astronavti va AQSh harbiy-dengiz kuchlari zahirasidagi kapitan. U ikkita kosmik kemada uchgan.

Ta'lim[tahrir | manbasini tahrirlash]

Alabama shtatining Mobile shahrida tug'ilgan. U Sent-Pius X katolik boshlang'ich maktabi va Merfi o'rta maktabida o'qigan^[1]. 1981-yilda Qoʻshma Shtatlar Harbiy-dengiz akademiyasining muhandislik va boshqaruv fanlari bakalavriatini hamda 1991-yil Florida texnologiya institutida kosmik texnologiyalar boʻyicha magistrlik darajasini olgan^[1].

Tajriba[tahrir | manbasini tahrirlash]

1982-yil oktyabr oyida Dengiz parvozi zobiti unvonini qo'lga kiritdi. Hire Merilend shtatida joylashgan Okeanografik rivojlanish bazasida, 8-guruh ( VXN -8) bilan butun dunyo bo'ylab havo-okeanografik tadqiqot missiyalarini o'tkazdi. U maxsus konfiguratsiya qilingan RP-3A va RP-3D Orion samolyotlarida Okeanografiya loyihasi koordinatori hamda missiya qo'mondoni sifatida parvoz qilgan.

Keyinchalik, Kaliforniya shtatidagi Mather havo kuchlari bazasida, 323d Flying Training Wing bilan dengiz floti ofitserlariga ko'rsatmalar berdi. U yerda navigatsiya o'qituvchisi va kurs menejeridan o'quv dasturi menejeri darajasiga ko'tarildi. U bir vaqtning o'zida USAF T-43A samolyotida navigator parvoz o'qituvchisi etib tayinlandi.

NASA tajribasi[tahrir | manbasini tahrirlash]

Hire 1989-yilning may oyida Kennedi kosmik markazida ish boshladi. U Dastlab Orbiterni qayta ishlash zavodida, faollashtirish muhandisi, keyinroq Lockheed Space Operations kompaniyasida kosmik kemaning mexanik tizimlari muhandisi sifatida ish yuritdi. 1991-yilda u Kosmik kemalarni sinovdan o'tkazish loyihasi muhandisi (TPE) sertifikatiga ega bo'ldi. Hire Rossiyaning Orbiter docking tizimini nazorat qilish bo'limiga rahbarlik qildi. 1994-yilda kosmik kemaning orbital mexanizmlari va uchish maydonchasidagi, tebranish uskunalari bo‘yicha supervayzer etib tayinlandi^[1]^[2].

1994-yil dekabr oyida NASA tomonidan tanlangan Hire, 1995-yil mart oyida Jonson kosmik markaziga kelib qo'shildi. Bir yillik mashg'ulotdan so'ng u missiyani boshqarishda kosmik kema aloqachisi ( CAPCOM ) sifatida ishladi. Hire STS-90 Neurolab-da (1998) Missiya bo'yicha 2-mutaxassis sifatida uchdi va kosmosda 381 soatdan ko'proq vaqt o'tkazdi. U Shuttle Avionics Integration Laboratory (SAIL), Shuttle yuklari va parvoz ekipaji uskunalari bo'yicha kosmonavtlar idorasi rahbari bo'lib ishlagan. Shuningdek Hire Kennedi kosmik markazi operatsiyalari uchun Astronavtlarni qo'llab-quvvatlash (ASP) jamoasiga rahbar etib tayinlangan.

Kosmik parvoz tajribasi[tahrir | manbasini tahrirlash]

STS-90 Neurolab (1998-yil 17-aprel; 3-may). 16 kunlik Spacelab parvozi davomida Kolumbiya kosmik kemasi bortidagi yetti kishidan iborat ekipaj azolari mikrogravitatsiyaning miya va asab tizimiga qaratilgan 26 ta hayotiy fan tajribalarida eksperimental sub'ektlar sifatida qatnashishdi. STS-90 reysi Yer atrofida 256 marta aylanib, 6,3 million mil yo‘l bosib o‘tdi.

2018-yil iyun oyidan boshlab Hire "NASA boshqaruvi astronavti" deb hisoblangan, ya'ni u NASAda ishlagan, lekin u kosmik parvozlar uchun topshiriqlarga chaqirilmagan^[3].

2019-yil 28-fevralda Xir NASAdan nafaqaga chiqdi^[4].